امریکی صدر نے اعلیٰ عہدوں پر ملازم غیرملکیوں کے جزوقتی ویزوں کے از سر نو جائزہ کے حکم نامہ پر دستخط کردیئے

ادارے اس حکومتی پالیسی پر عمل در آمد کریں جس کے تحت سرکاری منصوبوں میں غیر ملکی کنٹریکٹر بولی نہ لگائیں،حکم نامہ

جمعرات 20 اپریل 2017 00:00

واشنگٹن ۔ (اُردو پوائنٹ اخبار آن لائن۔ جمعرات 20 اپریل 2017ء) امریکہ کے صدر ڈونلڈ ٹرمپ نے ایک نئے حکم نامے کے تحت امریکہ میں اعلیٰ عہدوں پر ملازمت کرنے والے غیرملکیوں کے جزوقتی ویزوں کا از سر نو جائزہ لینے کی ہدایت کی ہے۔اس حکم نامہ کے تحت اداروں کو ہدایت کی گئی ہے کہ وہ اس حکومتی پالیسی پر عمل در آمد کریں جس کے تحت سرکاری منصوبوں میں غیر ملکی کنٹریکٹر بولی نہ لگائیں۔

انھوں نے امریکی ریاست وسکانسن میں ایک فیکٹری کے دورے کے موقع پر ’امریکی سامان خریدو، امریکیوں کو نوکری دو` نامی حکم نامے پر دستخط کیے۔یہ حکم ان کے ’سب سے پہلے امریکہ‘ والے انتخابی وعدے کی تکمیل کا حصہ ہے۔لیکن وہ ابھی ایچ ون بی ویزا پروگرام کے خاتمے کے انتخابی وعدے کی تکمیل سے بہت دور ہیں۔

(جاری ہے)

ڈونلڈ ٹرمپ سٹیٹ ڈیپارٹمنٹ ، جسٹس اور ہوم لینڈ سکیورٹی اور ملازمین سے متعلق کے محکموں کو ہدایت دیں گے کہ وہ اس سکیم میں اصلاحات کے لیے تجاویز دیں جن کے تحت امریکی آجر غیر ملکیوں کو امریکہ میں ملازمت دیتے ہیں۔

برطانوی نشریاتی ادارے کے مطابق ایچ ون بی ویزا حاصل کرنے والوں میں سب سے بڑی تعداد انڈین باشندوں کی ہوتی ہے۔وسکانسن میں خطاب کے دوران ان کا کہنا تھا کہ ’اس اقدام سے ہم دنیا کو واضح پیغام دینا چاہتے ہیں کہ ہم اپنے ملازمین کا دفاع کرنا، اپنی ملازمتوں کو بچانا اور امریکہ کو سب سے اول رکھنا جانتے ہیں۔ ڈونلڈ ٹرمپ کی اہلیہ میلانیا ٹرمپ بھی اپنے ماڈلنگ کریئر کے دوران ایچ ون بی ویزے پر ہی امریکہ آئی تھیں۔

گذشتہ برس ڈزنی پر الزام عائد کیا گیا تھا کہ وہ ایچ ون بی سکیم کا فائدہ اٹھاتے ہوئے ٹیکنالوجی کے شعبوں میں کام کرنے والے ملازمین کو ملازمتوں سے الگ کر رہا ہے اور انہی سے جبراً ان کے غیر ملکی متبادل ملازمین کو تربیت بھی دلوائی جا رہی ہے۔امریکہ میں ہر سال 85 ہزار غیر ملکیوں کو ایچ ون بی ویزا پروگرام کے تحت ملک میں آنے کی اجازت دی جاتی ہے۔

یہ ویزا غیر ملکی ’خاص ہنر‘ رکھنے والوں کے لیے مخصوص ہے اور یہ بڑے پیمانے پر ٹیکنالوجی کی صنعت میں استعمال کیا جاتا ہے۔حکومت 65000 ویزے لاٹری نظام کے تحت جاری کرتی ہے جبکہ باقی 20000 ویزے گریجویٹ طلبہ میں تقسیم کیے جاتے ہیں۔حالیہ برسوں میں امریکہ کو اس پروگرام کے تحت ان گنت درخواستیں موصول ہوئی ہیں۔لیکن امریکی شہریت اور امیگریشن کے ادارے کے مطابق اس سال ان درخواستوں کی تعداد 2016 کی 236000 کے مقابلے میں کم ہو کر 199000 سالانہ ہو گئی ہے۔ایچ ون بی ویزا حاصل کرنے والوں میں سب سے بڑی تعداد انڈین باشندوں کی ہوتی ہے۔

Facebook Twitter Google + Share on Whatsapp

امریکی صدر نے اعلیٰ عہدوں پر ملازم غیرملکیوں کے جزوقتی ویزوں کے از سر نو جائزہ کے حکم نامہ پر دستخط کردیئے

ادارے اس حکومتی پالیسی پر عمل در آمد کریں جس کے تحت سرکاری منصوبوں میں غیر ملکی کنٹریکٹر بولی نہ لگائیں،حکم نامہ

جمعرات 20 اپریل 2017 کی مزید خبریں