انسداد دہشت گردی، ترک پارلیمان نے نئے قوانین کی منظوری دے دی

پولیس12دن کسی مشتبہ فرد کو حراست میں رکھ سکے گی ساتھ ہی احتجاج اور اجتماع کی آزادی بھی محدود

جمعرات 26 جولائی 2018 16:29

انقرہ(اُردو پوائنٹ اخبار آن لائن۔ جمعرات 26 جولائی 2018ء)ترک پارلیمان نے انسداد دہشت گردی کے نئے قوانین کی منظوری دے دی،پولیس12دن تک کسی مشتبہ فرد کو حراست میں رکھ سکے گی ساتھ ہی احتجاج اور اجتماع کی آزادی بھی محدود ہو گی۔ غیر ملکی ذرائع کے مطابق ترک پارلیمان نے مکمل اکثریت کے ساتھ انسداد دہشت گردی کے نئے قوانین کی منظوری دے دی ہے۔

(جاری ہے)

ذرائع کے مطابق ان نئے قوانین کے تحت اداروں کو ویسے ہی اختیارات مل گئے ہیں، جیسے ہنگامی حالت کے نفاذ کے دوران انہیں حاصل تھے۔ اب پولیس بارہ دن تک کسی مشتبہ فرد کو حراست میں رکھ سکے گی۔ ساتھ ہی احتجاج اور اجتماع کی آزادی بھی محدود ہو گی۔ ترکی میں گزشتہ ہفتے ہی ایمرجنسی کا خاتمہ کیا گیا ہے۔ ترک پارلیمان میں قدامت پسند اے کے پی اور اس کی حلیف انتہائی قوم پرست جماعت ایم ایچ پی کی اکثریت ہے۔