وفاق اور پنجاب میں حکومت سازی کے لیے پاکستان تحریک انصاف کی مکمل حمایت کا فیصلہ کیا ہے، پنجاب میں مسلم ن کی اکثریت نہیں رہی، ان کی حکومت نہیں بننے دینگے، چوہدری پرویز الٰہی

پیر 30 جولائی 2018 23:38

اسلام آباد ۔ (اُردو پوائنٹ اخبار آن لائن۔ پیر 30 جولائی 2018ء) پاکستان مسلم لیگ (ق) کے سینئر رہنما چوہدری پرویز الٰہی نے کہا ہے کہ ان کی جماعت نے وفاق اور پنجاب میں حکومت سازی کے لیے پاکستان تحریک انصاف کی مکمل حمایت کا فیصلہ کیا ہے۔ پنجاب میں مسلم ن کی اکثریت نہیں رہی ان کی حکومت نہیں بننے دینگے۔پیر کو ایک نجی ٹی وی چینل سے بات چیت کرتے ہوئے انہوں نے کہا کہ یہ فیصلہ بنی گالہ میں پی ٹی آئی کے سربراہ عمران خان کے ساتھ چوہدری شجاعت حسین کی قیادت میں ہونے والے اجلاس میں ہماری پارٹی کے وفد نے کیا ہے۔

انہوں نے کہا کہ موجودہ حالات میں پاکستان مسلم لیگ (ق) نے ملکی بہتری کے لیے پی ٹی آئی کو مکمل حمایت اور ان سے بھرپور تعاون کی یقینی دہانی کرائی ہے۔

(جاری ہے)

چوہدری پرویز الٰہی کا کہنا تھا کہ ان کی جماعت کے پنجاب کی صوبائی اسمبلی میں 10 ارکان منتخب ہوئے ہیں اور پی ٹی آئی پاکستان مسلم لیگ (ق) کی حمایت کے ساتھ پنجاب میں حکومت بنانے کی مضبوط پوزیشن میں ہے۔پنجاب میں مسلم ن کی اکثریت نہیں رہی ان کی حکومت نہیں بننے دینگے۔ پاکستان تحریک انصاف کے سربراہ عمران خان نے پاکستان مسلم لیگ (ق) کی حمایت پر ان کا شکریہ ادا کیا اور صوبہ پنجاب میں پاکستان مسلم لیگ (ق) کی حکومت کے دور میں مکمل ہونے والے ترقیاتی منصوبوں کی بھی تعریف کی۔

Facebook Twitter Google + Share on Whatsapp

متعلقہ عنوان :

پیر 30 جولائی 2018 کی مزید خبریں