انسانی حقوق کے علمبردار بھارت میں عورت کا مقام گائے سے بھی گر گیا

ریاست اترکھنڈ میں شوہر نے بیڈ ٹی دینے پر انکار سے بیوی کی جان لے لی

بدھ 12 اپریل 2017 22:34

استنبول(اُردو پوائنٹ اخبار آن لائن۔ جمعرات 13 اپریل 2017ء) بھارتی شمالی ریاست اترکھنڈ میں شوہر نے بیڈ ٹی دینے پر انکار سے بیوی کی جان لے لی۔مقامی اخبار کی رپورٹ کے مطابق ریاست اترکھنڈ کے ضلع پاوری کے گاؤں کی رہائشی خاتون کی چیخیں سن کر اس کے پڑوسی گھر پہنچے تو اس کی لاش خون میں لت پت پڑی تھی جس پر پڑوسیوں نے پولیس کو اطلاع دی، پولیس نے مقتولہ کے 38 سالہ شوہر سنگیت سنگھ نیگی کو فرار ہونے کی کوشش کے دوران گرفتار کرلیا۔

(جاری ہے)

پولیس کے مطابق دونوں کی شادی 13 سال قبل ہوئی تھی اور ان کے 2 بچے بھی ہیں جو واردات کے دوران دوسرے کمرے میں موجود تھے۔پولیس کا کہنا ہے کہ ملزم بے روزگار تھا اور اس کی بیوی لوگوں کے گھروں میں کام کرکے گھر کا گزارا کرتی تھی، میاں بیوی میں اکثر لڑائی جھگڑا رہتا تھا اور سنگیت سنگھ اکثر اپنی بیوی پر تشدد کرتا تھا۔ پولیس کے مطابق واقعہ کے روز ملزم نے بیوی سے بیڈ ٹی لانے کو کہا جس سے انکار پر اس نے بیوی کو کمرے میں بند کرکے قینچی کے وار سے قتل کردیا جس سے خاتون موقعہ پر ہی ہلاک ہوگئی۔۔

Facebook Twitter Google + Share on Whatsapp

انسانی حقوق کے علمبردار بھارت میں عورت کا مقام گائے سے بھی گر گیا

ریاست اترکھنڈ میں شوہر نے بیڈ ٹی دینے پر انکار سے بیوی کی جان لے لی

جمعرات 13 اپریل 2017 کی مزید خبریں