شمالی کوریا کے وزیردفاع کو فوجی تقاریب میں سونے پرسزائے موت کی سزا سنا دی گئی،ہیوٴن یونگ چول کو 2012 میں شمالی کوریا کی بری فوج کا سربراہ بنایا گیا تھا

جمعرات 14 مئی 2015 09:08

پیانگ یانگ(اُردو پوائنٹ اخبارآن لائن۔14 مئی۔2015ء) شمالی کوریا کے وزیر دفاع ہیوٴن یونگ چول کو فوجی تقاریب میں سونے پر سزائے موت دے دی گئی۔ جنوبی کوریا کے خفیہ ادارے نیشنل انٹیلی جنس سروس کے حکام نے اراکینِ پارلیمان کو بتایا ہے کہ شمالی کوریا کے وزیر دفاع ہیوٴن یونگ چول ملک کی فوجی تقریبات میں متعدد بار سوتے پائے گئے، اس کے علاوہ انہوں نے شمالی کوریا کے سربراہ کم جونگ اْن سے مختلف امور پر اختلاف بھی کیا تھا جس پر انہیں 30 اپریل کو طیارہ شکن توپ کے گولے سے مار دیا ، اس موقع پر شمالی کوریا کے اعلیٰ ترین فوجی افسران بھی موجود تھے۔

(جاری ہے)

واضح رہے کہ شمالی کوریا کے موجودہ حکمران کم جونگ ان کے حکم پر اب تک ان کے قریبی رشتہ دار جنگ سونگ تھائیک سمیت کئی اعلیٰ ترین حکومتی عہدیداران کو مختلف الزامات کے تحت سزائے موت دی جاچکی ہے۔