ٓ بلوچستان میں موجودہ صورتحال پر میرے بیان کو سیاق و سباق سے ہٹ کر پیش کیا گیا ،وزیرداخلہ

اسلام آباد(اُردو پوائنٹ اخبارتازہ ترین - آن لائن۔ 18 جولائی2025ء) وفاقی وزیر داخلہ محسن نقوی نے کہا ہے کہ بلوچستان میں موجودہ صورتحال پر میرے بیان کو سیاق و سباق سے ہٹ کر توڑ مروڑ کر پیش کیا گیا ،ایک ایس ایچ او کی مار کے بعد ہونے والی میری بات کا حصہ نہیں چلایا گیا ، ایران اسرائیل معاملے کے حل کے پیچھے وردی ہے اس بیان پر بھی قائم ہوں،تحریک انصاف سے اس وقت بیک ڈور کوئی رابطہ نہیں ہو رہا تحریک انصاف 5اگست کیلئے پہلے اپنی تیاری کر لے پھر ہم اپنی تیاری کریں گے، فیلڈ مارشل او ر ڈونلڈ ٹرمپ کی ملاقات میں عمران خان کے تذکرے بارے بات نہیں کرسکتا ۔

۔ وزیر مملکت برائے داخلہ طلال چوہدری، سیکرٹری داخلہ اور ڈی جی ایف آئی اے کے ہمراہ صحافیوں سے غیر رسمی ملاقات کرتے ہوئے وزیر داخلہ نے کہا کہ بلوچستان میں موجودہ صورتحال پر میرے بیان کو سیاق و سباق سے ہٹ کر پیش کیا گیا ایک ایس ایچ او کی مار کے بعد ہونے والی میری بات کا حصہ نہیں چلایا گیا ایف سی چائنیز اور خیبر پختونخواہ کو سکیورٹی فراہم کر رہی ہے خیبرپختونخوا میں ایف سی کا کوٹا ختم کرنے کے حوالے سے بیانات میں کوئی صداقت نہیں ہے ایف سی ایک لاوارث فورس تھی اس کی تنخواہیں دیگر فورسز کے برابر کی ہیں ایف سی کی مزید بہتری کے لیے اس کے اندر اینٹی رائٹس فورس کا قیام عمل میں لایا جائے گا ۔

(جاری ہے)

وزیر داخلہ نے کہا کہ ہمارے پاس اتنے وسائل نہیں ہیں ایف سی میں کوئی نئی بھرتیاں نہیں کی جائیں گی ایف سی کی بھرتیاں 36 قبائل میں پہلے جیسی ہوں گی اور 24 ہزار لوگ ویسے ہی رہیں گے ۔ انہوں نے کہا کہ ایران میں بھی غیر قانونی طور پر مقیم افغانیوں کے خلاف آپریشن جاری ہے دو ہفتوں کے دوران ایران سے تین لاکھ سے زائد افغانیوں کو بے دخل کیا گیا ہم افغانیوں کے خلاف نہیں ہیں،افغان ہمارے بھائی ہیں ملک میں غیر قانونی طور پر مقیم افغانیوں کے خلاف آپریشن کیا جائے گا جن کے پاس دستاویزات اور ویزا موجود ہے وہ پاکستان میں رہ سکتے ہیں ۔

وزیر داخلہ کا کہنا تھا کہ پی او ار کارڈ کی تاریخ میں کوئی اضافہ نہیں کیا جائے گا 20 دنوں کے دوران آن لائن فراڈ میں ملوث اٹھ سے نو بڑے گینگز گرفتار کیے گئے پکڑے جانے والے لوگوں کو یہاں قانون کے مطابق سزا دی جائے گی اور پھر بلیک لسٹ کیا جائے گا ۔ محسن نقوی کا کہنا تھا کہ بارش کے دوران ایف ایٹ انٹرچینج سے متعلق جو بیان بازی کی گئی اس میں کوئی صداقت نہیں ہے ایف ایٹ انٹرچینج سے ملحقہ سڑک بیٹھنے کی ذمہ داری سی ڈی اے پر نہیں بلکہ سوئی نادرن پر عائد ہوتی ہے کارگردگی کے حوالے سے اللہ تعالی کو جواب دے ہوں اب 45 دن کی بجائے منصوبے کو 30 دن میں مکمل کروں گا ۔

انہوں نے کہا کہ اسلام اباد کو آئندہ تین سے چار سالوں میں اسموگ کا شدید خطرہ ہے اسلام آباد کو سموگ فری بنانے کے لیے کمیٹی تشکیل دے دی گئی ہے وفاق کو سموگ سے بچانے کے لیے گاڑیوں کی ٹیسٹنگ کا عمل بھی جاری ہے۔ وزیر داخلہ کا کہنا تھا کہ ایران اسرائیل معاملے کے حل کے پیچھے وردی ہے اس بیان پر بھی قائم ہوں ایران اسرائیل معاملے پر وزیراعظم شہباز شریف، اسحاق ڈار اور آرمی چیف نے بہت اہم کردار ادا کیا ۔

انہوں نے کہا کہ ۔ ایک سوال کے جواب میں محسن نقوی نے کہا کہ پاکستان تحریک انصاف سے اس وقت بیک ڈور کوئی رابطہ نہیں ہو رہا پاکستان تحریک انصاف پہلے اپنی تیاری کر لے پھر ہم اپنی تیاری کریں گے۔ محسن نقوی نے کہا کہ فنڈ میں ہونے والی تاخیر کی وجہ سے اسلام اباد کے تھانوں کا کام مکمل نہیں کیا دسمبر تک اسلام اباد کے تمام 27 تھانوں کا کام مکمل کر لیا جائے گا۔

انہوں نے کہا کہ اسلام آباد میں غیر قانونی سوسائٹیز کی بھرمار ہے، اس وقت 133 غیر قانونی سوسائٹیز قائم ہیں غیر قانونی سوسائٹیز کے حوالے سے حکمت عملی تیار کی جا رہی ہے اسلام آباد میں قائم غیر قانونی ہاؤسنگ سوسائٹیز پر مضبوط ہاتھ ڈالے جائیں۔ ایک سوال کے کیا امریکی صدر ڈونلڈ ٹرمپ اور فیلڈ مارشل کے درمیان ملاقات میں بانی پی ٹی آئی کا معاملہ زیر بحث کیا آپ ڈراپ سائٹ نیوز کی خبر کہ امریکی صدر ڈونلڈ ٹرمپ نے آرمی چیف عمران خان کا مسئلہ حل کرنے کا کہا ہے اس کی تردید یا تصدیق کرتے ہیں کے جواب میں محسن نقوی نے کہا کہ کچھ چیزوں میں بندہ under oath ہوتا ہے اس پر کچھ نہیں کہوں گا ، آپ امریکی صدر ڈونلڈ ٹرمپ کے معاملے سے متعلق مجھ سے کچھ نہ پوچھیں۔