برطانیہ کے دارالعوام نے وزیرِ اعظم ٹریزا مے کی جانب سے نئے انتخابات کے فیصلے کی بھاری اکثریت سے منظوری دے دی

جمعرات 20 اپریل 2017 00:00

لندن۔ (اُردو پوائنٹ اخبار آن لائن۔ جمعرات 20 اپریل 2017ء) برطانیہ کے دارالعوام نے وزیرِ اعظم ٹریزا مے کی جانب سے نئے انتخابات کے انعقاد کے فیصلے کی بھاری اکثریت سے منظوری دے دی ہے۔اس فیصلے کے حق میں 522 جب کہ مخالفت میں صرف 13 ووٹ آئے۔ برطانوی قانون کے مطابق قبل از وقت انتخابات کے لیے ایوان کی طرف سے دو تہائی اکثریت درکار ہوتی ہے۔

(جاری ہے)

وزیرِ اعظم ٹریزا مے کا کہنا تھا کہ نئے انتخابات سے بریگزٹ کے بارے میں مذاکرات اور برطانیہ کے مستقبل کے بارے میں پائی جانے والی بے یقینی دور کرنے میں مدد ملے گی۔آٹھ جون کو منعقد کیے جانے والے ان انتخابات میں ٹریزا مے اور جیریمی کوربن مدِ مقابل ہوں گے۔وزیرِ اعظم نے اس سے قبل اعلان کیا تھا کہ وہ انتخابات سے پہلے ٹیلی ویژن پر ہونے والے مباحثوں میں حصہ نہیں لیں گی۔سکاٹش نیشنل پارٹی اور لبرل ڈیموکریٹس نے ان کے اس فیصلے کو تنقید کا نشانہ بنایا ہے۔