ایف بی آر ، ٹیکس کولیکشن کے نام پر ہراساں نہ کرے،ملک شاہد سلیم

M ٹیکس نیٹ کو بڑھایا جائے نئے سیکٹرز کو ٹیکسوں کے دائرہ کار میںلایا جائے خوف کی فضا ختم کی جائے، جو ٹیکس دے رہا ہے اسی کو نوٹس مل رہے ہیں ،صدر راولپنڈی چیمبر آف کامرس

ایف بی آر ، ٹیکس کولیکشن کے نام پر ہراساں نہ کرے،ملک شاہد سلیم
راولپنڈی (اُردو پوائنٹ اخبارتازہ ترین۔ 14 مارچ2019ء)راولپنڈی چیمبر آف کامرس کے صدر ملک شاہد سلیم نے کہا ہے کہ ایف بی آر ، ٹیکس کولیکشن کے نام پر ہراساں نہ کرے ٹیکس نیٹ کو بڑھایا جائے نئے سیکٹرز کو ٹیکسوں کے دائرہ کار میںلایا جائے خوف کی فضا ختم کی جائے چیمبر میں اجلاس سے خطاب کرتے ہوئے انہوں نے کہا کہ چیمبر نے وزیراعظم عمران خان، وزیر خزانہ اسد عمر اور تمام متعلقہ فورمز پر متعدد بار یہ معاملہ اٹھایا تھا کہ پہلے سے موجود ٹیکس کنندگان کو تنگ نہ کیا جائے وزیر اعظم عمران خان نے چیمبرز صدور کانفرنس میں واضح پیغام بھی دیا تھا کہ ایف بی آر معاملات ٹھیک کرے نہیں تو نئی ایف بی آر بنا دی جائے گی ہمیں لگتا ہے کہ انہوں نے اس کو سیریس نہیں لیا ایف بی آر حکام دکانوں اور دفاتر پر چھاپے مار رہے ہیں عملہ کمپیوٹر ز اور ریکارڈ اٹھا کر لے جاتا ہے ٹیکس دہندگان اور تاجر تنظیمیں چیمبر سے رجوع کر رہی ہیں انہوںنے کہا کہ پچھلے 5 سال میں محصولات کا ہدف4 گنا ہو چکا ہے یہ سب تاجر برادری کی جانب سے ممکن ہوا ہے یہ افسوس ناک بات ہے کہ جو ٹیکس دے رہا ہے اسی کو نوٹس مل رہے ہیں اور اسی کا آڈٹ بھی ہو رہا ہے یہ قابل تشویش بات ہے ٹیکس دہندگان کی عزت نفس کو مجروع کیا جا رہا ہے ہمارا حکومت سے مطالبہ ہے کہ نان فائلرز پر سختی کی جائے ہونا تو یہ چاہیے کہ محکموں کو نئے ٹیکس گزار تلاش کرنے کا ہدف دیا جاتا جبکہ صورتحال یہ ہے کہ ایف بی آر کو زیادہ ٹیکس اکٹھا کرنے کا ہدف دیا جاتاہے جس کی وجہ سے عملہ اپنے اختیارات سے تجاوز کرتا ہے انہوں نے کہا کہ ملکی معیشت پہلے ہی غیر یقینی کا شکار ہے انہوں نے وزارت خزانہ اور ایف بی آر سے مطالبہ کیا کہ ٹیکس کنندگان کو عزت دی جائے اور خوف و ہراس کا ماحول ختم کیا جائے نادرا کے ریکارڈ کے مطابق 3 ملین سے زائد لوگ ٹیکس نیٹ سے باہر ہیں ایف بی آر پہلے ان کو پکڑے انہوں نے امید ظاہر کی کہ ہمارے اس انتباہ کے بعد حالات میں بہتری آئے گی خوف و ہراس کی فضا ختم کرنے کی جانب اقدامات کئے جائیں گے اگر حالات میں بہتری نظر نہ آئی تو راولپنڈی کی تمام تاجر تنظیمیں چیمبر کے ساتھ مل کر اپنے لائحہ عمل کا اعلان کریں گی اس موقع پر گروپ لیڈر سہیل الطاف ، سینئر نائب صدر محمد بدر ہارون، نائب صدر فیاض قریشی، سابق صدور، مجلس عاملہ کے اراکین اور تاجر نمائندے بھی موجود تھے۔

Your Thoughts and Comments