سندھ ہائی کورٹ نے آئی جی سندھ اے ڈی خواجہ کو ہٹانے سے متعلق حکم امتناعی میں توسیع کردی

منگل 11 اپریل 2017 23:18

کراچی(اُردو پوائنٹ اخبار آن لائن۔ بدھ 12 اپریل 2017ء)سندھ ہائی کورٹ نے آئی جی سندھ اے ڈی خواجہ کو ہٹانے سے متعلق حکم امتناعی میں توسیع کرتے ہوئے اللہ ڈنو خواجہ کو کام جاری رکھنے کا حکم دیا ہے،سندھ ہائی کورٹ نے آئی جی سندھ کو ہٹانے سے متعلق حکم امتناعی میں مزید 13 اپریل تک توسیع کرتے ہوئے آئی جی سندھ اللہ ڈنو خواجہ کو کام جاری رکھنے کی ہدایت کی ہے،سندھ ہائی کورٹ میں آئی جی سندھ کو ہٹانے سے متعلق کیس کی سماعت منگل کو ہوئی،جس میں عدالت نے ایڈوکیٹ جنرل سے سوال کیا کہ آئی جی کی تعیناتی کا طریقہ کار کیا ہے،عدالت نے ایڈوکیٹ جنرل سندھ سے آئی جی تقرری کے حوالے سے مزید تفصیلات طلب کرتے ہوئے وفاق اور صوبائی حکومت کے درمیان اس معاملے سے متعلق آئندہ سماعت پر قانون پیش کرنے کا حکم دیا ہے،عدالت نے کیس کی مزید سماعت 13 اپریل تک ملتوی کردی ہے۔