عمران خان کو یاد رکھنا ہو گا کہ وہ سیاست میں کیوں آئے تھے ‘ جمائما کی انتخابات میں کامیابی پر مبارکباد

22سال کی بے قدری، مشکلات اور قربانیوکے بعد میرے بیٹوں کے والد پاکستان کے نئے وزیر اعظم بننے جارہے ہیں

جمعرات 26 جولائی 2018 18:48

لاہور(اُردو پوائنٹ اخبار آن لائن۔ جمعرات 26 جولائی 2018ء) پاکستان تحریک انصاف کے سربراہ عمران خان کی سابق اہلیہ جمائما گولڈ اسمتھ نے عام انتخابات میں کامیابی پر اپنے سابق شوہر کو مبارکباد دی ہے۔جمائما نے ٹوئٹر پر عمران خان کو مبارکباد دیتے ہوئے کہا کہ 22سال کی بے قدری، مشکلات اور قربانیوں کے بعد میرے بیٹوں کے والد پاکستان کے نئے وزیر اعظم بننے جارہے ہیں۔

یہ استقامت ، یقین اور ہار نہ ماننے کا ایک غیرمعمولی سبق ہے۔

(جاری ہے)

لہٰذا اب عمران خان کے لیے چیلنج ہے انہیں یاد رکھنا ہوگا کہ وہ سیاست میں کیوں آئے تھے۔ بہت مبارک ہو عمران خان۔جمائما نے ایک اور ٹوئٹ کرتے ہوئے کہا مجھے یاد ہے عمران خان کا پہلا الیکشن جو 1997ء میں ہوا تھا۔ میں لاہور سے اپنے تین ماہ کے بیٹے سلیمان کے ساتھ عمران خان کی کال کا انتظار کررہی تھی۔ آخرکار عمران خان نے مجھے کال کی اور کہا کلین سوئپ ہوگیا ۔ پھر زوردار قہقہہ لگا کر بولے کہ مخالفیں کی طرف سے ۔واضح رہے کہ جمائما گولڈ اسمتھ برطانیہ میں ہونے کے باوجود ہر موقع پرعمران خان کی حوصلہ افزائی کرتی نظرآتی ہیں۔ ریحام خان کی کتاب منظر عام پر آنے کے بعد بھی جمائما نے عمران خان کا بھرپور ساتھ دیاتھا۔