چین میں سمندر پر تعمیر ہونے والا دنیا کا سب سے بڑا پل استعمال کے لیے تیار

15ارب ڈالر سے تیارپل پر مصنوعی جزیرہ بھی تعمیر، رواں مہینے عوام کے لیے کھول دیا جائے گا

بدھ 11 اپریل 2018 15:28

بیجنگ(اُردو پوائنٹ اخبار آن لائن۔ بدھ 11 اپریل 2018ء)چین میں سمندر کی سطح پر بنایا گیا دنیا کا سب سے لمبا پٴْل مکمل کر لیا گیا ہے جس کی تعمیر میں آٹھ سال کا طویل عرصہ لگا۔چینی میڈیا کے مطابق جدید انجینئرنگ کے اس شاہکار کی تعمیر سے ہانگ کانگ اور مکاو شہرزوہائی سے مل جائیں گے اور فاصلے بھی سمٹ گئے ہیں۔ 55 کلو میٹر لمبے اس پٴْل میں 6.7 کلو میٹر کی ایک ٹنل بھی بنائی گئی ہے۔

(جاری ہے)

اس کے علاوہ باقی 22.9 کلو میٹر کے مرکزی برج پر ایک مصنوعی جزیرہ بھی تعمیر گیا ہے جس پر شاندار لائیٹنگ سے لے کر بہترین لینز بھی تشکیل دی گئی ہیں۔15بلین ڈالر لاگت سے مکمل ہونے والے اس انوکھے برج پر انجینئرز مزید آزمائشیں کرتے دکھائی دے رہے ہیں جس کے بعد اسے رواں مہینے عوام کے لیے کھول دیا جائے گا۔اس تعمیراتی شاہکار کی تیاری کے لیے انجینئرز نے آٹھ سال سے زائد عرصے تک لگا تار محنت کی جس کے بعد یہ پلان تیار کیاگیا اور اس کو عملی جامہ پہنایا۔