تحریک انصاف کے مینڈیٹ کے حوالے سے تحفظات ہیں،خواجہ آصف

اس کے باوجود اپوزیشن جماعتوں سے مل کر پارلیمنٹ میں موثر اپوزیشن کرنا چاہیں گے میں عمران خان نہیںہوں جو پارلیمنٹ پر لعنت بھیجوں اور تنخواہ بھی لوں آج اے پی سی جو فیصلہ کرے گی وہ قابل قبول ہو گا ، نجی ٹی وی سے گفتگو

جمعہ 27 جولائی 2018 00:00

اسلام آباد(اُردو پوائنٹ اخبار آن لائن۔ جمعرات 26 جولائی 2018ء) سابق وزیر خارجہ خواجہ آصف نے کہا ہے کہ پاکستان تحریک انصاف کوملنے والے مینڈیٹ کے حوالے سے تحفظات ضرور ہیں لیکن اس کے باوجود دیگر جماعتوں سے مل کر پارلیمنٹ میں موثر انداز میں اپوزیشن کرنا چاہیں گے لیکن آج اے پی سی جو فیصلہ کرے گی وہ قابل قبول ہو گا۔

ایک نجی ٹی وی سے گفتگو کرتے ہوئے خواجہ آصف نے کہا کہ چھٹی مرتبہ رکن قومی اسمبلی منتخب ہوا ہوں پارلیمنٹ میری اساس ہے میں عمران خان نہیںہوں جو پارلیمنٹ پر لعنت بھیجوں اور تنخواہ بھی لوں اور ساتھ ہی اس میں آنے کے کا بھی خواہش مند ہوں انہوںنے کہا کہ ہم نے آنے والی نسلوں کو وراثت دینی ہے پارلیمنٹ کے اندر مضبوط اپوزیشن کا کردار ادا کریں گے ہم سیٹوں کے چکر میں نہیں پڑتے دیگر جماعتوں کے پاس بھی سیٹیں موجود ہیں ہم چاہیں گے کہ کوئی مشترکہ لائحہ عمل اپنا کر موثر اپوزیشن کا کردار اد کر یں کیونکہ مضبوط اپوزیشن ایک مضبوط پارلیمنٹ کے لئے اچھی ہوتی ہے اور ہماری بھی یہی کوشش ہے اور میں اس کے حق میںبھی ہوں تا ہم آج آل پارٹیز کانفرنس ہونے جا رہی ہے جس میں جو بھی لائحہ عمل دیا جائے گا میں اس کا حصہ ہوں گامیرے پی ٹی آئی کو ملنے والی اکثریت کے حوالے سے تحفظات ہیں ۔

(جاری ہے)

ایک اور سوال پر انہوںنے کہا کہ پارٹیوں کے بیانیہ کو کبھی پذیر آئی ملتی ہے اور کبھی یہ پارٹی کے اندر تک کی رہتا ہے لیکن یہ ہمارے بیانیہ کو ذبردست پذیر آئی ملی ہے جو آنے والے دنوں میں مزید ابھر کر سامنے آئے گا ۔