لوگ حوالہ اور ہنڈی سمیت مختلف طریقوں سے رقوم باہر لے جاتے ہیں‘ گورنر سٹیٹ بینک کا انکشاف

اسلام آباد (اُردو پوائنٹ اخبارتازہ ترین - آن لائن۔ 22 فروری2017ء) گورنر اسٹیٹ بینک آف ٰ پاکستان اشرف و تھرا نے انکشاف کیا ہے کہ لوگ حوالہ اور ہنڈی سمیت مختلف طریقوں سے رقوم باہر لے جاتے ہیں‘ البتہ اسٹیٹ بینک نے آج تک کسی فرد کو بیرون ملک جائیداد خریدنے کی اجازت نہیں دی۔ ان خیالات کا اظہار قومی اسمبلی کی قائمہ کمیٹی برائے خزانہ میں پاکستان تحریک انصاف کے ایم این اے و کمیٹی ممبر اسد عمر کی جانب سے پوچھے گئے سوال کے جواب میں کیا۔

واضح رہے کہ اسد عمر نے یکم دسمبر 2016 ء کو کمیٹی کے اجلاس میں گزشتہ تین سالوں میں دبئی میں 6.6 ارب ڈالر کی جائیداد خریدی گئی میڈیا رپورٹس کے مطابق 75 فیصد پیسہ پاکستانیوں نے انویسٹمنٹ کیا اسٹیٹ بینک آف پاکستان نے کسی کو اجازت دی تھی اس پر گورنر اسٹیٹ بینک نے کہا کہ اسٹیٹ بینک نے آج تک کسی فرد کو بیرون ملک جائیداد خریدنے کی اجازت نہیں دی۔

(جاری ہے)

لوگ حوالہ اور ہنڈی کے ذریعے رقوم باہر بھجواتے ہیں جس پر اسد عمر نے کہا کہ کیا اسٹیٹ بینک یا کسی ادارے نے تحقیقات کیں اگر کی ہیں تو بتایا جائے ۔اشرف وتھرا نے کہا کہ اسٹیٹ بینک کا کام تحقیقات کرنا نہیں تحقیقات کرنے والے الگ ادارے ہیں جس پر اسد عمر نے کہا کہ رہائشی نظام مفلوج نظر آرہا ہے ادارے کسی قسم کا جواب نہیں دے رہے ایس ای سی پی سے ڈھائی ماہ قبل سوال پوچھا تھا جس کے حوالے سے کمیٹی وزارت قانون سے قانونی رائے لے رہی ہے انہوں نے کہ اکہ جب تک عوام کے پیسوں سے تنخواہ لے رہا ہوں پاکستان کے کسی بھی ادارے سے سوال پوچھ سکتے ہیں۔

کمیٹی اجلاس میں گورنر اسٹیٹ بینک نے بتایا کہ پاکستان اور ایران کے حکام نے تجارت مقامی کرنسی میں کرنے کا خیر مقدم کیا تھا اس حوالے سے ایک ایم او یو سائن کیا ہے جس پر عملدرآمد کرنے کی کوشش کی جارہی ہے۔ کمیٹی اجلاس میں بینکوں کی جانب سے زائد شرح سود پر زرعی قرضے دینے سے متعلق ایجنڈا کے حوالے سے چیئرمین کمیٹی نے کہا کہ گزشتہ میٹنگ میں زیڈ ٹی بی ایل کو زرعی قرضوں پر شرح سود ایک ہندسہ تک کرنے کا کہا تھا کمیٹی کے رکن شیخ فیاض الدین نے کہا کہ زرعی ترقیاتی بینک اور نیشنل بینک کاشتکاروں کو 14 فیصد سے زائد شرح سود پر قرضے دے رہے ہین زراعت ریڑھ کی ہڈی ہے کاشتکاروں کو استحصال سے بچایا جائے اسد عمر نے اس دوران کہا کہ بعض بینک شرح سود 18 فیصد تک وصول کررہے ہیں ان سوالات کا جواب دیتے ہوئے اسٹیٹ بینک نے کہا کہ مرکزی بینک نے 2013 ء سے 2016 ء کے دوران پالیسی ریٹ میں 4.25 فیصد کمی کی ہے کمرشل بینکوں نے اس دوران 3.56 فیصد کمی کی ہے تاہم زرعی ترقیاتی بینک نے شرح سود میں کمی نہیں کی۔

سیکرٹری خزانہ طارق باجوہ نے کہا کہ نئے بجٹ میں زرعی شعبے کے لئے پیکج کا اعلان کیا جائے گا اس وقت کھاد پر 29 ارب روپے کی سبسڈی دے رہی ہے انہوں نے کہاکہ زرعی بینک کے شرح سود میں کمی کی گنجائش موجود ہے اس دوران اسد عمر نے کہاکہ صنعتکاروں کو گیس برآمد کرنے پر بھی سبسڈی دی جارہی ہے اربوں روپے کمائے والے صنعتکار وزیر امیر ہورہے ہیں جبکہ کاشتکاروں کو کوئی فائدہ نہیں ہورہا۔ جس پر کمیٹی نے سفارش کی کہ فرٹیلائزر کمپنیوں کو گیس کے نام پر دی جانے والی سبسڈی واپس لے کر کسانوں کو فائدہ پہنچایا جائے۔ (عابد شاہ)