سڈنی کیفے کے واقعے کی مکمل تحقیقات کا عزم،یہ جاننا چاہتے ہیں کہ ذہنی عدم توازن، تشدد اور انتہا پسندی کا رجحان رکھنے والے مونس کی نگرانی کیوں نہیں کی گئی یا اسے تحویل میں کیوں نہیں رکھا گیا،وزیراعظم ٹونی ایبٹ

جمعرات 18 دسمبر 2014 09:01

کینبرا(اُردو پوائنٹ اخبارآن لائن۔18دسمبر۔2014ء)آسٹریلیا کے وزیراعظم ٹونی ایبٹ نے عہد کیا ہے کہ اس بات کی تحقیقات کی جائے گی کہ کیسے تشدد اور انتہا پسندی کا پس منظر رکھنے والے ذہنی معذور ایرانی نژاد شخص نے سڈنی کے کیفے میں لوگوں کو یرغمال بنانے کی کارروائی کی۔غیرملکی خبررساں ادارے کے مطابق بدھ کو پریس کانفرنس کرتے ہوئے وزیراعظم ٹونی ایبٹ کا کہنا تھا کہ وہ یہ جاننا چاہتے ہیں کہ ذہنی عدم توازن، تشدد اور انتہا پسندی کا رجحان رکھنے والے مونس کی نگرانی کیوں نہیں کی گئی یا اسے تحویل میں کیوں نہیں رکھا گیا۔

مونس کی طرف سے آسٹریلوی حکومت کے خلاف انٹرنیٹ پر جاری کی گئی متعدد دھمکیوں اور بعض ایسے بیانات جس سے شدت پسند گروہ دولت اسلامیہ کی حمایت ظاہر ہوتی ہے، اس کے باوجود یہ شخص کسی بھی ایسی فہرست میں شامل نہیں تھا جن میں شامل لوگوں کی نگرانی کی جاتی ہے۔

(جاری ہے)

وزیراعظم کا کہنا تھا کہ وہ اس بارے میں ایک شفاف رپورٹ شائع کرنے کا ارادہ رکھتے ہیں کہ مونس کیوں زیر نگرانی نہیں تھا اور کیسے ایک شخص بندوق حاصل کرنے کے قابل ہوا۔

مونس دو دہائیوں قبل ایران سے آسٹریلیا آیا تھا اور اس نے یہاں یہ کہہ کر پناہ لی تھی کہ اسے وہاں اذیت کا سامنا کرنا پڑا۔یادرہے کہ ہارون مونس نامی شخص نے گزشتہ پیر کو سڈنی میں ایک کیفے میں گھس کر وہاں 17 افراد کو یرغمال بنا لیا تھا۔ 50 سالہ مونس اور دو یرغمالی اس وقت مارے گئے جب پولیس کمانڈوز نے کیفے کو واگزار کروانے کے لیے کارروائی کی۔مونس مجرمانہ پس منظر کا حامل تھا۔ اس پر اپنی سابقہ بیوی کو قتل کرنے کے علاوہ جنسی طور پر ہراساں کرنے کے 40 سے زائد مقدمات بھی درجات تھے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ

ہفتہ 27 اپریل 2024 - 23:31

معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق

ہفتہ 27 اپریل 2024 - 22:35

نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط

ہفتہ 27 اپریل 2024 - 21:50

جب تک پنجاب حکومت گندم نہیں خریدے گی مسئلہ حل نہیں ہوسکتا

ہفتہ 27 اپریل 2024 - 21:26

سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے

ہفتہ 27 اپریل 2024 - 20:05

عمران خان کو کھلی عدالتوں میں ٹرائل کا موقع دینے کی بجائے جیل ٹرائل میں سختی کردی گئی

ہفتہ 27 اپریل 2024 - 18:47

مزید متعلقہ خبریں پڑھئیے‎ :

متعلقہ عنوان :

جمعرات 18 دسمبر 2014 کی مزید خبریں