پشاور میں دہشتگردی واقعہکی پرزور مذمت کرتے ہیں ،شاہ محمود قریشی

ٹنڈو محمد خان(اُردو پوائنٹ اخبارتازہ ترین - آن لائن۔ 04 مارچ2022ء) وزیر خارجہ مخدوم شاہ محمود قریشی نے کہا ہے کہ پشاور میں افسوسناک دہشتگردی کا واقعہ ہوا ہے جس کی پرزور مذمت کرتے ہیں بحیثیت وزیر خارجہ مجھے علم ان دہشتگردی کے واقعوں میں کون ملوث ہے کون وسائل مہیا کرتا ہے اور کون ہے جو پاکستان میں عدم استحقام چاہتا ہے پاکستان کی قوم نے یکجا ہوکر فوج، پولیس و دیگر اداروں سے ملکر دہشتگروں کو شکست دی ہے لیکن کچھ قوتوں کو یہ ہضم نہیں ہورہا ہے وہ ہرگز نہیں چاہتے ہیں پاکستان کی معیشت اپنے پاؤں پر کھڑی ہو پاکستان میں سرمایہ کاری ہورہی ہے معاشری ترقی ہورہی ہے یہ لوگ ملک کو کمزور کرنا چاہتے ہیں لوگوں کے اندر بے یقینی پیدا کرنے کے لئے ایسے واقعات کرائے جارہے ہیں۔

ٹنڈو محمد خان میں حقوق سندھ مارچ کے شرکاء سے خطاب کرتے ہوئے انہوں نے مزید کہا آج ہمارے سیاسی مخالفین جو کر رہے ہیں وہ بھی بے یقینی پیدا کرنے کی سازش ہے تاکہ پاکستان کی قوم پھر فکرمند ہوجائے۔

(جاری ہے)

اپنے اقتدار اور اپنے آپ کو احتساب کے عمل سے بچانے کے لئے اپوزیشن والے یہ سارا ناٹک لگا رہے ہیں سندھ کے عوام کو تصویر کا ایک رخ دکھایا جارہا تھا لیکن آج ہماری ریلی کے بعد دونوں رخ عوام دیکھ رہی ہے ملتان میں جو حال عوام نے پاکستان پیپلزپارٹی کے مارچ کا کیا اس پر میں ہمدردی ہی کر سکتا ہوں جو پنڈال بلاول کے استقبال کے لئے بنایا گیا تھا جب وہ پہنچے تو وہ پنڈال خالی تھا جس کے بعد پنڈال کی جگہ تبدیل کرنی پڑی اور بائی پاس چوک پر گاڑیاں روک کر ایک نمونہ پیش کرنا پڑا ملتان میں بلاول خالی کرسیوں سے خطاب کر رہے تھے 15 سالوں سے بلاول اور ان کے ساتھی ایک ہی ٹیپ چلا رہے ہیں پاکستان پیپلزپارٹی کی فلم پانچ دفعہ لگ چکی ہے جس کو عوام دیکھ چکے ہیں اب عوام یہی فلم نہیں دیکھنا چاہتے اب مفت ٹکٹ پر بھی عوام دیکھنے نہیں آتے پنجاب، کی پی کے، گلگت بلستان، آزاد کشمیر کے عوام نے پہلی ہی پیپلزپارٹی کو رد کر دیا ہے اب سندھ کے لوگوں نے بھی مسترد کر دیا ہے ذوالقفار علی بھٹو، اور بینظیر کی قربانی پر سندھ کے عوام نے پاکستان پیپلزپارٹی کو پانچ بار حکمرانی کرنے کا موقع دیا ہے اب سندھ کے لوگ زرداری راج سے تھک چکے ہیں 2023 میں اگر سندھ کے عوام نے اپنا فیصلہ بدلا تو سندھ کے عوام کو حقوق دلوائیں گے باوقار قیادت نیا پاکستان بنا سکتے ہیں لٹیرے وسائل کو لوٹ سکتے ہیں لیکن نیا پاکستان نہیں بنا سکتے۔

وفاقی وزیر برائے بحری امور اور پی ٹی آئی سندھ کے صوبائی صدر سید علی زیدی نے کہا کہ پیپلز پارٹی نے سندھ میں پی ٹی آئی کے کارکنوں کو جھوٹے مقدمات درج کر کے ان کی زمینوں پر قبضہ کرنا شروع کر دیا سندھ کے عوام نے سندھ حقوق مارچ میں شرکت کرکے اپنا فیصلہ سنا دیا ہے قبل ازیں وفاقی وزیر برائے بین الصوبائی رابطہ ڈاکٹر فہمیدہ مرزا نے اس موقع پر گفتگو کرتے ہوئے کہا کہ سندھ حکومت نے اپنے 14 سالہ طویل دور میں سندھ میں تعلیم پر توجہ نہیں دی۔

انہوں نے کہا کہ ضلع بدین میں ایک بھی یونیورسٹی، میڈیکل یا پروفیشنل کالج قائم نہیں کیا گیا حتیٰ کہ صوبائی وزیر اسماعیل راہو کا تعلق بھی اس ضلع سے ہے۔وفاقی وزیر برائے بحری امور اور پی ٹی آئی سندھ کے صوبائی صدر سید علی حیدر زیدی نے کہا کہ پیپلز پارٹی نے سندھ میں پی ٹی آئی کے کارکنوں کو جھوٹے مقدمات درج کر کے ان کی زمینوں پر قبضہ کرنا شروع کر دیا۔

جمہوریت کے خود ساختہ چیمپئنز نے کل ملتان میں میڈیا والوں پر حملہ کیا اور ان کے کیمروں کو نقصان پہنچایا، انہوں نے مزید کہا کہ میڈیا کی آزادی پر قدغن لگانا ناقابل قبول ہے اور ہم اس عمل کی مذمت کرتے ہیں۔گرینڈ ڈیموکریٹک الائنس کے رہنما ڈاکٹر ذوالفقار مرزا نے کہا کہ بدین کے غریب عوام کی بڑی تعداد نے سندھ حقوق مارچ کا پرتپاک استقبال کیا۔ انہوں نے پی ٹی آئی اور وزیر اعظم عمران خان کی معاشرے کے محروم طبقات کی فلاح و بہبود اور ترقی کے لیے کی جانے والی کوششوں کے لیے اپنی حمایت کا بھی یقین دلایا۔