امریکہ نے کیوبا میں اپنا سفارت خانہ بند کرنے پر غور شروع کردیا

پیر 18 ستمبر 2017 15:45

واشنگٹن ۔ (اُردو پوائنٹ اخبار آن لائن۔ منگل 19 ستمبر 2017ء) امریکہ نے کیوبا میں اپنا سفارت خانہ بند کرنے پر غور شروع کردیا۔ امریکی ذرائع ابلاغ کی رپورٹ کے مطابق دونوں ملکوں کے درمیان سفارتی تعلقات پانچ عشروں کے تعطل کے بعد جولائی 2015 ء میں بحال ہوئے تھے۔

(جاری ہے)

امریکی وزیر خارجہ ریکس ٹلرسن کے مطابق کیوبا میں امریکی سفارت خانے کو بند کرنے پر غور کی وجہ سفیر سمیت سفارتی عملے کے 21 ارکان کے جسم میں سامنے آنے والی پراسرار علامات ہیں جن میں سب سے نمایاں ان افراد کی قوت سماعت کا متاثر ہونا ہے۔

ادھر کیوبا کے حکام کا کہنا ہے کہ وہ امریکی شکایات کی تحقیقات کر رہے ہیں۔ حکام نے مزید کہا کہ وہ غیر ملکی سفارتی عملے کو ہر طرح کا تحفظ فراہم کرنے کے اصول پر سختی سے کاربند ہیں۔