افغانستا ن ، دارالحکومت کابل میں دوسرے روز بھی فوجی بس پر خودکش حملہ ،3افراد ہلاک، 10زخمی

جمعہ 3 اکتوبر 2014 08:34

کابل(اُردو پوائنٹ اخبار آن لائن۔3اکتوبر۔2014ء)افغان دارالحکومت کابل میں مسلسل دوسرے روز فوجیوں کی بس پر خودکش حملہ کیا گیا جس میں 3افراد ہلاک اور دس زخمی ہوگئے۔افغان وزارت داخلہ کے مطابق خودکش حملہ آور نے دارالحکومت کابل میں فوجیوں کی بس کو نشانہ بنایا۔حملے میں 3افراد ہلاک ہوئے۔

(جاری ہے)

زخمیوں کو اسپتال منتقل کردیا گیاہے۔گذشتہ روز بھی افغان فوجی بسوں کو نشانہ بنایا گیا تھا جس میں 7افغان فوجی ہلاک اور متعدد زخمی ہوگئے تھے۔افغانستان میں نئے صدر اشرف غنی کی حلف برداری کے بعد پیر سے اب تک کابل میں چار حملے کیے گئے ہیں۔گذشتہ روز کے حملوں کی ذمہ داری طالبان نے قبول کی تھی