”شیوخ الحدیث کانفرنس“ میں شریک دو سو شیوخ الحدیث والقرآن ،مفتیان کرام اورجید علماء نے خود کش حملوں کو حرام قرار دیدیا،تحریکِ طالبان پاکستان، القاعدہ، داعش، بوکو حرام، الشباب اور اُن جیسی دوسری نام نہاد جہادی تنظیموں کا فلسفہ جہاد گمراہ کن، طرزِ عمل غیر اسلامی اور فہم اسلام ناقص اور جہالت پر مبنی ہے‘ مشترکہ اعلامیہ
پیر 18 مئی 2015 06:52
لاہور (اُردو پوائنٹ اخبارآن لائن۔18 مئی۔2015ء) تنظیم اتحادِ امت کے زیر اہتمام منعقدہ” شیوخ الحدیث کانفرنس“میں شریک دو سو شیوخ الحدیث والقرآن ،مفتیان کرام اورجید علماء نے اپنے اجتماعی شرعی اعلامیہ میں خود کش حملوں کو حرام قرار دے دیا ۔اعلامیہ میں کہا گیا ہے کہ تحریکِ طالبان پاکستان، القاعدہ، داعش، بوکو حرام، الشباب اور اُن جیسی دوسری نام نہاد جہادی تنظیموں کا فلسفہ جہاد گمراہ کن، طرزِ عمل غیر اسلامی اور فہم اسلام ناقص اور جہالت پر مبنی ہے۔
اِن تنظیموں کا طریقہٴ جہاد اسلامی جہاد کی شرائط کے منافی ہے۔فرقہ وارانہ قتل و غارت میں ملوث عناصر فساد فی الارض کے مجرم ہیں۔ اسلام فرقے کے اختلاف کی بنیاد پر کسی کو قتل کرنے کی اجازت نہیں دیتا۔اسلامی ریاست کے باغیوں اور غداروں کو کچلنا اسلامی حکومت پر لازم ہے۔(جاری ہے)
دہشت گردی کے خاتمے کی جنگ میں جاں بحق ہونے والے فوجی، پولیس اہل کار اور دوسرے افراد شہید اور قوم کے حقیقی ہیرو ہیں جبکہ پاک فوج اور سیکورٹی فورسز کے خلاف لڑتے ہوئے مرنے والوں کو شہید قرار نہیں دیا جا سکتا۔
پاکستانی طالبان اور داعش عہدِ حاضر کے خوارج ہیں۔خوارج دینِ اسلام کے باغی ہیں۔پولیو مہم کی مخالفت کرنے والے گمراہ اور خواتین ہیلتھ ورکرز کو قتل کرنے والے بدترین مجرم ہیں۔غیر مسلم اقلیتوں کی عبادت گاہوں پر حملے بدترین گناہ اور مجرمانہ فعل ہے۔ اسلام نے اسلامی ریاست کے لیے غیر مسلموں کا تحفظ لازم قرار دیا ہے۔تنظیم اتحاد امت پاکستان کے زیر اہتمام شاہ جہاں ہوٹل میں منعقد ہونیو الی شیوخ الحدیث کانفرنس کی صدارت علامہ مفتی محمد خان قادری نے کی ۔کانفرنس کے آخر میں پریس کانفرنس سے خطاب کرتے ہوئے چیئرمین تنظیم اتحاد امت پاکستان محمدضیاء الحق نقشبندی نے شرعی اعلامیہ پڑھا ۔کانفرنس میں فیصلہ کیا گیا کہ دہشت گردی، انتہا پسندی اور فرقہ واریت کے خلاف جمعہ 22/ مئی کو ملک گیر ”یومِ امن و محبت“ منایا جائے گا اور ملک بھر میں اہلِ سنت کی چار لاکھ سے زائد مساجد میں قتلِ ناحق کے خلاف خطباتِ جمعہ دئیے جائیں گے۔طالبان اور داعش جیسی انتہا پسند اور دہشت گرد تنظیموں کے فکری توڑ کے لیے شیوخ الحدیث والقرآن پر مشتمل ”علماء بورڈ“ قائم کیا جائے گا۔”دہشت گردی مٹاؤ ملک بچاؤ مہم“ چلائی جائے گی۔شیوخ الحدیث کانفرنس کے ”شرعی اعلامیہ“ پر دنیا کے مختلف ممالک کے مفتیانِ کرام کے تائیدی دستخط کروا کر اِس اعلامیہ کی دنیا بھر میں تشہیر کی جائے گی۔دہشت گردوں کے خلاف جرأت مندانہ جنگ لڑنے والے عظیم راہنما ڈاکٹر محمد سرفراز نعیمی# شہید کی برسی کے موقع پر 12 جون کو لاہور میں ”شہیدِ پاکستان سیمینار“ منعقد کیا جائے گا۔ محمد ضیاء الحق نقشبندی نے شرعی اعلامیہ پڑھتے ہوئے کہا کہ پاکستان میں بسنے والے ہر شہری کی جان و مال کا تحفظ حکومت کا آئینی فریضہ ہے لیکن حکومت امن و امان کے قیام میں بری طرح ناکام ہو چکی ہے۔ حکومت نے دہشت گردی کے خاتمے کا سارا بوجھ فوج پر ڈال رکھا ہے اور سول حکومت اپنے حصے کا کردار ادا کرنے میں نا اہل ثابت ہوئی ہے۔ وفاقی اور صوبائی حکومتیں دہشت گردی کے خلاف صرف زبانی جمع خرچ کر رہی ہیں۔ اعتقادی، فکری اور سیاسی اختلافات کی بنیاد پر مخالفین کی جان و مال پر حملے کرنا غیر اسلامی غیر انسانی اور غیر اخلاقی عمل ہے۔شریعت کے نفاذ کے لیے بندوق اٹھانا درست نہیں ہے۔ نفاذِ شریعت کے لیے آئین اور قانون کے دائرے میں رہ کر پُرامن جدوجہد ہونی چاہیے۔قتل ناحق شرک کے بعد سب سے بڑا گناہ ہے۔ اسلام قتلِ ناحق کا سب سے بڑا مخالف اور انسانی جان کی حرمت کا سب سے بڑا حامی ہے۔خود کش حملوں کے المناک واقعات کے جواز پیش کرکے دہشت گردوں کی بالواسطہ حمایت کرنے والے بھی برابر کے مجرم ہیں۔کشمیر میں آزادی کی جنگ لڑنے والے مجاہدین، فلسطین میں جاری تحریکِ آزادی اور افغانستان و عراق میں جارح ملک امریکہ کے خلاف جاری جہاد کی تائید و حمایت کا اعلان کرتے ہیں۔شرعی اعلامیہ میں مزید کہا گیا ہے حکومت تمام مکاتبِ فکر کے جیّد علماء اور مفتیوں پر مشتمل ”علماء بورڈ“ قائم کرے اور تکفیری فتویٰ صرف اِس بورڈ کی طرف سے جاری ہو۔پاکستان اور دوسرے تمام اسلامی ممالک امریکہ نواز پالیسیاں ختم کریں کیونکہ امریکہ اسلام کا سب سے بڑا دشمن ہے۔عرب اور خلیجی ممالک آپس میں لڑنے کی بجائے قبلہٴ اوّل اور فلسطین کی آزادی کے لیے متحد ہو جائیں۔سعودی حکومت حجازِ مقدس کو امریکی فوج کے ناپاک وجود سے پاک کرے اور امریکی فوج کو سعودی عرب سے نکالا جائے کیونکہ سعودی عرب میں امریکی فوجیوں کی موجودگی سے حرمین شریفین کا تقدس پامال ہو رہا ہے۔یمن بحران پر فریق بننے کی بجائے پارلیمنٹ کی قرارداد پر عمل کرتے ہوئے ثالث کا کردار ادا کیا جائے۔ یمن میں پاکستانی فوج کسی صورت نہ بھیجی جائے۔مسلم ممالک، او آئی سی اور اقوامِ متحدہ یمن میں مستقل جنگ بندی کے لیے کوششیں تیز کریں۔شرعی اعلامیہ میں کہا گیا ہے کہ دہشت گردی کے خاتمے کے لیے جاری ”آپریشن ضربِ عضب“ کی بھرپور حمایت کرتے ہیں اور دہشت گردی کے خلاف جنگ میں پاک فوج کے ساتھ ہیں۔ پاک فوج کی بے مثال قربانیاں قابلِ قدر اور لائقِ تحسین ہیں۔ خود کش حملے کرنے اور کروانے والے جہنمی ہیں کیونکہ خود کش حملے اسلام میں حرام اور ناجائز ہیں۔ خود کش بمبار قتل اور خود کشی جیسے دو حرام امور کے مرتکب ہو رہے ہیں۔حکومتِ وقت پر لازم ہے کہ وہ ریاست کے باغیوں کے خلاف جنگ کرے۔ پاکستان کے وزیراعظم پاکستان کی سلامتی کے دشمن ہر طرح کے مذہبی و غیر مذہبی دہشت گردوں کے خلاف قومی جہاد کا اعلان کریں اور پوری قوم متحد ہو کر پاکستان بچانے کے اِس جہاد میں شریک ہو۔انتہا پسندانہ اور گمراہ کن نظریات کے باعث بوائز اور گرلز سکولوں کو غیر اسلامی تعلیم کے مراکز قرار دے کر گرانا اور اساتذہ کو قتل کرنا غیر اسلامی اور غیر انسانی فعل ہے۔ دہشت گردی کی ایک بڑی وجہ غربت، افلاس، بے روزگاری مہنگائی اور نا انصافی ہے۔ حکومت عوام کو معاشی، سماجی اور عدالتی انصاف کی فراہمی یقینی بنائے۔ اسلام نے انسانی جان کی حرمت کو کعبہ کی حرمت سے بھی اہم قرار دیا ہے۔ مسلم نوجوانوں کو خونریزی کی ترغیب دینے والے دنیا و آخرت میں شدید عذابِ الٰہی کے حق دار ہیں۔ اسلام کے نام پر دہشت گردی کرنے والے اسلام کا خوبصورت چہرہ مسخ کر رہے ہیں اِس لیے دنیا بھر کے علمائے حق جہاد کے نام پر فساد کرنے والوں کے فکری توڑ کے لیے میدان میں آئیں اور حقیقی اسلام دنیا کے سامنے پیش کریں۔آپریشن ضربِ عضب کا دائرہ ملک بھر میں پھیلایا جائے اور دہشت گردوں کے حامیوں، مددگاروں، سہولت کاروں اور سرپرستوں کو بھی پکڑا جائے۔ دہشت گردی میں ملوث مدارس کے خلاف کریک ڈاؤن کیا جائے۔ دہشت گردوں کے بیرونی رابطے اور فنڈنگ روکی جائے۔ ملک کو اسلحہ سے پاک کیا جائے۔حکومت ملک میں شرعی نظام عملاً نافذ کرے سودی نظام ختم کرکے اسلامی نظامِ معیشت اپنایا جائے نیشنل ایکشن پلان پر عملدرآمد کی رفتار تیز کی جائے۔را کے نیٹ ورک کے صفایا کے لیے ملک گیر آپریشن کیا جائے۔ پاکستان میں بھارتی مداخلت کے ثبوت عالمی برادری کے سامنے پیش کیے جائیں۔دہشت گردوں، مجرموں اور قاتلوں کو پھانسیاں دینا اسلامی شریعت کے عین مطابق ہے۔ حکومت یورپی یونین اور مغربی دباؤ کی پرواہ کیے بغیر دہشت گردوں اور قاتلوں کو پھانسیاں دینے کا سلسلہ تیز کرے۔ شیوخ الحدیث کانفرنس میں شرکت کرنے والوں میں ڈاکٹر راغب حسین نعیمی، مفتی محمد صدیق ہزاروی ،جسٹس (ر) میاں نذیر اختر،علامہ خلیل الرحمن قادری صاحبزادہ رضائے مصطفےٰ نقشبندی،مفتی غلام حسن قادری ،علامہ نعیم جاوید نوری،محمد نواز کھرل ،مفتی محمد حسیب قادری،علامہ ذوالفقار مصطفےٰ ہاشمی،مفتی محمد عمران حنفی،علامہ نور الٰہی انور،مفتی تصدق حسین،علامہ نصیر احمد نورانی،علامہ محمد اعظم نعیمی،مفتی انتخاب احمد نوری،علامہ محمد قاسم علوی،مولانا مجاہد عبدالرسول،مفتی مسعود الرحمن علامہ معاذ المصطفےٰ قادری،مولانا قاری عبدالحمید نقشبندی،علامہ میاں مطلوب احمد سیفی، مفتی ابوبکر اعوان، مولانا پیر محمد شفیق کیلانی،مولانا احسان الحق صدیقی،مفتی قیصر شہزاد نعیمی،مفتی لیاقت علی صدیقی ،علامہ قاری محمد طاہر شریف،علامہ عظیم صلاح الدین قادری،مفتی میاں غوث علی قصوری،علامہ محمد شفیع قادری، مفتی محمد عارف نقشبندی، مفتی اللہ بخش محمدی سیفی،مولانا محمد یٰسین محمدی سیفی،مفتی فیصل ندیم، غلام مصطفےٰ چوہدری ایڈووکیٹ،مولانا محمد سرور فریدی، مولانا قاری شفیق اللہ،علامہ ڈاکٹر محمد عمران انور نظامی، مفتی محمد ندیم قمر،علامہ فدا حسین قادری،مولانا حبیب الرحمن مدنی، مولانا حافظ محمد عثمان نوشاہی، مولانا محمد وقاص سلطانی،مولانا محمد ذیشان صابری،مولانا سیّد شہباز احمد شاہ، مولانا محمد آصف نعمانی، مولانا محمد افضل قمر سیالوی،مولانا محمد اختر حیات سیالوی، علامہ محمد ارشد نعیمی،مولانا سیّد محمد مقبول شیرازی،علامہ محمد رمضان سیفی،علامہ محمد رضا کونین، علامہ محمود اکرم رضوی، مفتی نعیم احمد صابری، علامہ محمد شریف القادری اور دیگر شامل تھے ۔ کانفرنس میں منظور کی گئی قراردادوں میں مطالبہ کیا گیا کہ اقتصادی راہ داری منصوبے کو کالا باغ ڈیم کی طرح متنازعہ بننے سے بچایا جائے اور حکومت اِس منصوبے پر تمام صوبوں کے تحفظات دور کرے۔،انسدادِ توہین رسالت کے لیے عالمی سطح پر موٴثر قانون سازی کے لیے حکومتِ پاکستان اور دوسرے مسلم ممالک فعال کردار ادا کریں اِس سلسلہ میں عالمی اسلامی سربراہی کانفرنس طلب کی جائے۔،گرفتار دہشت گردوں کو سپیڈی ٹرائل کے ذریعے کیفر کردار تک پہنچایا جائے۔ایمپلی فائر آرڈنینس کی آڑ میں پُرامن اور محب وطن اہلِ سنت راہنماؤں اور علماء پر قائم کیے گئے جھوٹے مقدمات واپس لیے جائیں۔ حکومت اذان اور درود کی آواز کو محدود کرنے سے باز رہے۔ غازی ملک ممتاز حسین قادری مجرم نہیں عظیم عاشقِ رسول ہے۔ ممتاز قادری کو ہائی کورٹ کی طرف سے سنائی گئی سزائے موت غیر شرعی ہے کیونکہ ممتاز قادری نے سلمان تاثیر کو صرف اور صرف گستاخیٴ رسول پر قتل کیا تھا اِس لیے ممتاز قادری کی سزائے موت ختم کرکے انہیں باعزت رہا کیا جائے، اور ان کے مقدمے کا فیصلہ شرعی اور اسلامی اصولوں کی بنیاد پر کیا جائے۔ شاتم رسول کو قتل کرنا ہرگز دہشت گردی نہیں ہے۔ بلکہ اصل دہشت گردی تو گستاخی رسول ہے۔نام بدل کر کام کرنے والی کالعدم تنظیموں کے نیٹ ورک کا خاتمہ کیا جائے اور کالعدم دہشت گرد تنظیموں کے قائدین کی جائیدادیں ضبط کی جائیں۔کراچی میں جاری آپریشن کو منطقی انجام تک پہنچایا جائے اور کراچی کو را کے ایجنٹوں، بھتہ خوروں، لینڈ مافیا اور ڈرگ مافیا سے پاک کیا جائے۔ نیکٹا کو فعال اور پولیس کو سیاست سے پاک کیا جائے۔حکومت تمام سرکاری اداروں اور بالخصوص کالجز اور یونیورسٹیوں کو دہشت گردوں کے حامیوں، مخبروں اور ہمدردوں سے پاک کرے۔ کانفرنس سے خطاب کرتے ہوئے ڈاکٹر محمد راغب حسین نعیمی نے کہا کہ نام نہاد جہادی تنظیموں کی تخریبی اور فسادی کارروائیاں اسلام کی بدنامی، عالمِ اسلام کی کمزوری اور ہزاروں گھرانوں کی بربادی کا باعث بن رہی ہیں اور ان کے خونی کھیل سے اسلام کے دشمن امریکہ کا کام آسان ہو رہا ہے۔ نظریات کا مقابلہ طاقت نہیں نظریات سے ہونا چاہیے۔مفتی محمد خان قادری نے اپنی صدارتی تقریر میں کہا کہ اسلامی ریاست کے باغیوں کی سرکوبی کے جہاد میں حکومت کے ساتھ تعاون ہر شہری پر فرض ہے۔خارجی ٹولہ اپنے ہم خیال افراد کے علاوہ سب کو واجب القتل سمجھتاہے۔ خارجی نظریات و افکار کا حقیقی اسلام سے کوئی تعلق نہیں۔ تمام آئمہ کرام اِس بات پر متفق ہیں کہ جب کوئی مسلح گروہ کسی خود ساختہ تاویل کی بنیاد پر مسلم حکومت کی رِٹ سے نکل جائے تو اِس کے خلاف جنگ کرنا مباح ہے ۔جسٹس (ر) نذیر اختر نے کہا کہ اسلام اپنے ماننے والوں کو نہ صرف امن و محبت، تحمل و برداشت، بقائے باہمی اور رواداری کی تعلیم دیتا ہے بلکہ ایک دوسرے کے عقائد و نظریات اور مکتب و مشرب کا احترام بھی سکھاتا ہے ۔پاکستان کا آئین حکومت کو نفاذِ شریعت کا پابندی بناتا ہے۔ اِس سلسلہ میں حکومت شرعی نظام نافذ کرکے اپنی آئینی و اسلامی ذمہ داری پوری کرے۔مزید متعلقہ خبریں پڑھئیے :
پیر 18 مئی 2015 کی مزید خبریں
-
آفیشلز نہیں بھیج رہے لیکن سیریز انٹرنیشنل میچوں میں شمار ہو گی‘آئی سی سی
-
قومی ٹی ٹونٹی ٹورنامنٹ ،پہلے سیمی فائنل میں سیالکوٹ سٹالینز نے کراچی ڈولنز کو 65رنز، دوسرے سیمی فائنل میں لاہور لائنز نے راولپنڈی ریمز کو4وکٹوں سے شکست دے دی
-
زمبابوے کرکٹ ٹیم کا دورہ کامیاب رہاتو دیگر ممالک کی ٹیموں کی آمد کا راستہ کھل جائے گا، صوبائی وزیر داخلہ شجاع خانزادہ، زمبابوے کرکٹ ٹیم کی سیکورٹی کے معاملے پر تمام ادارے ایک پیچ پر ہیں، رانا مشہود ... مزید
-
ہم عوام کو جوڑ رہے ہیں، نفرتوں کے ہمالیہ کو گرانے کی ضرورت ہے، مالک بلوچ ، ایسا ماحول چاہتے ہیں جس میں ہر کوئی بلا خوف و خطر اپنی بات کر سکے اور ہر ایک کو ترقی کرنے کے یکساں مواقع میسر ہوں، ملک کی جمہوری ... مزید
-
چوہدری نثار آج کراچی جائیں گے،ڈی جی رینجر ز ، گورنر اور وزیر اعلی سندھ کے بعد اسماعیلی لیڈر سلطان الانہ سے بھی ملاقات کریں گے
-
وزارت خزانہ نے پاک چین اقتصادی راہداری منصوبے کی مانیٹرنگ کے لیے وزارت ریلوے کی 55کروڑ روپے جاری کرنے کی درخواست مسترد کر دی
-
بلوچ طلباء کیلئے پنجاب کے اداروں میں مختص نشستوں اور سکالرشپ کی فراہمی میں اضافہ کرینگے، شہباز شریف،حکومت پنجاب کی جانب سے کوئٹہ میں کارڈیالوجی انسٹی ٹیوٹ کی تعمیر کے منصوبے کا جلد آغاز کیا جائیگا، ... مزید
-
چترال ، آسمانی بجلی گرنے سے ایک ہی خاندان کے 3 بچوں سمیت 5 افراد جاں بحق
-
گرین لائن ٹرین سروس میں سہولیات کا فقدان ،حکومتی بلند و بانگ دعوؤں کی قلعی کھل کر سامنے آ گئی،مسافروں کے لئے تیار ناشتہ ریل گاڑی کا عملہ لے اڑا مسافر بھوکے رہنے پر مجبور
-
محکمہ صحت کی جانب سے تمام سرکاری ہسپتالوں میں استعمال ہونیوالا پانی مضر صحت قرار، صاف اور قابل استعمال بنانے کیلئے خصوصی طور پر اقدامات کرنے کی ہدایات
-
اسلا م آباد، نام پوچھنے پر پولیس آفیسر پر مولوی سمیت دیگر افراد نے گنیں تان لیں ،سنگین تنائج کی دھمکیاں،پولیس آفیسر پسینے سے شرابور جان بچا گیا
-
کراچی، دو موٹر سائیکل سواروں کے قتل میں ملوث پانچ پولیس اہلکار اور انکا انچارج گرفتار، چیک پوسٹ پر رکنے سے انکار پر دانش اور علی کو ہلاک کر دیا تھا
-
نصیرآباد ،سورج آگ برسانے لگا، بچے سمیت دو افراد جاں بحق، درجنوں مزدور کسان بیہوش
-
وفاقی پولیس کے اہلکار کی طوائف کے ساتھ رنگین محفل نے سوشل میڈیا پر دھوم مچا دی ،رنگین مزاج عاشق نے سرکاری شرٹ پیشہ ور عورت کو دیدی
-
سیالکوٹ، جعلی کر نسی پکڑی گئی، دو خواتین گرفتار
-
عراقی شہر رمادی پر دولتِ اسلامیہ کا قبضے کا دعوی ،سرکاری افواج کی پسپائی کی تصدیق ،عراقی وزیر اعظم کاافواج کو مورچے نہ چھوڑنے کا حکم
-
تعمیر نو کے لیے د وارب ڈالر کی ضرورت ہے، نیپالی وزیراعظم کی اپیل
-
انڈونیشیاء، غیرقانونی تارکینِ وطن ’کشتیوں میں کھانے پر جھگڑے میں100 ہلاک
-
مصر،فوجیوں پر حملہ کرنے والے چھ افراد کو پھانسی دیدی گئی، ایمنسٹی انٹرنیشنل نے عدالتی کارروائی کو ’انتہائی غلط‘ قرار دیدیا
-
یمنی صدر کا اقوام متحدہ کی قرارداد پرعمل درآمد کا مطالبہ
-
امریکا اور اتحادی ممالک کے عراق اور شام میں 18 فضائی حملے
-
مصری خواتین پر ترکی کے سفر پر پابندی
-
تاج محل عشقیہ نہیں‘ دینی جذبے سے بنا،تعمیر کے وقت 3 نشستوں میں 400 حافظ با آواز بلند تلاوت قرآن کیا کرتے تھے،رپورٹ
-
مسلمانوں کے خلاف تعصب،میانمار کا مسلمان پناہ گزینوں کے مسئلے پر منعقد ہنگامی اجلاس میں شرکت سے انکا ر،روہنجیا مسلمان پناہ گزینوں کی سمندر میں پھنسی کشتیوں کے ذمہ دار نہیں ،میانمار
-
کراچی میں دہشت گردی کی کارروائیوں میں “را” ملوث ہے ،قائم علی شاہ،سانحہ صفورا کے بعد استعفے کے مطالبے پر آج ا سمبلی میں پالیسی بیان دوں گا، دہشت گردوں کے پاس وہ ہتھیار ہیں جو پولیس اور فوج کے پاس ... مزید
-
راہداری منصوبہ روٹ میں کوئی تبدیلی نہیں کی گئی ، پارلیمانی کمیٹی کے ذریعے تحفظات دور کئے جائیں گے، پرویز ر شید،دہشت گردی کو جڑ سے اکھاڑ پھینکنا پاکستانی قوم کا عزم ہے ،دہشتگردوں سے آہنی ہاتھوں سے ... مزید
-
کارگل کا معرکہ عظیم فوجی فتح تھی جسے سیاسی شکست میں تبدیل کردیا گیا،مشرف، پاک فوج زیادہ طاقتور سے مقابلہ کرنے کی صلاحیت کھتی ہے ،عوام کو غرض نہیں ملک میں آمریت ہے یا جمہوریت ،ترقی و خوشحالی ہونی ... مزید
-
”شیوخ الحدیث کانفرنس“ میں شریک دو سو شیوخ الحدیث والقرآن ،مفتیان کرام اورجید علماء نے خود کش حملوں کو حرام قرار دیدیا،تحریکِ طالبان پاکستان، القاعدہ، داعش، بوکو حرام، الشباب اور اُن جیسی دوسری ... مزید
-
پاک چائنہ کوریڈور ہمہ جہتی منصوبہ ہے‘ سیاسی و عسکری قیادت کے باعث مسائل حل ہو رہے ہیں،مالک بلوچ،مشترکہ کاوشوں سے بلوچستان میں 40فیصد کرائم ریٹ کم ہو چکا‘ جہالت و غربت اہم مسائل ہیں، 5 میڈیکل کالج ... مزید
-
سانحہ صفورا ، حراست میں لئے گئے 2 چوکیداروں نے پولیس کو اپنا بیان ریکارڈ کرادیا،8دہشتگرد وں نے بس پر حملہ کیا، فائرنگ کرنے کے بعد 2 مختلف راستوں پر فرار ہوگئے؛ بیان
-
سانحہ صفورہ کراچی سمیت تمام خونی سانحات کے حقائق سامنے لانے کے لیے ”ٹروتھ کمیشن“ بنایا جائے‘ سراج الحق
-
عمران خان کولفظ” سازش“ کے علاوہ کچھ نہیں آتا،احسن اقبال، اقتصاری راہداری میں تبدیلی ثابت کر دی جائے تو سیاست چھوڑ دونگا،وفاقی وزیر منصوبہ بندی
-
آخری دہشت گرد کے خاتمے تک آپریشن ضرب عضب جاری رہے گا ،خواجہ آصف ،پاک فوج دہشت گردی کے مکمل خاتمہ کیلئے اہم کردار ادا کررہی ہے، جلسہ عام سے خطاب
-
حکومت نے آئندہ بجٹ میں ٹیکس نیٹ بڑھانے ، ایف بی آر کے اختیارات کم اور نجی شعبہ کو مزید مراعات دینے کا فیصلہ
-
محمد مرسی کی پھانسی کا فیصلہ مصری عوام کے لئے براشگون ہے،عمران خان، پاکستان میں بھی ذوالفقار علی بھٹو کو پھانسی دی گئی جس کی سزا آج تک پاکستانی قوم بھگت رہی ہے، پیغام
-
چوہدری سرور کی کنٹونمنٹ بلدیاتی انتخابات میں شکست کی تحقیقات سے معذرت، ذاتی مصروفیات کے سبب بلدیاتی انتخابات میں شکست کی تحقیقات کرنے سے معذرت کی ہے ۔ چوہدری سرور
-
لاہور: گھر میں آگ لگنے سے ایک ہی خاندان کے 6بچے جاں بحق،بچوں کی عمریں ڈیڑھ سے بارہ سال کے درمیان تھیں،بچوں کومقامی قبرستان میں سپردد خاک کر دیا گیا
-
حکومت عوام پرمہنگائی کا ایک اور بم گرانے کے لیے ، ٹیکس نفاذ کے بعد صارفین کو260ارب روپے اضافی ادا کرنا ہوں گے
-
پرویز خٹک کا سراج الحق کو فون، ملتان کے ضمنی الیکشن کیلئے حمایت مانگ لی، حمایت کا فیصلہ مشاورت سے کرینگے،سراج الحق کا جواب
-
ایف بی آر نے بینکنگ چینل کے ذریعے ترسیلات زر پاکستان بھجوانے پر دی جانے والی ٹیکس چھوٹ واپس لینے،بیرونی ممالک رکھی گئی دولت واپس لانے کیلئے کی تجاویزکا جائزہ لینا شروع کردیا
-
وزارت مذہبی امور نے ٹیکنیکل طریقے ” پارلیمنٹ حج کوٹہ“ بحال کردیا ، قرعہ اندازی ٹیکنیکل طریقے سے کی گئی، 3ہزار سے زائد ارکان پارلیمنٹ سرکاری حج کریں گے،ذرائع
-
جوڈیشل کمیشن نے آج مزید گواہوں کی طلبی بارے فہرست مرتب کر لی،حساس اداروں کے سربراہان اور سابق چیف جسٹس افتخار محمد چودھری سمیت 8 گواہ شامل جن پر رواں ہفتے یا اگلے ہفتے میں جرح کا آغاز کیا جا سکتا ہے ... مزید
-
جاوید ہاشمی کو ن لیگ کی طرف سے سینٹ کا ٹکٹ ملے تو انہیں سینیٹر بن جانا چاہئے، وہ اچھے سینیٹر ثابت ہوں گے ؛شاہ محمود قریشی
-
پاکستان افرادی قوت کی عالمی درجہ بندی میں 113 نمبر پر ہے،رپورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.