بلدیاتی انتخابات کو ملتوی کرنے کے حیلے بہانے مسترد کرتے ہیں،سید مصطفی کمال
ان سب کے خاندان بیرون ملک آباد ہیں یہ لوگ یہاں سے کما کر پیسے باہر بھیجتے ہیں،چیئرمین پاک سرزمین پارٹی
منگل 7 جون 2022 20:08
(جاری ہے)
اگر عوام کے حق پر ڈالا گیا تو پی ایس پی سڑکوں پر ہوگی۔ عمران خان کی حکومت میں ایم کیو ایم کا وزیر ہی مہاجروں کا نام لے کر حکومت گرانے کے لیے آصف زرداری، شہباز شریف سے مذاکرات کر رہا تھا۔ مہنگائی پر مگرمچھ کے آنسو بہاتی ایم کیو ایم عمران خان کی خراب معاشی پالیسیوں کی حصے دار تھی اور اب پی ڈی ایم کے بھی فیصلوں کیساتھ ہے۔
ایم کیو ایم نے کراچی کے نوجوانوں کے مستقبل کو تاریکی میں دھکیل دیا ہے۔ کوئی نوکری، تعلیم، اسپتال نہیں ہے۔ قوم سے امید چھین لی گئی ہے۔ الیکشن کمیشن کراچی سے دشمنی ختم کرے، پورے پاکستان میں انتخابات اتوار کے دن ہوتا ہے، لیکن این اے 240 کراچی میں ورکنگ ڈے جمعرات کو ہے، جہاں مزدور طبقہ رہتا ہے۔ این اے 249 کا ضمنی انتخاب بھی ورکنگ ڈے میں رکھا تھا۔ الیکشن کمیشن خود ٹرن آٹ کم رکھنے کی سازش کا حصہ بن رہی ہے۔ متعدد درخواستوں پر کوئی سنوائی نہیں، مجبورا سندھ ہائی کورٹ جانا پڑا۔ این اے 240 میں ایم کیو ایم جو ڈی آر او لگا رہی ہے انہوں نے اگر کوئی غیر قانونی کام کیا تو انہیں عوامی غیض و غضب سے کوئی نہیں بچا سکے گا اور اس عوامی ردعمل کے وہ خود زمہ دار ہونگے۔ ان ڈی آر او سے کہتا ہوں کہ نیوٹرل رہ کر اپنی ڈیوٹی انجام دیں ورنہ ایم کیو ایم آپ کو بچانے نہیں آئیگی۔ ان خیالات کا اظہار انہوں نے پاکستان ہاس میں پریس کانفرنس سے خطاب کرتے ہوئے کیا، انہوں نے مزید کہا کہ ایک وفاقی وزیر کہتے ہیں کراچی کو بجلی نہ دیں تو ملک میں لوڈ شیڈنگ کا خاتمہ ہو سکتا ہے، کراچی اگر اپنا پیسہ آپ کو نہ دے تو اتنی بجلی پیدا کرے گا کہ پورے ملک کو ادھار بجلی دے۔ کراچی کوئی بھارت کا حصہ نہیں، وزیراعظم شہباز شریف اور مریم نواز اس بیان کا نوٹس لیں۔ تاجر و صنعتکار ٹیکس دینے کے باوجود سڑکوں، پانی، بجلی، گیس سے محروم ہیں۔ حکومت پیٹرولیم مصنوعات کی قیمتوں میں ہوشربا اضافہ کر رہی ہے اور اب ملبہ پہلے والوں پر ڈال رہے ہیں، یہی بتانا تھا تو حکومت نہیں لینی تھی۔ حکومت اپنے لیکجز روکے، صحت اور تعلیم کی مد میں جو کرپشن ہے اس کا خاتمہ کر کے غریب عوام کو 20 سے 25 ہزار کا ریلیف دیا جا سکتا ہے۔ سرکاری اسکولوں اور اسپتالوں کو ٹھیک کر کے فیسوں اور علاج معالجہ کے اخراجات سے عوام کو بچایا جا سکتا ہے۔ شہباز شریف صاحب مہنگائی کا بم گرا رہے ہیں لیکن اصلاحات کی طرف توجہ نہیں۔ ہمارے شہر کا پانی چوری کرکے ہمارے ہی شہریوں کا بیچا جا رہا ہے جبکہ اس شہر میں پولیس، رینجرز، عدالت سب موجود ہیں،کوئی اس ظلم کو روکنے والا نہیں۔ آج پاکستان اس نہج پر آگیا ہے اس کی اگلی نسل کے پاس لٹانے کو کچھ نہیں۔ جعفر آباد اور نصیر آباد بلوچستان کے علاقے ہیں جہاں پانی کا شدید بحران ہے، انکا کوٹہ 2400 کیوسک ہے جبکہ صرف 600 کیوسک دیا جا رہا ہے، لوگوں کے پاس پینے کا پانی بھی نہیں۔ لانڈھی کی عوام کے پاس موقع ہے کہ 40 سالہ گند کو صاف کرنے کا موقع ہے، پاک سرزمین پارٹی کو ووٹ دے کر کامیاب کرائیں۔ ہم ہی کراچی کے مسائل حل کر سکتے ہیں۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.