کبڈی ورلڈ کپ ٹورنامنٹ میں شرکت کیلئے پاکستانی مینز اینڈ وویمنز ٹیمیں بھارت روانہ ،کبڈی ورلڈ کپ کیلئے ٹیمیں میرٹ پر بنائیں، ہمارے کھلاڑی اچھی کارکردگی دکھاتے ہوئے فائنل جیتیں گے، رانا مشہود احمد ، کھلاڑی پرعزم ہیں، ان کی تربیت میں کوئی کسر نہیں چھوڑی گئی، پنجاب کے پسماندہ علاقوں سے کھلاڑی میرٹ پر منتخب کئے،جن کھلاڑیوں کو ویزے نہیں ملے بھارت نے ایک دو روز میں دینے کا وعدہ کیا ہے، ڈی جی سپورٹس پنجاب عثمان انورکا ٹیموں کی بھارت روانگی کے موقع پر تقریب سے خطاب،پاکستان کی ٹیم کبڈی ورلڈ کپ میں ہارٹ فیورٹ ہے، کیمپ میں کھلاڑیوں کو جدید سہولتوں کے ساتھ تربیت دی گئی، ڈی جی سپورٹس
لاہور(اُردو پوائنٹ اخبارآن لائن۔7دسمبر۔2014ء)صوبائی وزیر کھیل، تعلیم رانا مشہود احمد خان نے کہا ہے کہ پانچویں کبڈی ورلڈ کپ کیلئے بھرپور تیاری کی گئی ہے، ٹیم کے انتخاب میں میرٹ کا خاص خیال رکھا گیا ہے، ٹیموں میں پنجاب کے پسماندہ علاقوں سے کھلاڑی میرٹ پر منتخب کئے گئے ہیں ہمارے کھلاڑی پوری فارم میں اور فٹ ہیں، امید کرتے ہیں کہ قومی ٹیمیں کبڈی ورلڈ کپ میں بہترین کارکردگی کا مظاہرہ کرتے ہوئے فائنل جیتیں گی، ان خیالات کا اظہار انہوں نے کبڈی ورلڈ کپ میں مردوں اور خواتین کی قومی ٹیموں کی بھارت روانگی کے موقع پر تقریب سے خطاب کرتے ہوئے کیا، ڈائریکٹر جنرل سپورٹس پنجاب عثمان انور بھی اس موقع پر موجود تھے، رانا مشہود احمد خان نے کہا کہ کبڈی ورلڈ کپ کی تیاری کیلئے کھلاڑیوں کو تربیتی کیمپ میں بہترین سہولتیں فراہم کی گئیں، عالمی شہرت یافتہ اور کبڈی کے مایہ ناز سابق کھلاڑیوں نے تربیت دی، کیمپ میں تیاری کے دوران ہر پہلو کو فوکس کیا گیا اور کسی قسم کی کوئی کسر نہیں چھوڑی گئی، رانا مشہود احمدخان نے کہا کہ کبڈی ورلڈ کپ کیلئے مردوں اور خواتین کی ٹیموں کے انتخاب میں میرٹ کا خاص خیال رکھا گیا ہے۔
(جاری ہے)
مزید متعلقہ خبریں پڑھئیے :
