شکاگو میں کتے کو سیر کروانے پر باپ ،بیٹے کے درمیان جھگڑ،فائرنگ کے نتیجے میں بیٹا ہلاک باپ ذخمی

منگل 11 اپریل 2017 10:20

شکاگو ۔ (اُردو پوائنٹ اخبار آن لائن۔ بدھ 12 اپریل 2017ء) شکاگو میں باپ نے کتے کو سیر کروانے کے لیے لے جانے پر ہونے والے بحث کے دوران فائرنگ کر کے بیٹے کو ہلاک کر دیا۔برطانوی خبررساں ادارے کے مطابق 22 سالہ نوجوان کی والد درمیان بحث چھڑ گئی جس کے نتیجے میں دونوں نے آپے سے باہر ہو کر ایک دوسرے پر گولی چلا دی۔

(جاری ہے)

شکا گو پولیس کے ترجمان نے ایک ٹویٹ میں باپ بیٹے کے درمیان ہونے والے فائرنگ کے تبادلے کی تصدیق کی۔

پولیس کا کہنا ہے کہ دونوں کو ہی ایک سے زیادہ گولیاں لگیں جس کے بعد نوجوان زخموں کی تاب نہ لاتے ہوئے ہلاک ہو گیا۔مرنے والے نوجوان کا 43 سالہ باپ ہسپتال میں ہے جس کی حالت تشویشناک بتائی گئی ہے۔پولیس نے ہتھیار برآمد کر کے تحقیقات شروع کر دی ہیں۔ واضح رہے کہ شکاگو ٹربیون کے مطابق رواں برس اب تک اس شہر میں 800 کے قریب افراد کو گولی ماری جا چکی ہے۔