جڑنوالہ میں بچوں کی لڑائی میں بڑے کود پڑے ،مسلح افراد کی فائرنگ سے پیپلز پارٹی کے مقامی رہنما قتل ، آصف زرداری کی جڑانوالہ میں پیپلز پارٹی رہنما رانا شفاقت کے قتل کی مذمت، مجرموں کو قانون کی گرفت میں لا کر سخت سزاد لوائی جائے،وفاق و پنجاب حکومت سے مطالبہ
فیصل آباد(اُردو پوائنٹ اخبارآن لائن۔4 مئی۔2015ء)جڑنوالہ کے علاقہ میں بچوں کی لڑائی میں بڑے کود پڑے ،مسلح افراد نے فائرنگ کرکے پیپلز پارٹی کے مقامی رہنما کو قتل کر دیا۔خبر رساں ادارے کے مطابق چک نمبر656گ ب کے رہائشی ریلوے کنڈیکٹر اورپیپلز پارٹی کے مقامی رہنماشفاقت علی پپو اورمحمدحبیب کے بچوں کے درمیان دو روز قبل لڑائی ہوگئی تو بیچ بچاؤ کرواتے ہوئے بچوں کو تھپڑ مارنے پر بڑوں کے درمیان جھگڑا ہو گیا ،تو اہل علاقہ نے بیچ بچاؤ کروادیا تاہم ملزموں مون ولد خالد،مدثر عرف پپو وغیرہ نے بدلہ لینے کی خاطر آج ریلوے لائن سے ملحقہ ڈھاری پر بیٹھے ہوئے شفاقت علی پپو پر حملہ کرکے فائرنگ کرکے موقع پر ہی مار ڈالا اور فائرنگ کرتے ہوئے فرار ہوگئے ،مقتول کے تایا زاد بھائی صداقت علی کے مطابق مقتول شفاقت چاربیٹیوں اورایک بیٹے کا باپ تھا اور ملزموں نے بچوں کی لڑائی پر قتل کیا ہے ملزم اس سے قبل بھی جرائم کی وارداتوں میں ملوث ہیں ،تھانہ لنڈیانوالہ پولیس نے موقع پر پہنچ کرنعش کو تحویل میں لیکر پوسٹمارٹم کیلئے ہسپتال منتقل کرکے ملزموں کی تلاش شروع کردی ہے ۔
(جاری ہے)
مزید متعلقہ خبریں پڑھئیے :
متعلقہ عنوان :
