صوبائی محکمہ پلاننگ اینڈ ڈویلپمنٹ کی صوبائی ڈویلپمنٹ ورکنگ پارٹی کا 16واں اجلاس

لاہور(اُردو پوائنٹ اخبار تازہ ترین۔یکم اکتوبر۔2014ء) حکومت پنجاب نے رواں مالی سال2014-15 کے دوران صوبائی محکمہ پلاننگ اینڈ ڈویلپمنٹ کی صوبائی ڈویلپمنٹ ورکنگ پارٹی کے سولہویں اجلاس میں ڈویلپمنٹ سیکٹرز کی کل 16 ترقیاتی سکیموں کو مکمل کرنے کے لیے مجموعی طور پر 9ارب 58کروڑ 11 لاکھ 1 ہزار روپے کی منظوری دی ۔صوبائی ڈویلپمنٹ فورم کے اجلاس کی صدارت چیئر مین پلاننگ ایند ڈویلپمنٹ پنجا ب محمد عرفان الٰہی نے کی جبکہ سیکرٹری پی اینڈ ڈی وسیم اجمل چو ہدری،چیف اکانومسٹ پی اینڈ ڈی پنجاب ڈاکٹر خالد مشتاق , ممبرز پلاننگ اینڈ ڈویلپمنٹ بورڈ ڈاکٹر نوید احمد چوہدری، آغا وقار جاوید،اعجاز حسین، سیکرٹری سی اینڈڈبلیو میاں مشتاق ، ڈائریکٹر جنرل ایل ڈی اے احد خان چیمہ، سینئر چیف کوارڈیینشن پی اینڈ ڈی جاوید لطیف، ڈائریکٹر جنرل ایم اینڈ ای ڈاکٹر سجاد مبین سمیت دیگر متعلقہ صوبائی محکمہ جات کے اعلی افسران نے شرکت کی ۔

(جاری ہے)

صوبائی ورکنگ پارٹی کے سولہویں اجلاس میں جن 16 ترقیاتی منصوبہ جات کی منظوری دی گئی ان میں جی سی ای ٹی میں سکول لیب کے قیام، اپ گریڈیشن اور دیگر ضروری سہولیات کی فراہمی کے لیے مبلغ 53 کروڑ 32 لاکھ 54 ہزار روپے ، نشتر ہسپتال ملتان میں آئی سی یو اور اپریشن تھیٹر کی اپ گریڈیشن کے لیے مبلغ 35 کروڑ روپے ، ضلع فیصل آباد مین پمپنگ مشینری بوسٹر پمپ اسٹیشن اور ٹرمینل ریزرور کی تبدیلی کے لیے مبلغ 1 ارب 64 کروڑ 35 لاکھ 20 ہزار روپے ، لاہور میں لاہور رنگ روڈ پر بوگھیوال ڈسپوزل اسٹیشن چھوٹا راوی ڈرین سے شالیمار سکیپ چینل تک فورسمین بچھانے کے لیے مبلغ 36 کروڑ 87 لاکھ 62ہزار روپے ، اوکاڑہ میں دیپارلپور شہر کی سیوریج سکیم کے لیے مبلغ 30 کروڑ 3 لاکھ 55 ہزار روپے ، گوجرانوالہ میں بائی پاس خان مسلمان سے جاگو والہ نوشہرہ ورکاں روڈ کی کشادگی اور بہتری کے لیے مبلغ 45کروڑ 95 لاکھ 62 ہزار روپے ، ضلع گجرات میں جلال پور جٹاں روڈ سے یونیورسٹی آف گجرات تک دو رویہ روڈ تعمیر کے لیے مبلغ 26 کروڑ 30 لاکھ 85 ہزار روپے ، ضلع جھنگ میں پیر کوٹ کھلیانہ سے چیلا سے راجانا سے خان دا کوٹ سے گنیانہ روڈ کی کشادگی اور بہتری کے لیے مبلغ 55 کروڑ 55 لاکھ 94 ہزار روپے ، ٹوبہ ٹیک سنگھ میں پیر محل ڈارکانہ روڈ سے شور کوٹ کینٹ ٹوبہ روڈ براستہ چک نمبر 321 گ ب ، 323 گ ب،326 گ ب اور 325 گ ب روڈ کی بہتری کے لیے مبلغ 30 کروڑ 79 لاکھ 62 ہزار روپے ، ضلع ٹوبہ ٹیک سنگھ پیر محل شہر میں انٹر سٹی روڈ کو دو رویہ کرنے کے لیے مبلغ 24 کروڑ 73 لاکھ 74 ہزار روپے ، رحیم یار خاں میں پیلس روڈ پل دری سنگی سے یو اے ای پیلس روڈ کی کشادگی اور بہتری کے لیے مبلغ2 ارب 62 کروڑ 34 لاکھ 5 ہزار روپے ، رحیم یار خاں میں پٹن مینارا منٹھار روڈ کی تعمیر اور توسیع کے لیے مبلغ 39کروڑ 85 لاکھ 57 ہزار روپے ، ضلع بہاولپور میں مبارک پور سے جھنگارا شرکی روڈ کی کشادگی اور بہتری کے لیے مبلغ 47 کروڑ 2 لاکھ 40 ہزار روپے ، خانیوال میں اقبال نگر سے دلواں روڈ کی کشادگی اور بہتری کے لیے مبلغ 35 کروڑ 24 لاکھ 12 ہزار روپے ، ضلع لیہ میں فتح پور سے نواکوٹ روڈ کی کشادگی اور بہتری مبلغ 44کروڑ 82 لاکھ 10 ہزار روپے اور ضلع ملتان ، شجاع آباد ملتان میں دریائے چناب سے پل سید والی ، سیالاں والی براستہ خان گڑھ روڈ اور کینال بینک جنوبی سائیڈ کو موجودہ ملتان روڈ سے ملانے کے لیے سدرن بائی پاس (پارٹ ون) کی تعمیر مبلغ 25 کروڑ 88 لاکھ 9 ہزار روپے شامل ہیں۔