اسٹبیلشمنٹ ملک ،میڈیا اور سیاست پر قبضہ کرنے جا رہی ہے،رانا ثناء اللہ

تحریک انصاف ایک مہر ہے پاکستان کی سیاست سے اس مہرہ کو صاف کرنا ہو گا،تمام آزاد امید وار بھی پی ٹی آئی میں چلے جائیں تو بھی بات نہیں بنے گی ،رہنما مسلم لیگ ن کی نجی ٹی وی سے گفتگو

جمعرات 2 اگست 2018 23:52

اسلام آباد(اُردو پوائنٹ اخبار آن لائن۔ جمعرات 2 اگست 2018ء) مسلم لیگ ن کے رہنما رانا ثناء اللہ نے کہا ہے کہ اسٹبیلشمنٹ ملک ،میڈیا اور سیاست پر قبضہ کرنے جا رہی ہے یہ ریاست کے لئے خطرناک ہو گا تحریک انصاف ایک مہر ہے پاکستان کی سیاست سے اس مہرہ کو صاف کرنا ہو گا، تحریک انصاف میں 35 فیصد کارکن ہیںجبکہ 75 فیصد اسٹبلیشمنٹ کا غلبہ ہے جمعرات کے روز نجی ٹی وی سے گفتگو کرتے ہوئے رانا ثناء اللہ نے کہا کہ خلائی مخلوق مہرے کو استعمال کر کے سیاست میں آ چکی ہے خلائی مخلوق نے سیاسی جماعت کا روپ دھار لیا ہے اور سیاست میں اپنامقام بنا لیا ہے پاکستان کی سیاست سے اس مہرہ کو صاف کرنا ہو گا تحریک انصاف میں 35 کارکن ہیںجبکہ 75 فیصد اسٹبلیشمنٹ کا غلبہ ہے یہ ریاست کے لئے خطرناک ہو گا انہوں نے کہا کہ اگر تمام آزاد امید وار بھی پی ٹی آئی میں چلے جائیں تو بھی بات نہیں بنے گی ۔