پنجاب اسمبلی ‘ پنجاب حکومت کا آئندہ سال چاول خریدنے کا فیصلہ

مڈل ایسٹ ،ایران اور دیگر ممالک کے ساتھ چاول کی خریداری کے حوالے سے معاملات آگے بڑھے ہیں ،مڈل مین کی موجودگی کسان کا استحصال کرتی ہے اس کے کرردار کو ختم کرنا اتنا آسان نہیں ہے،رولز میں تبدیلی کے ذریعے کوشش کی جا رہی ہے کہ کسان اپنی پروڈکٹ ڈائریکٹ کنزیومر کو فروخت کرے‘صوبائی وزیر ڈاکٹر فرخ جاوید کے پنجاب اسمبلی میں وقفہ سوالات کے جوابات

جمعہ 15 اپریل 2016 18:29

لاہور(اُردو پوائنٹ اخبارتازہ ترین - آئی این پی۔15 اپریل۔2016ء) زراعت کے صوبائی وزیر ڈاکٹر فرخ جاوید نے کہا ہے کہ پنجاب حکومت نے آئندہ سال چاول خریدنے کا فیصلہ کیا ہے اس سلسلہ میں مڈل ایسٹ ،ایران اور دیگر ممالک کے ساتھ چاول کی خریداری کے حوالے سے معاملات آگے بڑھے ہیں ،مڈل مین کی موجودگی کسان کا استحصال کرتی ہے اس کے کرردار کو ختم کرنا اتنا آسان نہیں ہے،رولز میں تبدیلی کے ذریعے کوشش کی جا رہی ہے کہ کسان اپنی پروڈکٹ ڈائریکٹ کنزیومر کو فروخت کرے۔

ان خیالات کا اظہار پنجاب اسمبلی کے اجلاس میں وقفہ سوالات کے ددوران رکن اسمبلی امجد علی جاوید کے سوال کے جواب دیتے ہوئے کیا۔ اجلاس ایک گھنٹہ40منٹ کی تاخیر سے ڈپٹی سپیکر سردار شیر علی گورچانی کی صدارت میں شروع ہوا۔

(جاری ہے)

اجلاس میں محکمہ زراعت کے متعلقہ سوالوں کے جوابات دئے گئے۔ نگہت شیخ کے سوال کے جواب میں صوبائی وزیر نے کہا کہ بیرون ملک چاول کی خریداری کے معاملات کو ٹریڈنگ کارپوریشن آف پاکستان جو کہ فیڈرل کا ادارہ ہے، وہی دیکھتا ہے اور پنجاب حکومت نے پچھلے سال کوئی چاول نہیں خریداتاہم آئندہ سال چاول خریدنے کا فیصلہ کیا گیا ہے ، انہوں نے کہا کہ جن غلہ منڈیوں میں دکانوں کے مالک آڑھت کے علاوہ کوئی کاروبار کرتے ہیں اگر ان کے خلاف درخواست دی جاتی ہے تو محکمہ ان کے خلاف کارروائی ضرور کریگا، ارشد ملک کے سوال کے جواب میں انہوں نے کہا کہ یہ پنجاب حکومت کی بہتر پالیسیوں کا نتیجہ ہے کہ اس سال سیڈ کارپوریشن کی طرف سے جاری کردہ گندم کا بیج 100فیصد فروخت ہوا ہے۔