ورلڈکپ 1996ء ، سری لنکا نے ٹائٹل جیت کر سب کو حیران کردیا
De Silva Stuned Aussies
دفاعی چیمپئن پاکستان کوارٹرفائنل میں بھارت سے 39رنز سے ہار گیا،وسیم اکرم پر جوئے کا الزام لگا کھلاڑیوں کے گھروں پر پتھراؤ،ویسٹ انڈیز اورآسٹریلیا کا کولمبومیں میچز کھیلنے سے انکار
اعجاز وسیم باکھری پیر 9 فروری 2015
ورلڈکپ 1996ء پاکستانی شائقین کیلئے آج بھی تلخ یادوں سے بھرپور ایونٹ ہے۔ پاکستان ٹورنامنٹ کا دفاعی چیمپئن تھا اور ایونٹ کا میزبان ہونے کی وجہ سے پاکستان کو فیورٹ ٹیم کا درجہ بھی حاصل تھا لیکن کوارٹرفائنل میں بھارت کے ہاتھوں شکست نے قومی شائقین کو سکتے میں ڈال دیا۔کرکٹ کی تاریخ کا چھٹا عالمی کپ دوسری بار ایشیا میں منعقد ہوا۔اس بار میگاایونٹ کی میزبانی پاکستان، بھارت اور سری لنکا نے کی جبکہ ایونٹ کا فائنل قذافی سٹیڈیم لاہور میں کھیلا گیا۔1996ء کے کرکٹ ورلڈکپ میں 9ٹیسٹ ٹیموں کے علاوہ آئی سی سی ٹرافی میں عمدہ کھیل پیش کرنیوالی تین کوالیفائیڈ ٹیموں کوبھی شرکت کا موقع دیا گیا ان میں متحدہ عرب امارت ، ہالینڈ اور کینیا کی ٹیمیں شامل تھیں۔تمام ٹیموں کودو گروپ میں تقسیم کیا گیا ، گروپ اے میں بھارت ، آسٹریلیا ،سری لنکا، ویسٹ انڈیز ،زمبابوے اور کینیا کی ٹیمیں شامل تھیں جبکہ گروپ بی پاکستان ، جنوبی افریقہ ، انگلینڈ ،نیوزی لینڈ ،ہالینڈ اور متحدہ عرب امارات پرمشتمل تھا۔
(جاری ہے)
ورلڈکپ کی تاریخ میں پہلی بار کوارٹر فائنل رکھے گئے اور اولین بار تھرڈ امپائرز کا استعمال ہوا۔سیکورٹی کوجواز بناکر آسٹریلیا اور ویسٹ انڈیز نے اپنے راؤنڈ میچز سری لنکا میں کھیلنے سے انکار کردیا جس پر میزبان ٹیم کو دونوں میچز میں واک اوور مل گیا۔ٹورنامنٹ کی سب سے بڑی اننگز جنوبی افریقی بلے باز گیری کرسٹن نے ناقابل شکست188رنز کی صورت میں یواے ای کیخلاف کھیلی۔پاکستان نے یواے ای اور ہالینڈ کیخلاف کامیابی حاصل کرکے اپنی مہم جوئی کا فاتحانہ آغاز کیا جبکہ انگلینڈ کیخلاف بھی تاریخی کامیابی حاصل کی۔ٹورنامنٹ کا سب سے بڑا ٹوٹل سری لنکا نے کینیا کیخلاف398 رنز کی شکل میں تشکیل دیا ۔پاکستان نے اپنے آخری گروپ میچ میں نیوزی لینڈ کوشکست دیکر کوارٹرفائنل میں بھارت کیخلاف خود کو لاکھڑا کیا۔
پہلے کوارٹرفائنل میں سری لنکا نے انگلینڈ کو شکست دیکر اپنے خطرناک عزائم ظاہر کیے جبکہ دوسرے کوارٹرفائنل میں روایتی حریف بھارت نے پاکستان کو 39رنز سے شکست دیکر سیمی فائنل کیلئے کوالیفائی کیا۔بنگلور میں ہونیوالے اس میچ میں پاکستانی کپتان وسیم اکرم زخمی ہونے کیو جہ سے اہم معرکے سے دستبردار ہوگئے جس کا عوامی سطح پر شدید ردعمل آیا۔پاکستانی ٹیم کو چونکہ دفاعی چیمپئن تھی اور بھارت کیخلاف شکست پر شائقین نے سخت غصہ کا اظہار کیا اور کھلاڑیوں کے گھروں پر پتھراؤ کیا۔ میچ میں وقاریونس اپنے سے وابستہ توقعات پوری نہ کرسکے جبکہ عامرسہیل پرساد کیخلاف آنکھ مچولی کے دوران بولڈ ہوگئے جس کی وجہ سے پاکستان کو شکست سے دورچار ہونا پڑا۔ سلیم ملک اور جاوید میانداد نے قدرے مزاحمت کی اوردونوں نے بالترتیب 38،38رنز بنائے لیکن یہ دونوں بیٹسمین بھی اپنی ٹیم کو کامیابی نہ دلاسکے۔ دیگرکوارٹرفائنلز میں آسٹریلیا نے نیوزی لینڈ اور ویسٹ انڈیز نے ساؤتھ افریقہ کو مات دی۔ ایڈن گارڈنز کولکتہ میں کھیلے گئے پہلے سیمی فائنل میں سری لنکا نے میزبان بھارت کو تاریخ شکست دیکر پورے ہندوستان کو سکتے میں مبتلا کردیا۔ سری لنکا نے پہلے کھیلتے ہوئے 252رنز کا ٹارگٹ دیاجواب میں بھارتی بیٹسمین ریت کی دیوار ثابت ہوئے اور جب 120رنز پر 8وکٹیں گرچکی تھیں تو تماشائیوں نے سٹیڈیم میں ہنگامہ شروع کردیا جس کو پولیس کنٹرول کرنے میں ناکام رہی اور میچ کافی دیر رکھا رہا ، طویل انتظار کے باوجود بھی صورتحال بہترنہ ہونے پر میچ ریفری نے سری لنکا کو فاتح قرار دیدیا۔دوسرے سیمی فائنل میں آسٹریلیا اورویسٹ انڈیز کے مابین گھمسان کی جنگ دیکھنے کو ملی اور آخرکار آسٹریلوی ٹیم پانچ وکٹوں سے جیت کر فائنل میں پہنچنے میں کامیاب ہوگئی۔ورلڈکپ 1996ء کا فائنل لاہور قذافی سٹیڈیم میں کھیلا گیا اور فائنل معرکے میں آسٹریلیا اور سری لنکا کی ٹیمیں مدمقابل آئیں۔عالمی کپ کا فائنل یکطرفہ مقابلہ ثابت ہوا اور توقع کے برخلاف سری لنکن ٹیم نے آسٹریلیا کو آؤٹ کلاس کرتے ہوئے پہلی بار کرکٹ کا عالمی کپ جیتا۔ فائنل میچ میں اروندا ڈی سلوا اور کپتان رانا ٹنگا نے شاندار بیٹنگ کی اور آسٹریلوی باؤلرز کی ایک نہ چلنے دی۔ ڈی سلوا کو مین آف دی میچ قرار دیا گیا جبکہ فائنل میچ کی مہمان خصوصی اس وقت کی پاکستان کی وزیراعظم شہید محترمہ بینظیربھٹوتھیں جنہوں نے سری لنکن قائد ارجنا رانا ٹنگا کو عالمی کپ کی ٹرافی تھمائی۔
مزید مضامین :
ایک روزہ کرکٹ عالمی کپ2023 ء کی اہم خبریں اور ریکارڈز( آخری حصہ)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ2)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ1)
آسٹریلین اوپنر# ہیڈآن۔۔ٹریوس ہیڈ
"واریئر کپتان" کمنز # آسٹریلیا نے ورلڈ کپ جیت لیا
ڈیوڈ مِلر ## جنوبی افریقہ کے ﴾ " مِلر دِی کِلر" ﴿
گولڈن ہاک #ویرات کوہلی#کی گولڈن نوکس
گلین میکسویل کے بیٹ کی " میوزیکل ٹون" ۔۔"ویلڈن"
" فیبولیس فخر" | فخر پر" فخر" | "کرشنگ دِی بیٹ"
ورلڈ ٹیپ بال کرکٹ کونسل کا آغاز
گیبریلا سبا ٹینی ۔ ۔ ثانیہ مرزا | ٹینس میں اپنی پہچان
سر اینڈی مرے | برطانیہ کے نامور ٹینس کھلاڑی
مائیکل چانگ اور نومی اوساکا | ٹینس کے انفرادی کھلاڑی
سٹیفن ایڈبرگ اور میٹس وِلنڈر | سویڈن کے 2 اہم ٹینس کھلاڑی
ماریاشراپووا۔۔روس کی ''سکریمنگ سنڈریلا''۔۔ٹینس کھلاڑی
وینس ولیمز ۔۔امریکن ٹینس کھلاڑی
أنس جبیر۔افریقن عرب مسلمان ٹینس کھلاڑی "منسٹر آف ہپی نیس"
بورس بیکر۔جرمن ٹینس چیمپئین | منفرد کھیل کے انداز کا مالک
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انٹرنیشنل کراٹے چمپئن شاہ زیب رند کی ڈپٹی سپیکر بلوچستان اسمبلی سے ملاقات
-
پہلا ویمنز ٹی ٹوئنٹی انٹرنیشنل، ویسٹ انڈیز نے پاکستان کو ایک رن سے ہرادیا
-
ہلال احمرپاکستان کی خدمات اور جذبہ خیر سگالی قابل ستائش ہے،مراکشی سفیر
-
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
-
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
-
آئی پی ایل، پنجاب کنگز کی کولکتہ نائٹ رائیڈرز کے خلاف تاریخی فتح، 262 رنز کا بڑا ہدف 2 وکٹوں کے نقصان پر حاصل کرلیا