Khawab Main Kuwaan Dekhna - Islamic Khawab ki Tabeer

حضرت ابن سیرین رحمتہ اللہ تعالیٰ علیہ نے فرمایا ہے کہ کنوئیں کی اصل تاویل میں عورت ہے ۔ اور اگر کوئی دیکھے کہ کسی جگہ کنواں کھودتا ہے ۔ تو دلیل ہے کہ عورت کرے گا ۔ اور اگر دیکھے کہ کنواں کھودنے میں کوئی اس کی مدد کرتا ہے تو دلیل ہے کہ اس میں اور کسی عورت میں کوئی وکیل ہے اور چاہتا ہے کہ مکروحیلہ سے اس عورت کی شادی کرائے ۔ کیونکہ کہاوتوں میں کنواں کھودنا مکرو حیلہ ہے کہ فلاں ، فلاں کے لئے کنواں کھودتا ہے ۔ یعنی اس کے سا تھ بدی اور مکر کرے گا ۔ اور خواب میں کنوئیں کا پانی عورت کا مال ہے ۔ اور اگر کوئی دیکھے کہ اس نے کنوئیں کا پانی پیا ہے تو دلیل ہے کہ عورت کا مال کھائے گا ۔ اور اگر کنوئیں سے پانی پیا کہ جو پختہ اینٹ سے نکلا تھا ۔ یہ عورت کے مال پر دلیل ہے اور اگر کوئی دیکھے کہ کنواں کھودنے سے پانی نہیں نکلا ہے تو دلیل ہے کہ مفلس عورت سے شادی کرے گا ۔

(جاری ہے)

حضرت ابراہیم کرمانی رحمتہ اللہ تعالیٰ علیہ نے فرمایا ہے کہ اگر کوئی دیکھے کہ کنوئیں کا پانی پینے میں خوش ذائقہ ہے تو دلیل ہے کہ عورت کا مال نفرت سے لے گا ۔

اور اگر دیکھے کہ کنوئیں کاگرم پانی پیا ہے تو دلیل ہے کہ عورت کے مال کے لئے تکلیف اٹھائے گا ۔ اور بعض اہل تعبیر نے بیان کیا ہے کہ وہ بیمار ہو گا ۔ اور اگر دیکھے کہ کنوئیں کا پانی عمدہ اور ٹھنڈا ہے ۔ تو دلیل ہے کہ عورت سے خیر و منفعت پائے گا ۔ اور اگر دیکھے کہ کنوئیں میں بہت پانی ہے تو دلیل ہے کہ عورت جواں مرد اور سخی ہو گی ۔ اور اگر دیکھے کہ کنوئیں میں تھوڑا پانی ہے تو دلیل ہے کہ سفلہ اور کمینی عورت ہے ۔ اور اگر دیکھے کہ کنواں کھودا اور جلدی پانی نکل آیا ۔ تو دلیل ہے کہ عورت بیمار ہو گی اور اپنا مال بیماری میں کھائے گی اور اگر کنوئیں سے سیاہ پانی یا نیلا پانی نکلا ہے تو دلیل ہے کہ اس کو غم و اندوہ پہنچے گا ۔ اور اگر کنوئیں سے سفید پانی نکلے۔ تو دلیل ہے کہ وراثت پائے گا ۔ اور اگر دیکھے کہ کنوئیں کا پانی گہرائی میں گیا اور کچھ نہ رہا تو دلیل ہے کہ عورت ہلاک ہو گی اور اس کا مال ضائع ہو گا ۔ اور اگر دیکھے کہ کنواں زمین کے نیچے چلا گیا ہے تو دلیل ہے کہ اس کی عورت ہلاک ہو گی ۔ حضرت ابراہیم کرمانی رحمتہ اللہ تعالیٰ علیہ نے فرمایا ہے کہ اگر خواب میں دیکھے کہ کنوئیں میں ڈ ول ڈالا ہے تا کہ پانی نکالے اور رسی ٹوٹ گئی ہے تو دلیل ہے کہ اس کے ادھورا فرزند پیدا ہو گا