کراچی چیمبرآئندہ بھی تاجر برادری کیلئے خدمات پیش کرتا رہیگا‘ الیاس میمن

پیٹرولیم قیمتوں اور ٹیکسوں میں اضافہ کسی صورت درست نہیں‘چیئرمین آل کراچی انجمن تاجران

کراچی (اُردو پوائنٹ اخبارتازہ ترین - این این آئی۔ 23 ستمبر2021ء)آل کراچی انجمن تاجران کے چیئرمین اور طارق روڈ ٹریڈرز الائنس کے صدر الیاس میمن نے وفد کے ساتھ کراچی چیمبر آف کامرس اینڈانڈسٹری (کے سی سی آ ئی )کے صدر شارق وہرہ اور سینئر نائب صدر ثاقب گڈلک سے ملاقات کی۔اس دوران کورونا کے باعث متاثرہ تاجروں کے مسائل پر بات چیت کی گئی۔اس موقع پر سلیم انڑ،ناصر محمود، مجاہد الدین،حنیف موتی والا، الیاس بٹ،صابرعلی،منصب شیخانی، محمد اسلم،عبدالصمد خان اور دیگر موجود تھے۔

اس موقع پر الیاس میمن نے کہاکہ ایک طرف کورونا کی وجہ سے کاروباری سرگرمیاں شدید متاثر ہیں،بڑی تعداد میں دکاندار بینکوں کے مقروض ہوچکے ہیں،ان حالات میں حکومت کی جانب سے پیٹرولیم مصنوعات کی قیمتوں اور ٹیکسوں میں اضافہ کردیا گیا ہے جو کسی صورت درست نہیں ہے ،اس فیصلے سے عوام پر مزید بوجھ بڑھے گا۔

(جاری ہے)

الیاس میمن نے کہاکہ کورونا کے باوجود کراچی چیمبر کی جانب سے تاجر برادری کے مسائل کو جس طرح اجاگر کیا گیااس کے لیے کراچی کی تاجر برادری بزنس مین گروپ کے چیئرمین زبیر موتی والا اور کراچی چیمبر کے تمام عہدیداران کا شکریہ ادا کرتی اور امید کرتی ہے کراچی چیمبر اسی طرح تاجر برادری کے لیے اپنی خدمات پیش کرتا رہے گا۔

اس موقع پر تاجر رہنماؤں نے کراچی چیمبر کے صدر،سینئر نائب صدر، نائب صدر اور دیگر عہدیداران کی ایک سال کی کارکردگی کو سراہا اور انہیں پھول پیش کیے۔ اس موقع پر کراچی چیمبر کے صدر شارق وہرہ اور سینئر نائب صدر ثاقب گڈلک نے تاجروں کے وفد کو کراچی چیمبر کی جانب سے شیلڈ پیش کی۔

Your Thoughts and Comments