جولائی تا دسمبرتجارتی خسارے میں 5فیصد کمی ریکارڈ ،

رواں مالی سال کے پہلے 6ماہ میں برآمدات میں 24کروڑ ڈالرکا اضافہ

جولائی تا دسمبرتجارتی خسارے میں 5فیصد کمی ریکارڈ ،
کراچی(اُردو پوائنٹ اخبارتازہ ترین۔ 11 جنوری2019ء) جولائی تا دسمبرتجارتی خسارے میں 5فیصد کمی ریکارڈ کی گئی جبکہ رواں مالی سال کے پہلے 6ماہ میں برآمدات میں 24کروڑ ڈالرکا اضافہ ہوا ہے۔وفاقی ادارہ شماریات کے مطابق رواں مالی سال کے پہلے 6ماہ میں تجارتی خسارہ 5 فیصد کمی کے بعد 16ارب 80کروڑ ڈالر رہا جبکہ جولائی تا دسمبر کے دوران برآمدات کا حجم 11 ارب 21کروڑ ڈالرجبکہ درآمدات کا حجم 28 ارب ڈالر سے زائد رہا۔

دسمبرمیں تجارتی خسارہ 15فیصدکم ہوا جبکہ برآمدات کا حجم 2ارب 8 کروڑڈالررہا۔

(جاری ہے)

دوسری جانب رواں مالی سال کے پہلے 6 ماہ میں ترسیلات زر میں 10 فیصد کا اضافہ ہوا، اسٹیٹ بینک کے مطابق 6ماہ میں بیرون ملک مقیم پاکستانیوں نی 10ارب 71کروڑ80لاکھ ڈالر بھیجے، سب سے زیادہ ترسیلات سعودی عرب سی حاصل ہوئیں، دوسرے نمبر پرمتحدہ عرب امارات ہے۔دسمبر 2018 میں سعودی عرب، متحدہ عرب امارات، امریکا، برطانیہ، خلیج تعاون کونسل کے ملکوں)بشمول بحرین، کویت، قطر اور عمان( اور یورپی یونین کے ملکوں سے بالترتیب 414.84 ملین ڈالر، 341.58 ملین ڈالر، 262.83 ملین ڈالر، 247.06 ملین ڈالر، 171.56 ملین ڈالر، اور 45.62 ملین ڈالر پاکستان بھجوائے گئے۔

Your Thoughts and Comments