استعمال شدہ کوکنگ آئل کو دوبارہ کھانے میں استعمال کرنے والوں کے خلاف سخت کاروائی کا فیصلہ

تمام ہوٹل اورریستوران آج سے استعمال شدہ آئل بائیو ڈیزل بنانے والی کمپنیوں کو فروخت کرنے کے پابند ہوں گے لاہور میں روزانہ 30سے 50ٹن استعمال شدہ کوکنگ آئل کسی نا کسی شکل میںدوبارہ کھانے میں استعمال کیا جاتا تھا۔ڈی جی فوڈ اتھارٹی

جمعہ 14 اپریل 2017 23:53

لاہور۔ (اُردو پوائنٹ اخبار آن لائن۔ ہفتہ 15 اپریل 2017ء)پنجاب فوڈ اتھارٹی نے استعمال شدہ کوکنگ آئل فروخت کرنے والے ہوٹل اور ریسٹورانوں کے خلاف سخت کاروائی کا فیصلہ کیا ہے اور اس سلسلے میں استعمال شدہ کوکنگ آئل صرف بائیو ڈیزل بنانے والی کمپنیوں کو فروخت کرنے کا پابند کیا گیا ہے ۔استعمال شدہ کوکنگ آئل کا بائیو ڈیزل بنانے کے علاوہ کسی بھی مقصد کے لیے استعمال مکمل بین کر دیا گیا ہے۔

اس سلسلے میںڈی جی فوڈ اتھارٹی نورالامین مینگل کا کہا تھا کہ پنجاب فوڈاتھارٹی کی طرف سے تمام ہوٹل اور ریستوران مالکان کو گزشتہ ماہ مطلع کیا گیا تھا کہ استعمال شدہ کوکنگ آئل اور گھی کی خرید کے لیے پنجاب فوڈ اتھارٹی بائیو ڈیزل بنانے والی کمپنیوں کو رجسٹر ڈ کر رہی ہے جن کی تفصیل پنجاب فوڈ اتھارٹی کے دفتر سے حاصل کی جا سکتی ہے۔

(جاری ہے)

سب کو مطلع کیا گیا تھا کہ ہوٹل اور ریسٹوران 15اپریل تک بائیو ڈیزل بنانے والی کمپنیوں سے معاہدے کر لیں۔

15اپریل کے بعداگر کسی ہوٹل یا ریستوران کے پاس استعمال شدہ تیل کی فروخت کا واضح لائحہ عمل اور ریکارڈ موجود نا ہو تواس کا لائسنس کینسل کرنے کے علاوہ سخت قانونی کاروائی عمل میںلائی جائے گی۔حتمی تاریخ کے بعد بائیو ڈیزل کے علاوہ استعمال شدہ آئل اور گھی کسی کو فروخت کرنا قانونا جرم ہو گا ۔ نورالامین مینگل کا مزید کہنا تھا کہ استعمال شدہ کوکنگ آئل کو دوبارہ کھانے پینے کے مقاصد میں استعمال کی متعدد شکایات تھیں۔

پنجاب فوڈ اتھارٹی نے سائنٹیفک پینل کی سفارشات، جدید ملکوں میں رائج طریقہ کار اور عالمی قوانین کے مطابق استعمال شدہ کوکنگ آئل صرف بائیو ڈیزل بنانے میں استعمال کرنے کی پابندی عائد کر دی ہے۔بائیو ڈیزل پٹرولیم کی ایک قسم ہے جو سستا ہونے کے ساتھ ساتھ ماحول دوست ہوتا ہے اور اس سے ماحولیاتی آلودگی کم پیدا ہوتی ہے۔ اس پابندی کے محرکات میں سے سب سے اہم انسانی بیماریوں کا مسئلہ ہے۔

استعمال شدہ خوردنی تیل کو دوبارہ کھانے میں استعمال کرنے سے کینسر، دل، معدے اور انتڑیوں کی بیماریاں پیدا ہوتی ہیں۔ ایک اندازے کے مطابق صرف لاہور میں روزانہ 30سے 50ٹن استعمال شدہ کوکنگ آئل پیدا ہوتا ہے جس کی زیادہ مقدار اس سے پہلے کسی نا کسی شکل میںدوبارہ کھانے میں استعمال کی جاتی تھی۔ استعمال شدہ آئل سے بائیو ڈیزل بنانے سے نا صرف انسانی صحت سے کھیلنے والوں کی حوصلہ شکنی ہو گی بلکہ سستا اور ماحول دوست ایندھن بھی حاصل کیا جا سکے گا جس سے ڈیزل کی درآمد پر خرچ ہونے والا ملکی زرمبادلہ کا ایک حصہ بچایا جا سکے گا۔

Facebook Twitter Google + Share on Whatsapp

مزید متعلقہ خبریں پڑھئیے‎ :

انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ

ہفتہ 27 اپریل 2024 - 23:31

ہفتہ 27 اپریل 2024 - 18:14

ہم سسٹم کے تابع ہوئے بغیر آگے نہیں بڑھ سکتے‘ جسٹس منصور علی شاہ

ہفتہ 27 اپریل 2024 - 18:02

ملک بھر میں سڑکوں اور فٹ پاتھ پر سے تجاوزات 3 دن میں ختم کرنے کا حکم

ہفتہ 27 اپریل 2024 - 17:11

کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب

جمعہ 26 اپریل 2024 - 20:42

بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری

جمعرات 25 اپریل 2024 - 21:06

استعمال شدہ کوکنگ آئل کو دوبارہ کھانے میں استعمال کرنے والوں کے خلاف سخت کاروائی کا فیصلہ

مزید متعلقہ خبریں پڑھئیے‎ :

متعلقہ عنوان :

ہفتہ 15 اپریل 2017 کی مزید خبریں