فٹبال ورلڈکپ:پہلا راؤنڈ مکمل،برازیل کا طاقت کا بھرپور مظاہرہ
World Cup 1st Round Complete
دفاعی چیمپئن اٹلی اور رنراپ فرانس پہلے راؤنڈ میں باہر پرتگال ،ارجنٹائن اور برازیل ناقابل شکست،انگلینڈ اور جرمنی کا آج تاریخی ٹکراؤ
اتوار 27 جون 2010
(جاری ہے)
دوسرے راؤنڈ میں پہنچنے والی ٹیموں میں پرتگال واحد ٹیم ہے جس کے خلاف ابھی تک ایک بھی گول سکور نہیں ہوا۔ پرتگال نے کوریا کے خلاف سات گول کے مارجن سے فتح حاصل کی اور یہی کامیابی پرتگال کی دوسرے راؤنڈ تک رسائی کا سبب بنی۔
پرتگالی ٹیم کے سٹار کرسٹیانورونالڈو نے کوریا کیخلاف ایک گول سکور کیا لیکن باقی دومیچوں میں وہ گول سکور کرنے میں ناکام رہے۔گزشتہ روز کھیلا گیا برازیل اور پرتگال کاآخری لیگ میچ برابر رہا تاہم میچ کے دوران نظم و نسق کا فقدان نظرآیا اور ریفری نے میچ کے دوران آٹھ کھلاڑیوں کو ییلو کارڈ دکھائے۔پرتگال کے خلاف آخری لیگ میچ میں برازیلین سٹار کاکا گزشتہ میچ میں ریڈ کارڈ ملنے کی وجہ سے نہ کھیل سکے جس کا برازیلین ٹیم کو سخت نقصان پہنچا کیونکہ کاکا عصر حاضر کا نمبرون کھلاڑی ہے اور وہ نہ صرف گول کرنے کیلئے مواقع پیدا کرتا ہے جبکہ ساتھی کھلاڑیوں کو بھی ایسے پاسز دیتا ہے کہ جس پر یقینی گول ہوتے ہیں۔ پرتگال کے خلاف برازیلین ٹیم ایک بھی گول نہ کرسکی جس سے ظاہر ہوتا ہے کہ ٹیم کو کاکا کی عدم موجودگی کا نقصان پہنچا۔لیکن اس سب کے باوجود برازیل نے پہلے راؤنڈ میں اپنی طاقت کا بھر پور مظاہرہ کیا اور ماہرین کو دعوؤں کو سچ ثابت کردکھایا۔ پہلے مرحلے میں جرمنی اور انگلینڈ کی ٹیمیں بمشکل پری کوارٹرفائنل میں پہنچی ہیں اور آج دونوں ٹیمیں ایک دوسرے مدمقابل ہیں ۔ماہرین کی نظرمیں آج کا میچ ٹورنامنٹ کا سب سے بڑا میچ ہے کیونکہ دونوں ٹیمیں ہائی پروفائل ٹیمیں تصور کی جاتی ہیں۔پہلے میچ انگلش ٹیم نے سلوانیہ کو آخری میچ میں ایک گول سے شکست دیکر اپنی عزت بچائی جبکہ الجریا اور امریکہ کیخلاف میچز برابر ی پر ختم ہوئے۔انگلش ٹیم کی جانب سے پہلے راؤنڈ میں کپتان سیٹون جیراڈ نے شاندار کھیل پیش کیا جبکہ جان ٹیری ، فرنیک لمپارڈ ،جوئے کول ، پیٹرکورچ اوروائن رونی اپنے پرستاروں کو خوش نہ کرسکے۔آج کے میچ میں یورپ کی دو بڑی ٹیمیں ایک دوسرے کیخلاف صف آراء ہیں اور دونوں کے مابین ہمیشہ افادیت اور برتری کی جنگ رہی ہے ۔اس میچ کیلئے کسی بھی ایک ٹیم کو فیورٹ قرار نہیں دیا جاسکتا کیونکہ انگلینڈ بھی کمزور حریف کیخلاف جیتنے میں کامیاب نہ ہوسکا اور جرمنی کو سربیا کے ہاتھوں اپ سیٹ شکست کا سامنا کرنا پڑا۔ دونوں بڑے کھلاڑیوں سے لیس ہیں لیکن دونوں اطراف فارم کا فقدان ہے۔ جرمن ٹیم اپنے سٹرائیکر پوڈوسکی پر زیادہ انحصار کرتی ہے لیکن گھانا کیخلاف پوڈوسکی نے نہ صرف کئی بار فیلڈ گول کرنے کے مواقع ضائع کیے بلکہ پنالٹی شوٹر پر بھی وہ گیند کو جال میں نہ پہنچا سکے جس سے ظاہرہوتا ہے کہ پوڈوسکی کافی پریشر میں ہے اور انگلینڈ کیخلاف اُس پر پریشر مزید بڑھ جائیگا۔ پری کوارٹر فائنل مرحلے میں آج رات ارجنٹائن کا میکسیکو سے مقابلہ ہوگا ، میکسیکو نے پہلے مرحلے میں فرانس کوشکست دیکر خود کو مضبوط ٹیموں میں شامل کرالیا ہے تاہم ارجنٹائن کیخلاف میکسیکو کو کامیابی کیلئے سخت محنت کرنا ہوگی کیونکہ میراڈونا جیسے بڑے کوچ کی حکمت عملی کو پار کرکے میچ میں کامیابی حاصل کرنا خاصہ مشکل ہدف ہے۔ ارجنٹائن کے کپتان لیوئنل میسی بھی ابھی تک اپنے ٹیم کیلئے کوئی گول سکور نہیں کرسکے تاہم تینوں میچز میں میسی نے اپنے کھیل کے جوہر دکھا کر اپنی شہرت میں بے پناہ اضافہ کیا۔پری کوارٹرفائنلز میں 28جون کو ہالینڈ کو مقابلہ سلواکیہ اور برازیل کا مقابلہ چلی سے ہوگا۔پری کوارٹرفائنل مرحلے کے آخری روزپیراگوئے جاپان کیخلاف مدمقابل ہوگا اور آخری میچ میں فیورٹ پرتگال یوروچیمپئن سپین کا مقابلہ کریگی۔ پری کوارٹرفائنل مرحلے کے میچز کا آغاز ہوچکا ہے اور جوں جوں ورلڈکپ کے اختتام کے دن قریب آرہے ہیں میچز میں سنسنی بڑھتی جارہی ہے اور شائقین میں خوش و خروش میں بھی اضافہ ہورہا ہے۔ دلچسپ بات یہ ہے کہ فرانس اور اٹلی جیسی بڑی ٹیمیں جو گزشتہ ورلڈکپ میں فائنل میں پہنچی تھیں کے ورلڈکپ سے انخلاء کے باوجود ٹورنامنٹ عدم دلچسپی کا شکار نہیں ہوا بلکہ فٹبال فیور مزید بڑھ گیا ہے۔ پہلے راؤنڈ کے اختتام پر اگر ٹیموں کی قوت کا جائزہ لیا جائے تو برازیل سب سے نمایاں اور مضبوط ترین حریف کے روپ میں سامنے آیا ہے اور ممکن ہے کہ برازیل ٹورنامنٹ کے اختتام پر فاتح عالم کے روپ میں نکلے لیکن برازیل کو ٹائٹل کے حصول کیلئے پرتگال اور ارجنٹائن سے خطرہ ہے کیونکہ پرتگال کیخلاف برابر میچ کھیلنے کے بعد برازیل کیلئے پرتگال اور ارجنٹائن روکاٹ پیدا کرسکتے ہیں۔مزید مضامین :
ایک روزہ کرکٹ عالمی کپ2023 ء کی اہم خبریں اور ریکارڈز( آخری حصہ)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ2)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ1)
آسٹریلین اوپنر# ہیڈآن۔۔ٹریوس ہیڈ
"واریئر کپتان" کمنز # آسٹریلیا نے ورلڈ کپ جیت لیا
ڈیوڈ مِلر ## جنوبی افریقہ کے ﴾ " مِلر دِی کِلر" ﴿
گولڈن ہاک #ویرات کوہلی#کی گولڈن نوکس
گلین میکسویل کے بیٹ کی " میوزیکل ٹون" ۔۔"ویلڈن"
" فیبولیس فخر" | فخر پر" فخر" | "کرشنگ دِی بیٹ"
ورلڈ ٹیپ بال کرکٹ کونسل کا آغاز
گیبریلا سبا ٹینی ۔ ۔ ثانیہ مرزا | ٹینس میں اپنی پہچان
سر اینڈی مرے | برطانیہ کے نامور ٹینس کھلاڑی
مائیکل چانگ اور نومی اوساکا | ٹینس کے انفرادی کھلاڑی
سٹیفن ایڈبرگ اور میٹس وِلنڈر | سویڈن کے 2 اہم ٹینس کھلاڑی
ماریاشراپووا۔۔روس کی ''سکریمنگ سنڈریلا''۔۔ٹینس کھلاڑی
وینس ولیمز ۔۔امریکن ٹینس کھلاڑی
أنس جبیر۔افریقن عرب مسلمان ٹینس کھلاڑی "منسٹر آف ہپی نیس"
بورس بیکر۔جرمن ٹینس چیمپئین | منفرد کھیل کے انداز کا مالک
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
عامر اطلس ورلڈ سکواش لیول-II کے سرٹیفائیڈ کوچ بن گئے
-
انگلش پریمیئر فٹ بال لیگ ، کرسٹل پیلس نے مانچسٹر یونائیٹڈ کو 0-4 گول سے ہرا دیا
-
بنگلہ دیش اور بھارت کی خواتین ٹیموں کے درمیان پانچواں اور آخری ٹی ٹونٹی کرکٹ میچ 9 مئی کو کھیلا جائے گا
-
آئی پی ایل، ممبئی انڈینز نے سن رائزرز حیدرآباد کو 7 وکٹوں سے ہرا دیا
-
ایشین جوجٹسو چیمپئن شپ: پاکستان کا ایک گولڈ، دو برانز میڈلز
-
دورہ آئرلینڈ اور انگلینڈ، قومی ٹیم دبئی پہنچ گئی