جنوبی پنجاب سیکرٹریٹ فعال‘ترقی کے نئے سفر کا آغاز

اظہر سلیم مجوکہ
ضلع ملتان کے لئے ایک اور قابل فخر اعزاز یہ ہے کہ ہفتہ شان رحمت اللعالمین صلی اللہ علیہ وسلم کے سلسلے میں صوبائی سطح پر حسن نعمت اور تقریری مقابلوں میں دوسری پوزیشن ملتان کے نام رہی۔فاطمہ اشفاق نے حسن نعت میں صوبہ بھر میں سیکنڈ جبکہ ایمن عمر کا تقریری مقابلے پنجاب بھر میں دوسری پوزیشن حاصل کی۔وزیراعلیٰ عثمان بزدار کی طرف سے فاطمہ اور ایمن کے لئے 75،75 ہزار روپے کا کیش پرائز۔

دونوں طالبات کا تعلق گورنمنٹ مسلم گرلز ہائی سکول کلمہ چوک سے ہے۔ڈپٹی کمشنر عامر خٹک کی طالبات فاطمہ اشفاق،ایمن عمران کے والدین ،سی ای او ایجوکیشن ریاض خان،سکول کی پرنسپل ماہ طلعت کو مبارکباد دی۔ڈپٹی کمشنر نے کہا ہے کہ ہمیں فاطمہ اور ایمن پر فخر ہے، ضلع ملتان کے طلبا و طالبات نے ہفتہ شان رحمت اللعالمین صلی اللہ علیہ وسلم کے سلسلے میں ڈویڑنل مقابلوں میں بھی پہلی 6 پوزیشنیں حاصل کی ہیں۔

(جاری ہے)

ریڈیو پاکستان ملتان کی گولڈن جوبلی کی تقریب سے خطاب کرتے ہوئے وزیراعظم کے معاون خصوصی برائے سیاسی امور محمد عامر ڈوگر نے کہا ہے کہ ریڈیو پاکستان ملتان جنوبی پنجاب کے خطے کی عوام کو عوامی شعور کی اگاہی کے ساتھ ساتھ معاشی اور ثقافتی سرگرمیوں کے فروغ میں بھی اپنا اہم کردار ادا کر دیا ہے۔معروف گلوکارہ محترمہ ثریا ملتانیکر کے نام سے منسوب میوزک سٹیوڈیو کا بھی افتتاح کیا،اس موقع پر تحریک انصاف جنوبی پنجاب خواتین کی جنرل سیکٹریری محترمہ قربان فاطمہ اور زندگی کے مختلف شعبوں سے تعلق رکھنے والے نمائندہ افراد نے بھی شرکت کی۔

کرونا ایس او پیز کی خلاف ورزیوں کرنے والوں کے خلاف کریک ڈاون جاری ہے۔ڈپٹی کمشنر عامر خٹک کی ہدایت پر پرائس مجسٹریٹ کی گلگشت ایریا میں مارکیٹوں کی انسپکشن کی ۔125 دکانوں کو چیک کیا گیا۔15 دکانوں میں کرونا ایس او پیز پر عمل درآمد نہیں کیا جا رہا تھا۔ کرونا ایس او پیز مکمل طور پر نظر انداز کرنے پر ایک موٹر ورکشاپ کو سیل کر دیا گیا۔

ایک دکاندار کے خلاف مقدمہ درج کرا دیا گیا۔کرونا ایس او پیز کی خلاف ورزی پر 15 ہزار روپے جرمانہ بھی کیا گیا۔11 دکانداروں کو ایس او پیز کی آئندہ خلاف ورزی پر دکانیں سیل کر دینے کی وارننگ جاری کی گئی۔کاروائی پرائس مجسٹریٹ نعمان عابد نے کی۔سابق بیورو کریٹ محمود جاوید بھٹی نے وفاقی محتسب کے ایڈوائزر کا حلف اٹھا لیا۔حلف کی تقریب وفاقی محتسب کے ملتان آفس میں منعقد ہوئی۔

محمود جاوید بھٹی نے حلف کے تقریب کے موقع پر اپنی گفتگو میں عوام کی خدمت کے عزم کا اظہار کیا ہے اور کہا ہے کہ وہ انصاف فراہم کرنے اور مسائل کرنے کے لئے میرٹ پر کام کریں گے۔محمود جاوید بھٹی کمشنر فیصل آباد ڈویڑن اور دیگر اہم عہدوں پر خدمات سر انجام دے چکے ہیں۔کمشنر جاوید اختر محمود کی زیر صدارت میٹروپولیٹن کارپوریشن بارے جائزہ اجلاس ہوا۔

ایڈیشنل کمشنر سر فراز احمد،ڈائریکٹر ڈویلپمنٹ وقاص خان خاکوانی موجود تھے۔سی او کارپوریشن شاہد اقبال،دیگر کارپوریشن افسران موجود تھے۔وزیراعظم کے سادگی اور بچت وژن کی پیروی کریں۔قانون کے مطابق کام کرنے والوں کو کوئی خوف نہیں ہوتا۔کمشنر جاوید اختر محمود نے ممتاز آباد میں تجاوزات پر برہمی کا اظہار کیا۔کارپوریشن دفتر کے باہر تجاوزات،آپریشن کی کامیابی پر سوالیہ نشان ہے۔

کمشنر کا بلڈنگ انسپکٹرز کو کارکردگی بہتر بنانے کا حکم دیا۔
جنوبی پنجاب میں بے ہنگم تجارتی سرگرمیوں نے شہر کا حسن گہنا کر رکھ دیا ہے۔کمشنر کا بغیر نقشہ جات کے تعمیرات کے خلاف کارروائی کا حکم۔ ایڈیشنل چیف سیکرٹری زاہد اختر زمان نے کہا کہ جنوبی پنجاب سیکرٹریٹ فعال ہو گیا ہے تمام آفیسران کو ترقیاتی کاموں کی تکمیل اور مانیٹرنگ کو مزید تیز کرنے کے احکامات جاری کر دئیے ہیں۔

دفاتر میں شکایات سیل کے قیام سے عوامی مسائل حل کرنے میں مدد ملے گی۔انہوں نے ان خیالات کا اظہار سیکرٹری ہاؤسنگ کے آفس کے دورہ کے موقع پر کیا۔سیکرٹری ہاؤسنگ لیاقت علی چٹھہ نے چیف سیکرٹری کو بریفنگ دی،اس موقع پر ایڈیشنل ڈپٹی سیکرٹری رانا رضوان قدیر،ایڈیشنل سیکرٹری ہاؤسنگ آصف رؤف اور چیئرمین پی ایچ اے اعجاز حسین جنجوعہ بھی موجود تھے۔

زاہد اختر زمان کا کہنا ہے کہ اگلے مالی سال کی ترقیاتی سکیموں کیلئے تیاری شروع کر دی ہے۔جنوبی پنجاب سیکرٹریٹ کے قیام سے ترقی کے نئے سفر کا آغاز ہو گا،اس موقع پر سیکرٹری ہاؤسنگ لیاقت علی چٹھہ نے کہا کہ جنوبی پنجاب کی خوبصورتی میں اضافہ کے لئے اقدامات کریں گے۔صاف پانی کی فراہمی اولین ترجیح ہے جس کے لئے بڑی تعداد میں سکیمیں جاری ہیں۔شہریوں کو صاف پانی کی فراہمی یقینی بنائیں گے تمام جاری ترقیاتی سکیموں کو جلد از جلد مکمل کریں گے۔عوام کے مسائل ان کی دہلیز پر حل ہوں گے۔

ادارہ اردوپوائنٹ کا مضمون نگار کی رائے سے متفق ہونا ضروری نہیں ہے۔