ٹیکساس کے گورنر نے غیر قانونی تارکین وطن کو بعض شہروں میں تخفظ دینے کے قانون کی منسوخی کے متنازعہ بل پر دستخط کر دیئے

پیر 8 مئی 2017 15:29

واشنگٹن ۔ (اُردو پوائنٹ اخبار آن لائن۔ منگل 9 مئی 2017ء) امریکا کی ریاست ٹیکساس کے ری پبلکن گورنرگریگ ایبٹ نے غیر قانونی تارکین وطن کو بعض شہروں میں تخفظ دینے کے قانون کی منسوخی کے متنازعہ بل پر دستخط کر دیئے ۔

(جاری ہے)

مقامی ذرائع کے مطابق فیس بک پر براہ راست نشر کی گئی ویڈیو میں ٹیکساس کے گورنر گریگ ایبٹ نے غیر معمولی قدم اٹھاتے ہوئے غیر قانونی تارکین وطن کو ٹیکساس کے بعض شہروں میں تخفظ دینے کے قانون کی منسوخی کے متنازعہ بل پر دستخط کیے جس کے تحت غیر قانونی تارکین وطن کو پولیس وفاقی انتظامیہ کے ساتھ تعاون سے انکار پر گرفتار کر سکے گی۔

انہوں نے کہا کہ ٹیکساس کے شہری ہم سے اور قانون نافذ کرنے والے افسران سے اپنے تخفظ کی توقع رکھتے ہیں اور اس لئے ہم یہ قدم اٹھا رہے ہیں۔ اس بل کی منظوری کے خلاف ٹیکساس میں گورنرگریگ ایبٹ کے دفتر کے باہر مظاہرے بھی ہوئے ۔امریکن سول لبرٹیز یونین نے ٹویٹ کیا ہے کہ گورنر ایبٹ نے ٹیکساس پولیس کو کارروائی کرنے اور امتیازی سلوک کے لئے لائسنس دے دیا ہے ۔واضح رہے کہ گذشتہ ماہ ایک عدالت نے اس حکم نامے کو بلاک کر دیا تھا ۔