او ایل ایکس نے اپنے برانڈکی نئی شناخت کے ساتھ ساتھ جدید ترین ٹیکنالوجی اور پروڈکٹ متعارف کرادیں

کراچی (اُردو پوائنٹ اخبارتازہ ترین - این این آئی۔ 07 نومبر2018ء) OLX سنہ 2006ء سے آن لائن کلاسیفائیڈ اشتہاروں کا مارکیٹ لیڈر ہے اور دنیا بھر میں کسٹمرز کو تقریباً ہر شے کی خریداری، بیچنے اور تبادلے میں مدد فراہم کرتا ہے۔عالمی سطح پر OLXپینتیسسے زائد مارکیٹوں اور پچاس سے زائد زبانوں میں لاکھوں کسٹمرز کو خدمات فراہم کرتا ہے۔گزشتہ روز، OLXنے اپنے قیام کے وقت سے اب تک کا سب سے بڑا اپ ڈیٹ جاری کیا ہے اورپوری ایپ اور ویب کے تجربہ کو تبدیل کرنے کے ساتھ برانڈ کی نئی شناخت متعارف کرائی ہے۔

دنیا بھر میں سے پاکستان وہ پہلا ملک ہے جہاں OLX نے اپنا نیا برانڈ اور پلیٹ فارم متعارف کرایا ہے ؛ اس کا مطلب ہے کہ پاکستان میں OLX استعمال کرنے والے باقی دنیا کے OLXاستعمال کرنے والوں سے بھی پہلے ان تبدیلیوں کا تجربہ حاصل کر سکیں گے۔

(جاری ہے)

اس تبدیلی سے کلاسیفائیڈ اشتہاروں کے تجربہ کو جدید بنانے اور پاکستان کے بارے میں ایک اہم مارکیٹ کاتصور اجاگر کرنے کے لیی OLX کے ارادے کا اظہار ہوتا ہے۔

OLXکے اعلان کے مطابق یہ تبدیلی روایتی کلاسیفائیڈ اشتہاروں سے بڑھ کر توسیع کی خواہش کا حصہ ہے۔ اس میں زیادہ اینڈ-ٹو-اینڈ سروسز پیش کی گئی ہیں اور استعمال کرنے والوں کو خریدو فروخت کے لیے زیادہ دانشمندانہ آپشنز فراہم کیے گئے ہیں۔اس موقع پر OLX Pakistan کے کنٹری منیجر، بلال باجوہ نے کہا،’’یہ ہمارا سب سے بڑا پلیٹ فارم ہے اور اس میں ہم بڑی تبدیلیاں لا رہے ہیں۔

ان تبدیلیوں میں چیٹ، پوسٹنگ، براؤزنگ اور سوشل ایکسپیرئینس شامل ہیں جب کہ ایپ کا سائز 40 فیصد چھوٹا ہو گیا ہے۔‘‘ بلال باجوہ نے مزید کہا،’’یہ نیا ورژن، استعمال کرنے والوں کے تجربہ کو نمایاں طور پر بہتر بنائے گا۔ اس میں متعدد ایسے نئے فیچرزشامل کیے گئے ہیں جو استعمال کرنے والوں کے لیے خریدنا، اوربیچنا زیادہ آسان اور تیزتر بناتے ہیں۔

مثال کے طور پر، ممکن خریدار کو فروخت کرنے والے سے رابطہ کے لیے اب لاگ ان کرنے کی ضرورت ہوتی ہے اور اس طرح یہ اور بھی محفوظ ہو جاتا ہے۔یہ تمام تبدیلیاں اس بات کا نتیجہ ہیں کہ ہم نے اپنے کسٹمرز کی رائے کو اہمیت دی ہے اورایسے شعبوں میں جدت لائے ہیں جن سے ان کا تجربہ بہتر ہوگا اور خوشی حاصل ہو گی۔تاہم، زیادہ اہم بات یہ ہے کہ یہ محض آغاز ہے اور ہم آئندہ مہینوں کے دوران مزید نئی جدتیں متعارف کراتے رہیں گے۔

‘‘برانڈ میں کی گئی نئی تبدیلی اور برانڈ کے نئے لوگو اور شناخت میں تبدیلی کے بارے میں گفتگو کرتے ہوئی OLX Pakistanکے ہیڈ آف مارکیٹنگ، عمار حسن نے کہا،’’ہمارے موجودہ برانڈ نے ہمارے لیے ، گزشتہ 11برسوں کے دوران، عمدہ کام کیا ہے۔ اب ہمارا بزنس عالمی قوت میں تبدیل ہو چکا ہے اور اب نئی خدمات OLX کی امبریلا کے نیچے آنے کی منتظر ہیں۔ہم نے نیا لوگو ڈیزائن اسٹوڈیو کی مدد سے تیار کیا ہے جو لندن میں موجود دنیا کی بہترین ڈیجیٹل ایجنسی ہے اور متعدد ٹیکنالوجی برانڈز مثلاً ٹوئٹر، ایئر بی این بی، ای اے اسپورٹس اور ٹنڈر کے ساتھ ان کے برانڈ کی تبدیلی کے لیے کام کر چکی ہے۔

ہم نتیجہ سے بہت خوش ہیں اور امید کرتے ہیں کہ نئے برانڈ کا آرکیٹکچر پاکستان میں OLXers کے درمیان جانا پہچانا ہے۔