اقتصادی راہداری منصوبہ صرف اقتصادی نہیں بلکہ دفاعی کامیابی ہے٬مولانا امیر حمزہ

راولپنڈی(اُردو پوائنٹ اخبارتازہ ترین - آن لائن۔ 04 نومبر2016ء) تحریک حرمت رسول ﷺ کے کنوینیروجماعة الدعوة کے مرکزی رہنما مولانا امیر حمزہ نے کہا ہے کہ چائنہ اقتصادی راہداری کا منصوبہ صرف اقتصادی نہیں بلکہ دفاعی کامیابی ہے چین دفاع میں پہلے سے بڑھ کر ساتھ دے گا یہ آپریشن ضرب عضب کی کامیابی کی وجہ سے ہی ممکن ہوا۔انڈین فوج مقبوضہ کشمیر میں مسلمانوں کا قتل عام کررہی ہے جبکہ کنٹرول لائن پر فائرنگ کرکے آزاد کشمیر کے شہریوں کو بھی شہید کررہی ہے۔

(جاری ہے)

اقوام متحدہ میں وزیر اعظم کی تقریر اچھی تھی مگر انہوں نے بھارت کی دہشت گردی٬ گجرات کے قصائی مودی اور کلبوشن کا کوئی ذکر نہیں کیالاالہ الااللہ کے رشتہ کی بنیاد پر ہمیں کشمیریوں کی ہر ممکن مدد کرنی چاہئے کشمیر ایشو پر سب سیاسی قیادت کو ایک ہوجانا چاہئے ان خیالات کا اظہار انہوں نے جامع مسجد القدس میں پریس کانفرنس کرتے ہوئے کیا اس موقع پر ان کے ساتھ جماعة الدعوة راولپنڈی کے مسئول مولانا عبدالرحمن اور ابو طلحہ بھی ان کے ہمراہ تھے مولانا امیر حمزہ نے کہا کہ چائنہ اقتصادی راہداری کے منصوبے کی مخالفت امریکا اور خاص طور پر انڈیا نے کی مودی نے چینی صدر کے سامنے شکوہ بھی کیا لیکن ان کے تمام منصوبے ناکام ہو گئے الحمدللہ اب گوادر میں جہاز لگ رہے ہیں اور دوسری سمت کاشغر چین سے کنٹینر راہداری پر گوادر کی جانب رواں دواں ہوگئے ہیں کلبھوشن کی طرح را کے مزید نیٹ ورک کوبے نقاب کیا جو بھارتی سفارت خانے میں بیٹھ کر پاکستان میں دہشت گردی کروا رہے تھے پاکستان کو بھارت کا دہشت گردی والا چہرہ دنیا بھر کے سامنے لانا چاہئے انڈیا آبی جارحیت کررہا ہے چین نے ڈیم بنا کر پانی روک کر بھارت کو پیغام دیا کہ اگر پاکستان کا پانی بند کیا تو ہم تمھارا پانی روک دیں گے ٬چین اور پاکستان کے تعلقات کے بعد حالات ایسے ہوگئے ہیں کہ بھارت کو اب کشمیر چھوڑنا پڑے گا امیر حمزہ نے کہا کہ کشمیری اٹھ کھڑے ہوئے ہیں انہیں یو این فریڈم فائٹر سمجھ کر حق دیتا ہے کہ وہ ازادی کے کیے کچھ بھی کرسکتے ہیں 22 کروڑ دلتوں کی آنکھوں میں بھی اب بغاوت نظر آرہی ہے 7 سسٹر میں بھی آزادی کی تحریکیں ہیں بیسیوں ریاستوں میں آزادی کی تحریکیں چل رہی ہیں بھارت نے پالیسی نہ بدلی تو مودی انڈیا کا گوربا چوف ثابت ہوگاانہوں نے کہا کہ پٹھان کوٹ کا مقدمہ گوجرانوالہ میں درج ہوا ہمیں یہ پالیسی بدلنی ہوگی کشمیر اس وقت دنیا بھر میںاجاگر ہواکشمیر میں جنازوں میں لاکھوں لوگ شریک ہورہے ہیں صرف برہان وانی کے جنازے میں 6 لاکھ سے زائد افراد شریک ہوئے حریت رہنماوں کی گرفتاریاں٬ یسین ملک کے ساتھ جو سلوک ہواپاکستان کو کشمیر کے وکیل کی حیثیت سے اپنا کردار بھرپور طریقے سے ادا کرنا چاہیے انہوں نے کہا کہ جماعت الدعوہ امن چاہتی ہے اگر انڈیا پرامن طریقے سے کشمیر میں رائے شماری کروائے تو وہ اقتصادی راہداری سے فائدہ اٹھا سکتا ہے اگر انڈیا نہ سمجھا تو پھر انڈیا نہ خطے سے بھاگ سکتا ہے اور اس کی غربت ختم ہوگی۔