وزیر اعظم نے خود کو عدلیہ کے سامنے پیش کیا ، احتساب کا نیا قانون لانے کا وعدہ پورا کیا جائے گا ، چیئرمین نیب اپنی کارکردگی کا دفاع خود کریں گے ،وزیر اعظم کے ترجمان ڈاکٹر مصدق ملک

پیر 8 مئی 2017 23:45

اسلام آباد (اُردو پوائنٹ اخبار آن لائن۔ منگل 9 مئی 2017ء) وزیر اعظم کے ترجمان ڈاکٹر مصدق ملک نے کہا ہے کہ وزیر اعظم نے خود کو عدلیہ کے سامنے پیش کیا ، احتساب کا نیا قانون لانے کا وعدہ پورا کیا جائے گا ، چیئرمین نیب اپنی کارکردگی کا دفاع خود کریں گے ۔ وہ پیر کو نجی ٹی وی پروگرام میں گفتگو کر رہے تھے ۔

(جاری ہے)

انہوں نے کہا کہ وزیر اعظم نے خود کہا ہے کہ کرپشن کا معاملہ منطقی انجام تک پہنچے گا ۔

وزیر اعظم نے خود کو اور اپنے خاندان کو عدلیہ کے سامنے پیش کیا ہے ۔ وزیر اعظم سے متعلق کیس دو ماہ میں ختم ہو جائے گا تو پھر ہم احتساب کا نیا قانون پیش کرینگے ۔ مصدق ملک نے کہا کہ احتساب کا نیا قانون لانے کا وعدہ پورا کیا جائے گا ۔ چیئرمین نیب سے متعلق عدالتوں کا جو بھی موقف ہے اس پر وہ اپنی کارکردگی کا دفاع خود کرینگے ۔ …(م د)