وزیر داخلہ نے شناختی کارڈ کی تصدیق، منسوخ و بحالی کے عمل سے متعلق سیاسی جماعتوں کے نمائندوں پر مشتمل 18 رکنی کمیٹی بنانے کا اعلان کردیا
نادرا میں ملک کو بیچنے والے افراد کی کوئی گنجائش نہیں،لوگوں کے شناختی کارڈز غیر ضروری طور پر بلاک ہوئے ان کی بحالی کا طریقہ کار بھی وضع کر دیا گیا ہے، چوہدری نثار علی خان سیاست کے نام پر عجیب سی کھچڑی پک رہی ہے، اپنے سیاسی مفادات کیلئے اداروں کو بدنام کرنے کی روش ترک ہونی چاہئے جج جب اپنے عہدے پر بیٹھتا ہے تو صرف جج ہوتا ہے، کسی کا بھائی یا رشتہ دار نہیں ہوتا، ایک فوجی سب سے پہلے فوجی ہوتا ہے اور اس کیلئے باقی معاملات بعد میں آتے ہیں، پریس کانفرنس
ہفتہ 31 دسمبر 2016 11:15
اسلام آباد(اُردو پوائنٹ اخبارآن لائن۔31دسمبر۔2016ء) وفاقی وزیر داخلہ چوہدری نثار علی خان نے شناختی کارڈ کی تصدیق، منسوخ و بحالی کے عمل سے متعلق سیاسی جماعتوں کے نمائندوں پر مشتمل 18 رکنی کمیٹی بنانے کا اعلان کیا ہے اور کہا ہے کہ نادرا میں ملک کو بیچنے والے افراد کی کوئی گنجائش نہیں۔ جن لوگوں کے شناختی کارڈز غیر ضروری طور پر بلاک ہوئے ان کی بحالی کا طریقہ کار بھی وضع کر دیا گیا ہے۔
سیاست کے نام پر عجیب سی کھچڑی پک رہی ہے، اپنے سیاسی مفادات کیلئے اداروں کو بدنام کرنے کی روش ترک ہونی چاہئے۔تفصیلات کے مطابق پریس کانفرنس کرتے ہوئے چوہدری نثار علی خان نے کہا کہ گزشتہ حکومتوں نے دیدہ دلیری سے شناختی کارڈ، پاسپورٹ غیر ملکیوں کو دئیے جو انسانی سمگلنگ کیلئے استعمال ہوئے۔(جاری ہے)
بیرون ملک دہشت گردی کے الزام میں پکڑے گئے افراد بھی پاکستانی نہیں تھے لیکن ان سے پاکستانی پاسپورٹ برآمد ہونے سے بدنامی ہوئی۔
سابق وزیراعظم شوکت عزیز کے دور حکومت میں جعلی شناختی کارڈز کا کاروبار خوب چلا اور تمام شناختی کارڈز اور پاسپورٹس کسی کی ملی بھگت سے ہی بنے ہوں گے اور دہشت گردوں کے ہاتھوں میں جاتے رہے۔ انہوں نے کہا کہ حکومت نے جعلی شناختی کارڈز کے معاملے پر بہت توجہ دی اور شناختی کارڈ کی تصدیق کے عمل کیلئے 6 ماہ کا وقت دیا گیا لیکن اسے ناممکن قرار دیا گیا کیونکہ پاکستان میں ٹھیک کام کرنا مشکل اور غلط کام کرنا آسان ترین ہے۔ تاہم حکومت نے نادرا میں موجود اچھے لوگوں کی مدد سے 6 ماہ کی کوشش کے بعد شناختی کارڈ کی تصدیق کا عمل مکمل کیا اور ساڑھے تین سال میں ساڑھے چار لاکھ شناختی کارڈز منسوخ کئے اور صرف رواں سال 2 لاکھ 23 ہزار 512 شناختی کارڈز بلاک کئے گئے جبکہ 10 کروڑ 10 لاکھ افراد کی تصدیق کیلئے ہم نے ایس ایم ایس بھیجے۔ اسی طرح پاسپورٹس کی تصدیق کے عمل کے دوران ساڑھے تین سالوں میں 32 ہزار 400 سے زائد پاسپورٹس بلاک کئے گئے اور اور غیر قانونی سموں کی تصدیق کے عمل کے دوران ساڑھے تین مہینوں میں 9 کروڑ غیر قانونی سمز بلاک کی گئیں۔ انہوں نے کہا کہ گزشتہ حکومت نے صرف 519 شناختی کارڈز اور چند پاسپورٹ منسوخ کئے جبکہ 2011ء میں صرف 26 پاسپورٹس منسوخ ہوئے۔ وزیر داخلہ نے کہا کہ کینسر کا جب علاج ہوتا ہے تو اس میں بھی تکلیف ہوتی ہے، یہ جعلی کارڈز اور پاسپورٹس میرے دورمیں نہیں بنائے گئے بلکہ میں تو ان کا علاج کر رہا ہوں۔ اس موقع پر انہوں نے کہا کہ اس تمام عمل کے دوران جو شناختی کارڈ غیر ضروری طور پر بلاک ہوئے وہ بحال ہو جائیں گے۔ انہوں نے کہا کہ وعدے کے مطابق اس معاملے پر قومی اسمبلی میں موجود تمام سیاسی جماعتوں کے نمائندوں پرمشتمل 18 رکنی کمیٹی بھی بنا رہا ہوں جس سے نادرا اب تک تصدیق ہونے والے اور آئندہ تصدیق کے عمل سے گزرنے والے تمام شناختی اکرڈز کا ریکارڈ ہر مہینے شیئر کرے گا۔ اس کے علاوہ کچھ ایس او پیز طے کئے ہیں تاکہ جن لوگوں کا کارڈ ناجائز طور پر بلاک ہوا ہے انہیں ہنگامی طور پر بحال کیا جا سکے۔ یہ افراد ذیل میں بتائی گئی کوئی بھی چیز پیش کر دیں گے تو فوراً کا شناختی کارڈ بحال کر دیا جائے گا۔کسی شخص کے پاس ریونیو ڈیپارٹمنٹ سے تصدیق شدہ 1973ء سے پہلے کا اراضی کی ملکیت کا ریکارڈ تصدیق شدہ ڈومیسائل یا لوکل گورنمنٹ کا تصدیق شدہ سرٹیفکیٹلوکل انتظامیہ سے ریونیو ڈیپارٹمنٹ کا جاری تصدیق شدہ شجرہ نصبسرکاری ملازمت کا سرٹیفکیٹ، جس شناختی کا شناختی کارڈ بلاک ہوا ہے، اگر اس کا بھائی اور خونی رشتہ دار بھی سرکاری ملازم ہے تو اس کا ریکارڈ پیش کرنے پر بھی کارڈ بحال ہو جائے گا۔ شناختی کارڈ بلاک ہونے والے شخص کا خونی رشتہ دار بھی اگر سرکاری ملازم ہے تو 1973ء سے قبل کی باقاعدہ تصدیق شدہ تعلیمی اسناد پیش کرنے پر بھی شناختی کارڈ بحال کر دیا جائے گا، یہ دستاویزات والد یا داد کی بھی ہو سکتی ہیں۔ حکومت پاکستان سے 1973ء سے قبل جاری کردہ کوئی بھی متعلقہ دستاویزات جس کی باقاعدہ تصدیق ہوئی ہووزیر داخلہ نے کہا کہ پاکستان نیشنل ڈیٹا بیس اتھارٹی میں پاکستان کی شہریت بیچنے والے جرائم پیشہ افراد کی کوئی گنجائش نہیں ہے اور جتنے کارڈ منسوخ ہوئے اتنے اہلکاروں کے خلاف کارروائیاں بھی نہیں کی گئیں جبکہ جعلی شناختی کارڈ بنوانے والوں کی پکڑ دھکڑ کسی اور مرحلے میں ہو گی۔ وزیر داخلہ نے ایک سوال کے جواب پر کہا کہ سیاست کے نام پر عجیب سی کھچڑی پکائی جا رہی ہے اور پاکستان کے آئینی اداروں کو سیاست کی بھینٹ چڑھانا اور انہیں متنازع بنانے کی کوشش کرنا پاکستان کے آئین کیساتھ مذاق ہے۔ ایسے لوگوں کی خواہش ہے کہ ان اداروں کے سربراہ ان کی کرپشن اور دھرنوں کا ساتھ دینے والے ہیں۔ سوشل میڈیا پر نامزد چیف جسٹس ثاقب نثار کے نام سے گردش کرنے والی تصویر کے معاملے پر ان کا کہنا تھا کہ اس معاملے سے متعلق عدالتی حکم کی ضرورت تھی جو مل چکا ہے اور ہم فیس بک، ٹوئٹر اور دیگر سوشل میڈیا اکا و نٹس کیساتھ کل ہی سے رابطے میں ہیں اور ہماری پوری کوشش ہے کہ یہ لوگ سامنے آئیں۔ انہوں نے کہا کہ ہر ایک پر کیچڑ اچھالنے اولے یہ بھی نہیں سمجھتے کہ سیاست کسی اور چیز کا نام ہے، اداروں کو سیاسی بنانا ملک سے کھیلنے کے مترادف ہے۔ ان کا کہنا تھا کہ جج جب اپنے عہدے پر بیٹھتا ہے تو صرف جج ہوتا ہے، کسی کا بھائی یا رشتہ دار نہیں ہوتا، ایک فوجی سب سے پہلے فوجی ہوتا ہے اور اس کیلئے باقی معاملات بعد میں آتے ہیںمزید متعلقہ خبریں پڑھئیے :
متعلقہ عنوان :
ہفتہ 31 دسمبر 2016 کی مزید خبریں
-
پارلیمان کے بغیر ایسا ہوں جیسے پانی کے بغیر مچھلی، جاوید ہاشمی
-
ٹوبہ ٹیک سنگھ ، زہریلی شراب پینے والا ایک اور شخص ہسپتال میں دم توڑگیا ، ہلاکتوں کی تعداد44ہوگئی
-
کراچی،ایم کیو ایم پاکستان کے جلسے کے دوران متحدہ لندن والوں کے حامی کود پڑے
-
ایڈیشنل سیشن جج کی جانب سے بچی پر مبینہ تشدد کیس کی میڈیکل رپورٹ سامنے آگئی
-
ایم این اے ڈاکٹراظہرجدون پر حملہ کرنیوالے زین خان تنولی کو عدالت نے جیل بھیج دیا
-
ایبٹ آباد: ٹریفک کا المناک حادثہ ، ایک ہی خاندان کے 7 افراد جاں بحق
-
فیصل آباد: پاگل پن کا دورہ پڑنے پر ماں نے کم سن بیٹے کو چھری سے ذبح کردیا
-
دہشتگردوں کے بارے میں انٹیلی جنس اطلاعات حاصل کرنامشکل ہوگیا ہے ، کراچی پولیس چیف کا اعتراف
-
عمران خان کے دورہ کراچی کا دوسرا روز بھی بھاگم بھاگ رہا
-
باسط علی نے جونیئر سلیکشن کمیٹی اور ویمنز ٹیم کی کوچنگ چھوڑ دی
-
پی سی بی کا بھارتی کرکٹ بورڈ کیخلاف قانونی چارہ جوئی کا فیصلہ
-
ملکہ الزبتھ زندہ اور خیریت سے ہیں ،برطانوی شاہی محل کا اعلان
-
امریکی انتخابات میں روسی مداخلت: تفصیلی رپورٹ جاری
-
رشی کپور بھتیجی کرینا کے حق میں میدان میں آگئے
-
روس سے بھی امریکی سفارت کاروں کو نکالنے پر غور
-
اسرائیل سے متعلق امریکی بیان پر برطانیہ کی نکتہ چینی
-
انڈونیشیا، زلزلے کے شدید جھٹکے محسوس کئے گئے، شدت 6.2درج تھی، کوئی جانی نقصان نہیں ہوا
-
شام میں سیزفائر خوش آئند اور ایک بڑی پیشرفت ہے:ایران
-
وزیر داخلہ نے شناختی کارڈ کی تصدیق، منسوخ و بحالی کے عمل سے متعلق سیاسی جماعتوں کے نمائندوں پر مشتمل 18 رکنی کمیٹی بنانے کا اعلان کردیا
-
پارلیمنٹ میں جانے کا کوئی شوق نہیں مگر عوام کے ساتھ ناانصافیوں اور حقوق کی پامالی پر خاموش نہیں رہ سکتا ،آصف علی زرداری
-
تاریخ میں پہلی بار رحیم یار خان میں خود کش دھماکہ،2 اہلکار سمیت3 زخمی
-
کم ترین شرح سود کے باوجود بڑے کارپوریٹس سیکٹرنے مزید قرض لینے سے گریز کیا، بینک دولت پاکستان
-
بھارتی فوج کی لائن آف کنٹرول کے چڑی کوٹ سیکٹر میں بلا اشتعال فائرنگ
-
کراچی میں ذاتی مفادات کیلئے نفرت کی سیاست کی گئی،عمران خان
-
امریکی سیکرٹری خارجہ جان کیری کا اسحاق ڈارکو فون
-
وزیراعلیٰ پنجاب محمد شہبازشریف کی زیرصدارت صوبائی کابینہ کا اہم اجلاس، ڈرگ ایکٹ1976 میں ترامیم کی منظوری
-
ہمیں جان بوجھ کر اقلیت میں رکھا جارہا ہے،فاروق ستار
-
پاکستان واپس آنے کا فیصلہ سیاسی صورتحال اور سیاسی خلاء کو مدنظر رکھ کر کروں گا، پرویزمشرف
-
جسٹس میاں ثاقب نثار آج اپنے عہدے کا حلف اٹھاٰئیں گے
-
بلوم برگ نے پاکستان اسٹاک ایکسچینج کو ایشیاء کی پہلی اور دنیا کی پانچویں بہترین سٹاک ایکسیچنج قرار دے دیا
-
ہندو انتہا پسند پاکستانی اداکارہ ماہرہ خان کے پرانے بیان کو لے کر پروپیگنڈے پر اتر آئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.