فیصل بینک ٹی ٹونٹی ٹورنامنٹ ،سیمی فائنلز میں ایبٹ آباد فالکنز ، اسلام آباد لیپرڈز کو شکست ، فائنل میں لاہور لائنز اور فیصل آباد وولوز آج آمنے سامنے ہوں گے
راولپنڈی (اُردو پوائنٹ اخبار آن لائن۔16فروری۔2014ء)راولپنڈی میں جاری فیصل بینک ٹی ٹونٹی کرکٹ ٹورنامنٹ کا فائنل آج لاہور لائنز اور فیصل آباد وولوز کے درمیان کھیلا جائے گا ، سیمی فائنل مقابلوں میں فیصل آباد ولوز نے ایبٹ آباد فالکنز اور لاہور لائنز نے اسلام آباد لیپرڈز کو شکست دے دی ، پہلے سیمی فائنل میں اسلام آباد لیپرڈز نے ٹاس جیت کر لاہور لائنز کو پہلے بیٹنگ کرنے کی دعوت دی ، لاہور لائنز کی ٹیم مقررہ 20اوورز میں 188رنز بنا سکی ، ناصر جمشید نے60جبکہ کپتان محمد حفیظ نے50رنز بنائے ، جواب میں اسلام آباد لیپرڈز کی ٹیم 19ویں اوور میں 109رنز بنا کر آوٴٹ ہو گئی ، محمد عرفان نے26، عمر گل نے26رنز بنائے ، لاہور لائنز کے اعزاز چیمہ ، محمد حفیظ ، عمران علی ، عدنان رسول نے2، 2وکٹیں حاصل کیں ، دوسرے سیمی فائنل میں فیصل آباد ولوز کی ٹیم نے ٹاس جیت کر پہلے بیٹنگ کرتے ہوئے مقرر 20اوورز میں186رنز بنائے ، فرخ شہزاد نے88جبکہ آصف علی 37 رنز بنا کر نمایاں رہے ، جواب میں ایبٹ آباد فالکنز کی ٹیم مقررہ 20اوورز میں7وکٹوں کے نقصان پر 135رنز بنا سکی ، عدنان رئیس 30، حماد علی25رنز بنا کر نمایاں رہے ، فیصل آباد وولوز کی طرف سے سعید اجمل ، احسان عادل 2، 2وکٹوں کے ساتھ نمایاں رہے ۔
مزید متعلقہ خبریں پڑھئیے :
متعلقہ عنوان :
