ٹیسٹ سیریز میں کھوٹے سکے چل پڑے
Test Series Main Khotte Sikke Chal Pare
اظہرعلی کی کپتانی میں کچھ نہ کرنے والے محمد حفیظ کا بلا مصباح کی کپتانی میں چل پڑا
اعجاز وسیم باکھری ہفتہ 2 مئی 2015
ایک طرف پی سی بی زمبابوے سیریز کی میزبانی کی تیاریوں میں مصروف ہے تو دوسری جانب پی سی بی تنقید کی زد میں بھی ہے۔ بنگلہ دیش کیخلاف جاری سیریز کے ابتدائی چار میچز جس میں تین ون ڈے اور ایک ٹی ٹونٹی شامل ہے میں پاکستانی ٹیم نے تاریخ کا بدترین کھیل پیش کیا، اس پر کرکٹ بورڈ اور ٹیم انتظامیہ پر کڑی تنقید کی گئی لیکن مجال ہے پی سی بی کے ماتھے پر اس تنقید سے کوئی بل آیا ہو۔ کرکٹ بورڈ پر تنقید کے ساتھ ساتھ چیف کوچ وقاریونس بھی ان دنوں تنقید نشتر کے زد میں ہیں، وقاریونس سے استعفیٰ کا مطالبہ بھی زور پکڑ رہا ہے اور اس پر پریشر ڈالنے کیلئے میڈیا کا بھی سہارا لیا جارہا ہے لیکن وقاریونس قومی ٹیم کے ایک ایسے کوچ ہیں جن کی نیت پر شک نہیں کیا جاسکتا، قومی ٹیم نے بنگلہ دیش کیخلاف بہت بری کرکٹ کھیلی اور اس کا شکست کی صورت میں خمیازیہ بھی بھگتنا پڑا لیکن قومی ٹیم نے ٹیسٹ میچز میں کم بیک کیا اور محمد حفیظ کی صورت میں ڈبل سنچری بھی پاکستان کی جانب سے سکور کی گئی جبکہ نصف سنچریاں کرنے والے بھی تین تین تھے لیکن اوسط درجے کی باؤلنگ کے باعث بنگلہ دیش پاکستان کے پہاڑ سکور کے باوجود میچ میں کم بیک کرنے میں کامیاب ہوگیا۔
(جاری ہے)
پاکستانی ٹیم کی بیٹنگ تو ٹیسٹ سیریز میں چل پڑی لیکن باؤلنگ نے ایک بار پھر مایوس کیا اور اس سب سے بڑھ کر فیلڈنگ کارکردگی پر تو افسوس ہی ہے۔ بنگلادیش کے خلاف اظہر علی کی قیادت میں ون ڈے سیریز اور واحد ٹی ٹوئٹی میں شاہد آفریدی کی کپتانی میں شرمناک شکست کے بعد ٹیسٹ میں مصباح الیون چند تبدیل شدہ چہروں کے ساتھ میدان میں اتری لیکن قومی ٹیم نے فیلڈنگ میں ایک مرتبہ پھر اپنی روایت برقرار رکھی اور ایک کے بعد ایک کیچ چھوڑے جس سے بولرز بنگال ٹائیگرز کے سامنے بے بس دکھائی دیئے۔
بنگلادیش کے تمیم اقبال اور امرالقیس پہلے بازی کرنے آئے تو ابتدا میں ہی ذوالفقار بابر کی گیند پر محمد حفیظ تمیم اقبال کا انتہائی آسان کیچ نہ لے سکے جب کہ یاسرشاہ کی گیند پر شارٹ لیگ پر ون ڈے ٹیم کے کپتان اظہرعلی امرالقیس کا کیچ پکڑنے میں ناکام رہے، 2 کیچ چھوڑنے کے بعد ٹیم کو ایک اور موقع ذوالفقاربابرکی گیند پر ہی ملا جب لانگ آن پر کھڑے فیلڈر یاسر شاہ امرالقیس کا دوسرا انتہائی آسان کیچ لینے میں ناکام رہے۔ میچ میں عمدہ بولنگ کرنے والے ذوالفقار بابر نے چوتھا کیچ مومن الحق کا اپنی ہی گیند پر ڈراپ کیا جو بعد میں 80 رنز بنا کر آوٴٹ ہوئے۔ اس کارکردگی سے قومی ٹیم کی پستی میں چلی گی اور بنگلہ دیش ٹیسٹ سیریز کے پہلے میچ میں بھی بلندیوں پر نظر آیا۔ ہار جیت سے قطع نظر قومی ٹیم سے اچھی کرکاٹ کی توقع تھی جو پوری نہیں ہوئی، پاکستان بنگلہ دیش کیخلاف شکست تو کھا گیا لیکن انتہائی برے طریقے سے ہونیوالی شکست برادشت نہیں ہوتی اور شائقین آپے سے باہر ہوجاتے ہیں۔ قومی ٹیم کے پاس بہترین موقع ہے کہ وہ زمبابوے اور بنگلہ دیش کیخلاف کھیل کر رواں سال انگلینڈ اور بھارت کیخلاف بڑی سیریز کیلئے تیاری کرے تاکہ قومی ٹیم ٹریک پر واپس آسکے مگر یہاں کمزور ٹیموں کیخلاف کارکردگی کا معیار اتنا گرچکا ہے کہ اب پاکستانی ٹیم کیلئے کوئی چھوٹی یا بڑی ٹیم نہیں ہے ، اس کارکردگی کو دیکھ کر تو یہی کہا جاسکتا ہے کہ پاکستان اب بڑی ٹیموں کیخلاف ہی کھیل رہا ہے کیونکہ اب ہمارے لیے کوئی چھوٹی ٹیم نہیں رہی۔
مزید مضامین :
ایک روزہ کرکٹ عالمی کپ2023 ء کی اہم خبریں اور ریکارڈز( آخری حصہ)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ2)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ1)
آسٹریلین اوپنر# ہیڈآن۔۔ٹریوس ہیڈ
"واریئر کپتان" کمنز # آسٹریلیا نے ورلڈ کپ جیت لیا
ڈیوڈ مِلر ## جنوبی افریقہ کے ﴾ " مِلر دِی کِلر" ﴿
گولڈن ہاک #ویرات کوہلی#کی گولڈن نوکس
گلین میکسویل کے بیٹ کی " میوزیکل ٹون" ۔۔"ویلڈن"
" فیبولیس فخر" | فخر پر" فخر" | "کرشنگ دِی بیٹ"
ورلڈ ٹیپ بال کرکٹ کونسل کا آغاز
گیبریلا سبا ٹینی ۔ ۔ ثانیہ مرزا | ٹینس میں اپنی پہچان
سر اینڈی مرے | برطانیہ کے نامور ٹینس کھلاڑی
مائیکل چانگ اور نومی اوساکا | ٹینس کے انفرادی کھلاڑی
سٹیفن ایڈبرگ اور میٹس وِلنڈر | سویڈن کے 2 اہم ٹینس کھلاڑی
ماریاشراپووا۔۔روس کی ''سکریمنگ سنڈریلا''۔۔ٹینس کھلاڑی
وینس ولیمز ۔۔امریکن ٹینس کھلاڑی
أنس جبیر۔افریقن عرب مسلمان ٹینس کھلاڑی "منسٹر آف ہپی نیس"
بورس بیکر۔جرمن ٹینس چیمپئین | منفرد کھیل کے انداز کا مالک
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
چھٹی پنجاب (را) پاور لفٹنگ انٹر کلب ڈیڈ لفٹ،بینچ پریس چمپئن شپ کل سے شروع
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
مانچسٹر سٹی نے انگلش پریمیئر لیگ کیایک اہم میچ میں برائٹن اینڈ ہوو البیون کو یکطرفہ مقابلے کے بعد ایورٹن کو 0-4 گول سے شکست دیدی
-
انڈین پریمیئر لیگ ،رائل چیلنجرز بنگلورو نے سن رائزرز حیدرآباد کو35رنز سے ہرادیا
-
ہسپانوی ٹینس سٹار رافیل نڈال کا میڈرڈ اوپن ٹینس مینز سنگلز کا فاتحانہ آغاز