چیف جسٹس نے اسلام آباد ائرپورٹ پرناروے کی سیاح خواتین سے ایف آئی اے کی خاتون اہلکاروں کے سلوک کا ازخود نوٹس لے لیا

سیکرٹری داخلہ وسیکرٹری ایوی ایشن سے رپورٹ طلب

بدھ 19 اپریل 2017 23:56

اسلام آباد ۔ (اُردو پوائنٹ اخبار آن لائن۔ جمعرات 20 اپریل 2017ء) چیف جسٹس میاں ثاقب نثار نے اسلام آباد ائرپورٹ پرناروے کی خواتین سیاحوں کے ساتھ ایف آئی اے کی خواتین اہلکاروں کی جانب سے روارکھے گئے سلوک کاازخود نوٹس لیتے ہوئے سیکرٹری داخلہ وسیکرٹری ایوی ایشن سے تین روزمیں رپورٹ طلب کرلی ہے ، بدھ کوچیف جسٹس نے یہ نوٹس ذرائع ابلاغ کے ذریعے سامنے آنے والی رپورٹس پرلیا جس میں بتایا گیاہے کہ ناروے کی دوخواتین سیاحوں کوایئرپورٹ پرتعینات ایف آئی اے کی خو اتین اہلکاروں نے ایک معمولی ایشوپر شد ید زدوکوب کیابعدازاں ایف آئی اے کی فوزیہ نامی اہلکارنے دونوں مہمان خواتین کو عملے کے دیگردوافراد کے ساتھ مل کر گھسیٹتے ہوئے ایک کمرے میں بند کردیا جہاں غیرملکی خا تون کوشد ید تشدد کانشانہ بنایا گیاجبکہ اس کی والدہ کوسرعام پیٹاگیا چیف جسٹس نے واقعہ کانوٹس لیتے ہوئے متعلقہ سیکرٹریوں سے رپورٹ طلب کرلی۔