پی ٹی آئی پٹ گئی

 کبھی تصور بھی نہیں کیا جاسکتا تھا کہ حکومت کی موجودگی میں اپوزیشن کا کوئی امیدوار ضمنی الیکشن میں کامیاب ہو سکتا ہے لیکن آج کے ضمنی الیکشن سے لگتا ہے حکومت کے ہاتھ پاؤں باندھ کر اپوزیشن کو کھلی چھٹی دے دی گئی ہے جو کر سکتے ہو کر لو عدالتوں اور الیکشن کمیشن نے ضمنی انتخابات میں حکومتی عہدیداروں پر انتخابی علاقے میں جانے پر بھی پابندی عائد کر دی ہے اس کے برعکس اپوزیشن کی لیڈر شپ سے لے کر ان کے ارکان اسمبلی تک سب کو کھلی چھٹی ہے کہ وہ وہاں ڈیرے جما لے ویسے بھی مسلم لیگ ن اور پیپلز پارٹی کو الیکشن لڑنا آتا ہے جبکہ پی ٹی آئی والے ابھی الیکشن لڑنا سیکھ رہے ہیں ہم نے دیکھا کہ ڈسکہ اور گوجرانوالہ کے دونوں انتخابی حلقوں میں ن لیگ کے پنجاب بھر کے اراکین اسمبلی اور عہدیدار موجود تھے ایک ایک ووٹر پر کام کیا گیا ان کے رشتہ دار ڈھونڈ کر اور کون کس کے زیر اثر ہے وہاں سے اسے مینج کروایا گیا پھر یہ دونوں نشستیں مسلم لیگ ن کی ہی خالی کردہ تھیں سیالکوٹ سے زارے شاہ سدا بہار ایم این اے رہے ان کی وفات پر ان کی بیٹی کو امیدوار بنایا گیا تھا اسی طرح گوجرانوالہ سے شوکت منظور چیمہ کی خالی ہونے والی نشست پر ان کی اہلیہ بیگم طلعت محمود کو امیدوار بنایا گیا تھا دونوں جگہوں پر ہمدردی کے ووٹ بھی ن لیگ کو ملے اصل اپ سیٹ کے پی میں ہوا جہاں تحریک انصاف کی صوبائی نشست ن لیگ لے اڑی یہاں وفاقی وزیر اور سابق وزیر اعلی پرویز خٹک کے بھائی ن لیگ کے ساتھ مل گئے تھے پرویز خٹک کے خاندان نے اپنی ناراضگی بھی ریکارڈ کروا دی اور اپنا سیاسی اثرورسوخ بھی واضع کر دیا ضمنی انتخاب میں پی ٹی آئی، جے یو آئی کی چھوڑی ہوئی قومی اسمبلی کی واحد نشست پر کامیابی حاصل کر پائی سندھ میں پیپلز پارٹی نے اپنا آپ دکھایا لیکن اوورحال جائزہ لیا جائے تو ضمنی انتخابات میں تحریک انصاف پٹ گئی ہے اب اپوزیشن اسے حکومت پر عوامی عدم اعتماد قرار دے گی اور اس پر سیاست بھی کرے گی لیکن عمران خان کو پارٹی کے اندرونی اختلافات پر توجہ دینی ہوگی معاملات کو حل کرنے کی بجائے نظر انداز کرنا زیادہ خطرناک صورتحال اختیار کر جاتے ہیں دوسرا عمران خان کو پارٹی کو منظم کرنے پر توجہ دینا ہو گی اور پاپولر عوامی فیصلے کرنا ہوں گے عوام کو ریلیف دینے کے لیے فوری اقدامات کرنا ہوں گے ورنہ مخالفانہ ہوا کوئی بھی رخ اختیار کر سکتی ہے تاہم سینٹ کے الیکشن اور آزاد کشمیر کے انتخابات میں تحریک انصاف کی یقینی فتح ضمنی الیکشن کا ڈیمیج ریکور کر لے گی لیکن عوامی اطمینان ریلیف دیے بغیر ممکن نہیں۔