آئی سی سی کے 2 روزہ اجلاس میں بگ تھری کے حوالے سے کوئی بھی فیصلہ نہیں کیا جا سکا، ایلن آئزک،فیصلہ 8 فروری کو سنگاپور میں ہونے والے اجلاس میں کیا جائے گا، 2 روزہ اجلاس میں انٹر نیشنل کرکٹ کے بہت سے معاملات پر بات چیت ہوئی اور کئی معاملات پر مثبت پیش رفت بھی سامنے آئی،انٹرنیشنل کرکٹ کونسل کے صدر کی میڈیا سے گفتگو

جمعرات 30 جنوری 2014 07:58

دبئی(اُردو پوائنٹ اخبار آن لائن۔30جنوری۔2014ء) انٹرنیشنل کرکٹ کونسل کے صدر ایلن آئزک نے کہا ہے کہ آئی سی سی کے 2 روزہ اجلاس میں بگ تھری کے حوالے سے کوئی بھی فیصلہ نہیں کیا جا سکا۔دبئی میں آئی سی سی کیایگزیکٹو بورڈ کے 2 روزہ اجلاس کے اختتام پر ایلن آئرک کا کہنا تھا کہ حالیہ اجلاس میں بگ تھری کے حوالے سے کوئی بھی فیصلہ نہیں کیا جا سکا اور اس حوالے سے فیصلہ 8 فروری کو سنگاپور میں ہونے والے اجلاس میں کیا جائے گا۔

(جاری ہے)

آئی سی سی کے چیف ایگزیکٹو ڈیو رچرڈسن کا کہنا تھا کہ 2 روزہ اجلاس میں انٹر نیشنل کرکٹ کے بہت سے معاملات پر بات چیت ہوئی اور کئی معاملات پر مثبت پیش رفت بھی سامنے آئی، ماضی کے مقابلے میں زیادہ بہتر فیوچر ٹور پروگرام ترتیب دیئے گے۔واضح رہے کہ آئی سی سی کے اجلاس میں کرکٹ کے تمام تر فیصلوں پر قبضے کے لئے3 بڑوں آسٹریلیا، انگلینڈ اور بھارت کے گٹھ جوڑ کی پاکستان، جنوبی افریقا اور سری لنکا نے سخت مخالفت کی جبکہ بنگلہ دیش نے بھی پاکستانی موقف کی حمایت کی، دوسری جانب نیوزی لینڈ اور ویسٹ انڈیز نے بگ تھری کی پیش کردہ تجاویز کی حمایت کی۔