موجودہ دور میں کرپشن کم نہیںہوئی بلکہ کرپشن کا ریٹ بڑھادیا گیا ہے‘گڈزٹرانسپورٹ اونرزایسوسی ایشن

ایڈ ہاک پالیسیوں اورمہنگائی کی وجہ سے ہر طبقہ بری طرح متاثرہوا ہے ‘ مرکزی رہنمااویس چوہدری ایڈووکیٹ

لاہور(اُردو پوائنٹ اخبارتازہ ترین - این این آئی۔ 24 اکتوبر2021ء)آل پاکستان گڈزٹرانسپورٹ اونرز ایسوسی ایشن کے مرکزی رہنمامحمداویس چوہدری ایڈووکیٹ نے کہا ہے کہ حالیہ سالوں میں عوام کی قوت خرید میں40فیصد تک کمی ہوئی ہے جس سے ہر طرح کا کاروبار شدید مندی کا شکارہے،ایڈ ہاک پالیسیوں ،پیٹرولیم مصنوعات ،بجلی اورگیس کی قیمتوں میںتسلسل کے ساتھ اضافے کی وجہ سے ہر طبقہ بری طرح متاثرہوا ہے ،موجودہ دور میں کرپشن کم نہیںہوئی بلکہ خوف و ہراس پھیلا کرکرپشن کا ریٹ بڑھادیا گیا ہے۔

ان خیالا ت کااظہارانہو ں نے آل پاکستان گڈز ٹرانسپورٹ اونرز ایسوسی کے رہنما ئو ں محمد اظہرقادری،حاجی الیاس بابر،حاجی ناظم الدین بردی،حاجی محمد اظہر سراج و د یگر سے گفتگو کر تے ہوئے کیا۔

(جاری ہے)

اویس چوہدری ایڈووکیٹ نے کہا کہ ملک میںصرف سیاسی اورسرکاری اشرافیہ خوشحال ہے جبکہ باقی تمام طبقات کسی نہ کسی صورت میں مشکلات کاسامنا کررہے ہیں۔

وزیر اعظم عمران خان نے دو نہیں ایک پاکستان کا نعرہ لگایالیکن اس پر عملدرآمد نہیںہوا ،قانون پر عملدراری نہیں کی جارہی بلکہ اعلیٰ عدلیہ کے ملک و قوم کے مفادمیں دئیے گئے فیصلوں پر بھی عمل نہیںکیا جارہا ۔ اسلام آبادہائیکورٹ نے ملک کے بہترین مفاد میں ایکسل لوڈلمٹ بارے فیصلہ دیا لیکن حکومت کے ادارے اسے خاطر میںنہیںلارہے اور توہین عدالت کے مرتکب ہو رہے ہیں۔ انہوںنے کہا کہ ملک میں جس طرح کے حالات پیدا ہو گئے ہیں اس سے عوام کے صبر کا پیمانہ لبریز ہو گیا ہے جو کسی وقت بھی باہر آ سکتا ہے۔

Your Thoughts and Comments