مطاف سے تمام رکاوٹیں ختم کرنے کا فیصلہ، حج میں فی گھنٹہ 107ہزار افراد طواف کرسکیں گے

پیر 30 جولائی 2018 11:10

مکہ مکرمہ۔ (اُردو پوائنٹ اخبار آن لائن۔ پیر 30 جولائی 2018ء) مسجد الحرام کی انتظامیہ نے کہا ہے کہ سہ منزلہ مطاف سے تمام رکاوٹیں ہٹا کردی جائیں گی اور حج موسم میں ایک گھنٹے میں 107ہزار افراد طواف کرسکیں گے۔سعودی اخبار کے مطابق یہ بات مسجد الحرام کی انتظامیہ کے سربراہ اعلیٰ کے سیکرٹری مشہور بن محسن المنعمی نے میڈیا سے گفتگو کرتے ہوئے بتائی۔

انہوں نے مطاف اور مسجد الحرام کے خارجی صحنو ں پر سائبان کی تنصیب سے متعلق ایک سوال کا جواب دیتے ہوئے بتایا کہ ابھی تک اس معاملے کا حتمی فیصلہ نہیں ہوسکا۔

(جاری ہے)

مختلف جائزے لئے جا رہے ہیں۔ حازمین حج کے آرام و راحت کو یقینی بنانے والے بہتر سے بہتر ڈیزائن کے انتخاب کیلئے غوروخوض کیا جارہا ہے۔ دوسری جانب نائب وزیر حج و عمرہ ڈاکٹر عبدالفتاح مشاط نیحازمین حج کو ٹرانسپورٹ کی سہولت فراہم کرنے کیلئے ’’ضیف‘‘ نظام کا افتتاح کردیا۔

اس کے تحت حاجیوں کی تمام بسوں کی ہر نقل و حرکت پر نظر رکھی جائیگی۔ 28 کمپنیوں کے ماتحت 17ہزار بسوں کی جملہ سرگرمیوں کی نگرانی کی جائیگی۔ ’’ضیف ‘‘پروگرام بسوں کی جنرل سنڈیکیٹ نے وادی مکہ ٹیکنالوجی کے تعاون سے تیار کرایا ہے۔ یہ سمارٹ ایپلی کیشن پر منحصر ہے۔