- Home
- Business
- Business News
- او آئی سی سی آئی ممبران کی گزشتہ ایک سال میں2.7ارب ڈالر کی سرمایہ کاری غیر ملکی سرمایہ کاروں ..
او آئی سی سی آئی ممبران کی گزشتہ ایک سال میں2.7ارب ڈالر کی سرمایہ کاری غیر ملکی سرمایہ کاروں کے اعتماد کا اظہار ہے، صدر
جمعرات 18 اکتوبر 2018 18:15
(جاری ہے)
ان خیالات کا اظہار او آئی سی سی آئی کے صدر عرفان وہاب اور او آئی سی سی آئی کے جنرل سیکریٹری عبدالعلیم نے کراچی میں میڈیا سے گفتگو کے دوران کیا۔
اس موقع پر میڈیا کے نمائندوں کو ملک میں غیر ملکی سرمایہ کاری کے فروغ کیلئے او آئی سی سی آئی کے کردار ، ملک کی موجودہ اقتصادی ترقی اور مجموعی کاروبار ی ماحول کے بارے میں او آئی سی سی آئی کا نقطہ نظر بھی پیش کیا گیا۔ اس موقع پر او آئی سی سی آئی کے صدر عرفان وہاب نے ملک میں غیر ملکی سرمایہ کاری کی تنزلی پر مایوسی کااظہار کرتے ہوئے کہاکہ او آئی سی سی آئی کے ممبران کو ملک میں اپنے آپریشنز کے تجربے کی روشنی میںپاکستان کی اقتصادی صلاحیت پر مکمل اعتماد ہے۔ او آئی سی سی آئی نے اس سال مئی میں جاری کئے گئے بزنس کانفیڈنس انڈیکس سروے ویو 16 (wave 16) کے اہم اعدادو شمارپیش کرتے ہوئے کہاکہ ملک میں مجموعی طورپر بزنس کانفیڈنس اسکور میں 14فیصد کمی ریکارڈ کی گئی تھی ۔ تاہم صرف او آئی سی سی آئی کے ممبران کا بزنس کانفیڈ نس اسکور نمایاں طور پر 38فیصد مثبت تھا جوکہ غیر ملکی سرمایہ کاروں کے مثبت جذبات کا ایک مضبوط پیغام ہے۔ او آئی سی سی آئی کا2017 کا پرسیپشن سروے (Perception Survey) بھی او آئی سی سی آئی کے ممبران کے مثبت جذبات کی عکاسی کرتا ہے۔ اس سروے میںاو آئی سی سی آئی کے 70فیصد سے زائد ارکان نے ملک میں مزید سرمایہ کاری کرنے کااظہارکیا تھااور نئے غیر ملکی سرمایہ کار وں کوپاکستان میں موجود سرمایہ کاری کے مواقعوںسے فائدہ اٹھاتے ہوئے سرمایہ کاری کامشورہ دیا تھا۔او آئی سی سی آئی کے صدر نے خبردار کرتے ہوئے کہاکہ او آئی سی سی آئی کے مثبت کاروباری جذبات اور احساسات کا انحصار ان توقعات پر ہے کہ حکومت جلد ہی برآمدات بڑھانے کیلئے عملی اقدامات ، تجارتی خسارے میں کمی اور ادائیگیوں کے توازن ، براہِ راست غیر ملکی سرمایہ کاری اور مقامی سرمایہ کاری کو راغب کرنے کیلئے ترقی پسند اقتصادی اور تجارتی حکمتِ عملی کا اعلان کرے گی جو معیشت کی بحالی اور ملکی اقتصادی ترقی کو دبارہ ٹریک پر لانے کیلئے نہایت اہم ہیں ۔ عرفان وہاب نے کہا کہ ماضی میں ملک میں کل جی ڈی پی کے تناسب سے صرف ایک فیصد تک غیر ملکی سرمایہ کاری ہوئی ہے جبکہ ملک میں غیر ملکی سرمایہ کاری کو کل جی ڈی پی کے تین فیصد تک بڑھانے کی صلاحیت موجود ہے۔او آئی سی سی آئی کی موجودہ حکومت سے توقعات کے بارے میں عرفان وہاب نے کہاکہ او آئی سی سی آئی کو امید ہے کہ موجودہ حکومت ایک بہتر گورننس اسٹرکچر، ورلڈ بینک کے ایز آف ڈوئنگ بزنس پیرامیٹرز میں پاکستان کی پوزیشن کو بہتربنانے کیلئے ٹھوس اقدامات، زیادہ ٹیکس جمع کرنے کے ذریعے مضبوط اقتصادی ترقی کی ضمانت، ٹیکس بیس کو توسیع دینے کیلئے ٹیکنالوجی کا موئثر استعمال، احتساب اور کلیدی حکومتی اداروں میں بہتری کیلئے اقدامات کرے گی۔ انہوں نے مزید کہا کہ زراعت، توانائی اور پانی کے وسائل میں تحقیق اور ڈیجیٹائزیشن کے ذریعے ملکی پیداوار میں اضافے کے وسیع مواقع موجود ہیں۔ او آئی سی سی آئی کے صدر نے مزید وضاحت کرتے ہوئے کہاکہ ملک میںنئی سرمایہ کاری کوراغب کرنے، اعتماد کو فروغ دینے اور خاص طور پر پاکستانی نوجوانوں میں کامیابی کے کلچرکو فروغ دینے کیلئے او آئی سی سی آئی کے ارکان کی طرح کی ملکی کامیابیوں کی تشہیر بھی ضروری ہے ۔انہوں نے کہاکہ او آئی سی سی آئی کے ممبران غیر ملکی کاروباری وفود کے دوروں کے دوران اور سینئر سفارتکاروں، میڈیا اور بین الاقوامی فورمز پر پاکستان میں موجود سرمایہ کاری کے مواقعوں اور غیر ملکی سرمایہ کاری کی کامیاب داستانوں کو باقاعدگی کے ساتھ اجاگر کرتے ہیں۔ پاکستان میں موجود سرمایہ کاری کے مواقعوں کے بارے میں بات کرتے ہوئے او آئی سی سی آئی کے جنرل سیکریٹری عبدالعلیم نے کہاکہ20کروڑ سے زائد آبادی اور 7کروڑ مضبوط مڈل کلاس کے ساتھ پاکستان سرمایہ کاروں کیلئے آئیڈیل ملک ہے۔ مثال کے طورپر بہت سے بین الاقوامی اداروں نے پاکستانی ریٹیل مارکیٹ کا جائزہ لیا ہے اور تقریباً 150ارب ڈالر مالیت کے ساتھ پاکستان دنیا میں تیزی سے بڑھتی ہوئی مارکیٹوں میں سے ایک ہے ۔ عبدالعلیم نے بتایاکہ منفی خبروں کے باجود اس میں کوئی حیرانگی کی بات نہیں ہے کہ پاکستان طویل المدّتی غیر ملکی سرمایہ کاری کیلئے غیر ملکی سرمایہ کاروں کے ریڈار پر ہے۔ ایچ ایس بی سی کی حالیہ رپورٹ کا حوالہ دیتے ہوئے انہوں نے کہاکہ پاکستانی معیشت 2030تک دنیا کی ٹاپ 6بڑھتی ہوئی عالمی معیشتوں میں سے ایک ہوگی ۔ اس رپورٹ کی دیگرممتاز بین الاقوامی ایجنسیز نے بھی توثیق کی ہے۔ او آئی سی سی آئی پاکستان میں 200سے زائد غیر ملکی سرمایہ کاروں کی باڈی ہے جو 90ارب ڈالر سے زائد اثاثوں کے مالک ہیں اور تقریباً ملک کے مجموعی ٹیکس کلیکشن میں ایک تہائی حصہ اداکرتے ہیں۔ او آئی سی سی آئی کے ممبران میں فارچیون 500کمپنیوں کی 50ذیلی کمپنیاں شامل ہیں اور او آئی سی سی آئی کے 55اراکین پاکستان اسٹاک ایکسچینج میں لسٹڈ ہیں۔Browse Latest Business News in Urdu
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس ..
پاکستان مواقع سے مالامال اور مزید مضبوط ہونے کی بھرپور صلاحیت رکھتا ہے، سفیر نیدرلینڈز
سونے کی قیمتوں میں اضافے کا رجحان برقرار
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
ایس ای سی پی نے نیا آن لائن کمپلینٹ مینجمنٹ سسٹم ایس ای سی پی ایکس ایس متعارف کروا دیا
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
پاکستان معلومات کے تبادلے اور ڈیٹا کو حفاظت کے ساتھ خفیہ رکھنے کے لئے پر عزم ہے، ڈائریکٹر جنرل انٹرنیشنل ..
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
عالمی اور مقامی مارکیٹوں میں سونے کی قیمت میں مزید اضافہ
وزیراعظم میاں شہباز شریف بزنس کمیونٹی کے مسائل کو سمجھتے ہیں اور اس کو حل کرنے کا تجربہ بھی رکھتے ہیں؛ ..
پاکستان۔یو ایس ٹریڈ اینڈ انویسٹمنٹ فریم ورک ایگریمنٹ کا ساتواں اجلاس، تجارت اور سرمایہ کاری سے متعلق ..
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
ملک میں دالوں کی درآمدات میں جاری مالی سال کے دوران کمی
بیلا روس میں منعقد ہونے والی عالمی تجارتی نمائش میں شرکت کے لئے7مئی تک درخواستیں طلب
پاکستان سٹاک ایکسچینج میں تیزی، 100 انڈیکس72 ہزار445پوائنٹ کی نفسیاتی حد عبور کرگیا
پاکستان اورچین کے درمیان دوطرفہ تجارت کے حجم میں جاری مالی سال کے دوران نمایاں اضافہ ، ریکارڈ
ملک میں ضروری اشیاء کی قیمتوں میں ہفتہ واربنیادوں پر1.10 فیصدکی کمی، سالانہ بنیادوں پر26.94 فیصد اضافہ
فیصل آبا د اور ازبکستان کی سرحد پر واقع قازقستان کے شہر شیمکنت کو جڑواں شہر قرار دیدیا گیا
برائلرگوشت اورفارمی انڈوں کے نرخ
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
PSX Live Index
Updated: 12:30:01am | 27-04-2024
Status: Closed | Volume: 541,144,650 |
---|
KSE100 Index |
---|
Current |
High |
Low |
Change |
* LDCP represents Last Day Close Price
View Full Summary