افواج پاکستان کی صلاحیتوں کا اعتراف

افواج پاکستان نے جدید ٹیکنالوجی کو اپنانے اور میزائلوں کے کامیاب تجربات سمیت جے ایف تھنڈر 17کو مزید جدید بنانے اور فضائیہ میں شامل کرکے اپنی صلاحیتوں کا لوہا عالمی سطح پر منوایا ہے اورپیغام دیا ہے دنیا کی اعلی صلاحیتوں کی مالک پاک افواج جد ید اسلحہ سے بھی لیس ہے اپنے ملک وقوم کی حفاظت کی بھر پور صلاحیت رکھتی ہے دشمن کے للکارنے پر منہ توڑ جواب دے گی اس سے قبل پاک فضائیہ کا مقامی طور پر تیار کردہ میزائل کا کامیاب تجربہ ملکی دفاع میں سنگ میل ہے طویل فاصلے تک مار کرنے والا میزائل جے ایف17 تھنڈرسے لیس رات کے وقت بھی ہدف کو مار سکے گا یہ پاکستان کے سائنسدانوں انجینئروں کی صلاحیتوں کامنہ بولتا ثبوت ہے۔

 افواج پاک سمیت پاکستان کے سائنسدانوں انجینئروں پر قوم کو فخر ہے پاکستان کی دفاعی ضروریات میں اضافہ جنگی حالات میں قوم و ملک کیلئے خوشخبری سے کم نہیں پاکستان کو ایٹمی قوت بنے سے لیکر اب تک میزائل ٹیکنالوجی میں مسلسل اضافہ ہوتا آ رہا ہے جو کہ اچھی پیش رفت ہے۔

(جاری ہے)

عوام افواج پاک کے ساتھ کھڑے ہیں اپنی افواج کی قربانیوں اور اعلی کارکردگی پر پوری قوم کو ناز ہے۔

افواج پاک دشمن کو منہ توڑ جواب دینے اور ملک وقوم کا دفاع کو فرض اولین سمجھتی ہے مگر بھارت نے مقبوضہ کشمیر میں حالات ابتر کر رکھے ہیں اور انسانیت سوز مظالم نے اس جمہوریت کے علمدار کا چہرہ بے نقاب کر رکھا ہے اور پاکستان کی سرحدوں پر بھی خلا ف ورزیوں کو معمول بنا رکھا ہے ۔بھارتی فطرت کو دوہرانے کی کوششوں کو پاک افواج کے جنگجووٴں نے ڈھیر کرنے کا عزم کر رکھا ہے۔

پوری دنیااس سے بھی باخبر ہے مگر بھارت باز نہیں آ رہا ۔بہرحال ہماری پاک افواج ملک و قوم کے دفاع کیلئے دن رات جاگ رہی ہے اور جواب دینے کیلئے ہمیشہ کی طرح چاک و چابند بھی ہے ۔

پاکستان جس نے ہمیشہ امن کا راستہ اپنایا اور بھارت کو تنازعات کیلئے مذاکرات کی دعوت دیتا آ رہا ہے مگر بھارت پھر بھی اپنی حرکات سے باز نہیں آ رہا اور کشمیر میں مسلمانوں کے گھروں کو جلانا اور نہتے کشمیریوں کو شہید کرنے کے ساتھ ساتھ اس نے مظالم کا جو سلسلہ جاری رکھا ہے اس کی فطرت کی عکاسی کرتا ہے اس لئے جنگی صورت حال میں تناوٴ برقرار ہے جب تک مذاکرات نہیں ہوتے خطرہ رہے گا ۔

دوسری طرف پاکستان نے ہمیشہ دوستی کا ہا تھ بڑھایا جنگی قیدی پائلٹ سے اچھا رویہ اور اس کو بھارت کے حوالہ کر کے دنیا پر ثابت کیا پاکستان امن پسند ملک ہے مگر ابھی تک اپنے رویہ میں تبدیلی نہیں لایا جبکہ بھارت کے عوام غربت و بیروزگاری کی صورت سے دوچار ہیں اور مودی کو اپنی قوم کی فکر تک نہ ہے اور جنگی جنون اس کے دل و دماغ پر چھایا ہوا ہے جو کہ تباہی کا راستہ ہے ۔

پاکستان میں اقلیتوں کو تحفظ ہے اس کے برعکس بھارت میں مسلمانوں پر مظالم کا معمول بھی اس کی نیچرکی عکاسی کر تا آ رہا ہے بھارت کی ہٹ دھرمی دنیا سے عیاں نہیں اس کو یہ بھی علم ہے پاکستان کی مسلح افواج صلاحیت رکھتی ہیں اور مادر وطن کے وقار سلامتی وخود مختاری پر کوئی آنچ نہیں آنے دیں گے اورپوری قوم افواج پاک کے ساتھ ہے۔ مودی کو اپنا الیکشن جیتنے کیلئے جنگی راستہ کو اپنانے کے بجائے اپنے عوام کی حالت بدلنے کی فکر کرنی چاہیے اسی میں ہی بھارت کا بھلا ہے جنگ تباہی کا ہی نام ہیں بھارت کو علم ہے ہماری فضائیہ بری افواج بحر ی افواج کی جس انداز میں تربیت کی گئی ہے اور دنیا کی بہترین افواج میں ان کا شمار ہے۔

اپنے سمندروں فضاوٴں اور ارض پاکستان کا دفاع کرنا ان کی رگ رگ میں بھرا ہوا ہے ان نے ان کی حفاظت تحفظ کی جرات وہمت بہادری کے ساتھ تاریخ مرتب کی ہے۔ قوم کو اپنے شاہینوں سمیت پاک افواج کی بہادری پر ناز ہے ،ان کی پیشہ ورانہ امور پر مہارت فضائی سرحدوں کی حفاظت اور دشمن کے ناپاک عزائم کو ملیا میٹ کرنا ہی ان کا مشن ہے۔ بھارت واقعی بہت بڑا ملک اور ایٹمی قوت بھی ہے مگر پاکستان بھی ایٹمی قوت اور دنیا کی بہترین فوج جنگی سازوسامان کے ساتھ لیس ہے اور بھارت کی کسی غلطی پر اس کو ایسا منہ توڑ جواب دینے کی صلاحیت رکھتی ہے ۔

۔ہمارے پنجابی ایک شاعر نے کہا تھا ”لالہ جی جان دیو، جنگ کھیڈ نہیں جنانیاں دی“ پوری قوم اس کامیاب میزائل لیس جے ایف17 تھنڈرپر افواج پاک سائنس دانوں انجینئروں کو مبارک باد دیتی ہے ۔پاکستان کے دفاع کیلئے ایسے تجربات ہمارا حق ہے ان کو جاری رہنا چاہیے اوریہ بھی حقیقت ہے کہ افواج پاکستان کے ساتھی پوری قوم کھڑی ہے۔ سچ تو یہ ہے ہم سب ایک پیج پر ہیں۔