وزیر اعظم پاکستان نے اقوامِ عالم کو مقبوضہ کشمیر کا آئینہ دکھادیا

پاکستان کے وزیر اعظم عمران خان نے مقبوضہ کشمیر کی صورتحال او رعالمی دنیا میں دین مصطفےٰ کے پروانوں کے خلاف مغرب کی دہشت گردی کے خلاف اُن ہی کی زبان میں خطاب کرکے مغربی دنیا کو جھنجھوڑ کر رکھ دیا پاکستان کے وزیر اعظم ذوالفقار لی بھٹو کے بعد اقوامِ متحدہ کی تاریخ میں پاکستان کے وزیر اعظم عمران خان کی دوسری تقریر ہے جس پر نہ صرف پاکستان بلکہ پاکستان دشمن قوتوں نے بھی تسلیم کر لیا کہ وزیراعظم پاکستان عمران خان دورِحاضر کے عظیم لیڈر عالمِ اسلام کے علم بردار اور وہ عوامی قائد ہیں جس نے بلاخوف وخطر اقوامِ عالم کو مقبوضہ کشمیر میں بھارت کی دہشت گردی پر مغربی دنیا کی خاموشی کو آئینہ دکھایا ۔

عمران خان کی تقریرکے بعد ترکی کے قابل فخر دنیائے اسلام کے عظیم رہنماطیب اردگان نے عمران خان کو بڑے جذباتی انداز میں گلے لگایا ۔

(جاری ہے)

اقوامِ متحدہ کے بھرپور اجلاس میں 50منٹ تک کی تقریر میں عمران خان نے عالمی قوتوں کی آنکھ میں آنکھ ڈال کر وہ تاریخی اظہار خیال کیاجس پر نہ صرف مقبوضہ کشمیر کی مظلوم اور مجبور عوام نے جشن منایا بلکہ پاکستان بھر کی عوام او رمیڈیا کیساتھ عالمی میڈیا میں بھرپور انداز میں عمران خان کی تقریر کو سراہا گیا ۔

دنیا بھر کے صاحبان ضمیر لوگوں اور اخبارات نے تسلیم کیا کہ اقوامِ متحدہ میں پہلی بار آزادی ٴکشمیر کیلئے وزیر اعظم پاکستان نے بھرپور آواز اُٹھائی ۔وزیر اعظم کی شاندار اور جاندار تقریر کو ڈیلی ٹیلی گراف ،وائس آف امریکہ ،واشنگٹن پوسٹ ،رائٹرز ،گا رجین اور دیگرعالمی نیوز ایجنسیوں نے بھرپور کوریج دے کر عمران خان کی صدائے حق کو تقویت دی ۔

وزیر اعظم عمران خان کے اظہار خیال سے قبل بھارت کے نریندر مودی 17منٹ کی تقریر کرکے بھاگ گیا اس لیے کہ اُس کے پاس مقبوضہ کشمیر میں ظلم وستم سے متعلق نہ تو کوئی جواز تھا اور دفاع کیلئے الفاظ جبکہ وزیر اعظم پاکستان نے کئی دہائیوں کے بعد کشمیر کا مقدمہ عالمی دنیا میں نہ صرف بڑے وقار سے پیش کیا بلکہ مغربی دنیا کو آئینہ دکھادیا ۔
عمران خان نے کہا یو این او ،امریکہ ،برطانیہ ،روس اور دیگر طاقتور قوتوں کو علم ہے کہ بھارت میں کس یزید کی حکمرانی ہے مقبوضہ کشمیر میں 53دنوں کے کرفیو کے دوران کشمیر کی معصوم عوام کس اذیت سے زندگی جینے پر مجبور ہے لیکن اقوامِ عالم کی خاموشی بے حسی کی انتہا ہے لیکن اگر بھارت کے انسانیت سوز سلوک کے باوجود مغربی دنیا خاموش رہی اور ہم پر جنگ مسلط کی گئی تو پاکستان کی عوام اور افواجِ پاکستان آخری دم تک لڑیں گے ۔

دین مصطفےٰ کی آبیاری اور شمع رسالت کے پروانوں کو دنیا جانتی ہے کہ محمد مصطفےٰ کا مقام مسلمان کے دل میں کیا ہے دین مصطفےٰ پر اُنگلی اُٹھانیوالے بخوبی جانتے ہیں ہم مقبوضہ کشمیر میں 80لاکھ کشمیریوں پر ہونیوالے ظلم وستم کو برداشت نہیں کر سکتے ۔ہم کشمیریوں کیساتھ کھڑے ہیں او راُس وقت تک ساتھ دیں گے جب تک کشمیر پر آزادی کا پرچم نہیں لہرایا جاتا ۔

عمران خان نے کہا کہ دنیا کو خبردار کر رہا ہوں کہ جس دن کشمیری قوم کو مقبوضہ کشمیر کی قید سے آزاد کیا جائے گا کرفیو ہٹے گا تو کشمیر میں خون کی ندیاں بہیں گے بدترین خون ریزی ہوگی ۔اقوامِ عالم کو انسانیت کے دفاع کیلئے مظلوم انسانیت کی آواز ِحق میں اُن کا ساتھ دینا ہوگا۔
اقوامِ متحدہ میں عمران خان کی تقریرپر پاکستانی عوام نے وزیر اعظم پاکستان کے جرأتمندانہ اقدام پر کہا کہ عمران خان نے الیکشن سے قبل قوم سے کیا ہوا وعدہ پورا کر دیا ۔عمران خان نے کہا تھا میں قوم کو نہ تو جھکنے دوں گا اور نہ بکنے دوں گا میں امریکہ میں امداد کی خیرات مانگنے نہیں آیا ۔امریکہ سے برابری کی سطح پر آگے بڑھنے کا پیغام دینے آیا ہوں ۔