Live Updates

بھارت ابھی تک کسی تیسرے ملک میں گفتگو کرنے کیلئے راضی نہیں ہوا، وزیراعظم

آرمی چیف کوفیلڈ مارشل بنانے میں نواز شریف کی مشاورت شامل ہے، پاکستان اور بھارت زمانہ امن کی پوزیشنوں پر واپس آرہے ہیں،پاکستان اور بھارت کے ڈی جی ایم اوز میں اتفاق ہو گیا، وزیراعظم کی سینئر صحافیوں سے گفتگو

فیصل علوی بدھ 21 مئی 2025 14:49

بھارت ابھی تک کسی تیسرے ملک میں گفتگو کرنے کیلئے راضی نہیں ہوا، وزیراعظم

اسلام آباد(اردوپوائنٹ اخبار تازہ ترین۔21 مئی 2025)وزیراعظم شہباز شریف نے کہا ہے کہ بھارت ابھی تک کسی تیسرے ملک میں گفتگو کرنے کیلئے راضی نہیں ہوا،پاکستان اور بھارت زمانہ امن کی پوزیشنوں پر واپس آرہے ہیں،پاکستان اور بھارت کے ڈی جی ایم اوز میں اتفاق ہو گیا،اسلام آباد میں سینئر صحافیوں سے گفتگو کرتے ہوئے وزیراعظم کا کہنا ہے کہ آرمی چیف کو فیلڈ مارشل بنانے کا فیصلہ مکمل طور پرمیراہے فوج کا نہیں ۔

آرمی چیف کوفیلڈ مارشل بنانے میں نواز شریف کی مشاورت شامل ہے۔وزیراعظم نے کہا کہ کوئی بھی فیصلہ کرنے سے پہلے میں نواز شریف سے بھی مشاورت ضرورکرتا ہوں۔پاکستان اور بھارت کے درمیان جب بھی دہشت گردی سے متعلق مذاکرات ہوئے دونوں قومی سلامتی کے مشیر کریں گے۔بھارت کسی تیسرے ملک کی مذاکرات میں شرکت پر بھی آمادہ نہیں۔

(جاری ہے)

انہوں نے کہا کہ جنگ میں کسی کی جیت ہوتی ہے تو ایک کی ہار ہوتی ہے۔

جنگ مستقل حل نہیں دیرپا امن ہی محفوظ مستقبل کی ضمانت ہے۔وزیراعظم شہباز شریف نے صحافیوں سے گفتگو کرتے ہوئے مزید کہا کہ جنگ کے دوران اسرائیل نے بھارت کی خوب مدد کی۔ سری نگر اور دیگر مقامات پر بھارت نے اسرائیلی ہتھیار استعمال کئے۔ بھارت سے بات چیت کے دوران پاکستان کی جانب سے چار اہم نکات شامل ہوں گے۔ بھارت سے کشمیر، پانی، تجارت اور دہشت گردی کے حوالے سے بات ہوگی۔

پاکستان اور بھارت کے درمیان جب بھی دہشت گردی سے متعلق مذاکرات ہوئے دونوں قومی سلامتی کے مشیر کریں گے۔گزشتہ روز وفاقی کابینہ نے آرمی چیف جنرل سید عاصم منیر (نشانِ امتیاز ملٹری) کو فیلڈ مارشل کے عہدے پر ترقی دینے کی منظوری دی تھی۔اعلامیے کے مطابق آپریشن بنیان مرصوص کی اعلیٰ حکمتِ عملی اور دشمن کو شکستِ فاش دینے پر جنرل عاصم منیر کو فیلڈ مارشل کے عہدے پر ترقی دی گئی تھی۔