امریکی ایف بی آئی خاتون ایجنٹ داعش جنگجو کے عشق میں گرفتار،شادی کرلی

ڈینیلا گرینے نے داعش میں شمولیت اختیار کرنے والے سابق جرمن گلوکار سے شام میں جاکر شادی رچائی

منگل 2 مئی 2017 16:47

واشنگٹن(اُردو پوائنٹ اخبار آن لائن۔ بدھ 3 مئی 2017ء)امریکا کے فیڈرل بیورو ا?ف انویسٹی گیشن (ایف بی آئی) کو اس وقت خفت کا سامنا کرنا پڑگیا جب یہ تفصیلات منظر عام پر آگئیں کہ ان کی ایک ایجنٹ نے داعش کے جنگو کے عشق میں گرفتار ہوکر اس سے شادی کرلی۔امریکی نشریاتی ادارے کی رپورٹ کے مطابق ایف بی آئی میں کام کرنے والی 38 سالہ مترجم ڈینیلا گرینے نے داعش میں شمولیت اختیار کرنے والے سابق جرمن گلوکار سے شام جاکر شادی رچائی۔

رپورٹ کے مطابق ٹاپ سیکیورٹی کلیئرنس کے بعد ڈینیلا کو تفتیش کی ذمہ داریاں سونپی گئی تھیں جنوری 2014 میں اسے سابق جرمن ریپر اور شدت پسند تنظیم داعش کے ترجمان ڈینس کسپرٹ کے کیس میں شامل کیا گیا تھا۔داعش میں شمولیت سے قبل کسپرٹ جرمنی میں ڈیسو ڈاگ کے نام سے گانے ری مکس کرکے بجاتا تھا جبکہ داعش میں شمولیت کے بعد اس کی ایک ویڈیو سامنے آئی تھی جس میں اس نے سابق امریکی صدر براک اوباما کو دھمکیاں دی تھیں۔

(جاری ہے)

بعد ازاں وہ شام چلاگیا تھا اور اس نے اپنا نام ابو طلحہ ال المانی رکھ لیا تھا جبکہ انٹرنیٹ پر اس کی نئے جنگجوؤں کو بھرتی کرنے کی بڑھتی ہوئی صلاحیتوں نے امریکا اور یورپ میں حکام کو پریشان کردیا تھا۔ابو طلحہ کے پیغامات اور سرگرمیوں کی کئی مہینوں تک جاسوسی کرنے کے بعد گرینے ایف بی آئی کو آگاہ کیے بغیر اس سے شادی کے لیے شام چلی گئیں۔

شادی کے چند ہفتوں بعد ہی گرینے کو محسوس ہوا کہ انہوں نے غلطی کردی ہے اور وہ وہاں سے فرار ہوکر واپس امریکا آگئیں جہاں انہیں فوری طور پر گرفتار کرلیا گیا اور انہوں نے حکام کے ساتھ تحقیقات میں تعاون کرنے پر ا?مادگی ظاہر کردی۔وفاقی عدالت میں پیش کیے جانے والے دستاویز میں گرینے کی جانب سے لکھی گئی ایک ای میل بھی تھی جو انہوں نے شام سے امریکا میں ایک نامعلوم شخص کو لکھی تھی اور اپنے حالات سے ا?گاہ کیا تھا جبکہ اپنے فیصلے پر پچھتاوے کا بھی اظہار کیا تھا۔

انہوں نے عدالت کے سامنے غلط بیانی کرنے کا اعتراف کیا اور انہیں دو برس قید کی سزا سنائی گئی تھی اور انہیں گزشتہ برس رہائی ملی تھی۔عدالتی دستاویز کے مطابق گرینے نے شام روانگی کے حوالے سے ایف بی ا?ئی حکام کو جھوٹ بولا اور کہا کہ وہ جرمنی میں اپنے والدین سے ملاقات کے لیے جارہی ہیں جبکہ انہوں نے ابو طلحہ کو اس کے خلاف ہونے والی تحقیقات کی مخبری بھی کردی۔

دستاویز کے مطابق گرینے نے ابو طلحہ سے روابط بڑھانے کے لیے اسکائپ اور دیگر ایپس کا استعمال کیا۔ابتدائی طور پر گرینے کا معاملہ خفیہ رکھا گیا تھا اور ان کے مقدمے سے متعلق زیادہ تر دستاویز عدالت نے سربمہر کردی تھیں۔تاہم پراسیکیوٹرز کی درخواست پر جج نے بعض دستاویز کو منظر عام پر لانے کی اجازت دی۔امریکی محکمہ دفاع کا دعویٰ ہے کہ 15 اکتوبر کو شام کے شمالی شہر رقہ میں ہونے والے فضائی حملے میں ابو طلحہ مارا گیا تھا۔اس سلسلے میں امریکی محکمہ خارجہ کے سابق اہلکار جان کربی کہتے ہیں یہ سارا معاملہ ایف بی آئی جیسے تحقیقاتی ایجنسی کے لیے باعث شرم ہے۔