مال روڈ پر کوڑا اور تھوک پھینکنے والوں کیخلاف ایک ہزار روپے جرمانہ عائد ہو گا ، لاہور ہائیکورٹ نے حکم جاری کر دیا

تاریخی عمارتوں پر رنگ روغن کا کام 7 اگست سے شروع کیا جائے ،30 اگست سے تاریخی عمارتوں کی بحالی کیلئے سول ورک شروع کیا جائے

جمعرات 2 اگست 2018 20:12

لاہور (اُردو پوائنٹ اخبار آن لائن۔ جمعرات 2 اگست 2018ء) لاہور ہائیکورٹ نے تاریخی سڑک مال روڈ پر کوڑا اور تھوک پھینکنے والوں کیخلاف ایک ہزار روپے جرمانہ عائد کرنے کا حکم جاری کر دیا ۔لاہور ہائیکورٹ کے جسٹس علی اکبر قریشی نے مال روڈ کو ماڈل روڈ بنانے کا حکم جاری کیا ۔

(جاری ہے)

حکم نامے میں کہا گیا ہے کہ مال روڈ پر تاریخی عمارتوں پر رنگ روغن کا کام 7 اگست سے شروع کیا جائے جبکہ 30 اگست سے تاریخی عمارتوں کی بحالی کے لیے سول ورک شروع کیا جائے۔

لاہور ہائیکورٹ کے فیصلے میں مال روڈ کو ماڈل روڈ بنانے سے متعلق ضلعی انتظامیہ سے کہا گیا ہے کہ ٹریفک پولیس کے ساتھ مل کر 7 اگست تک مال روڈ سے متعلق شہریوں میں شعور اجاگر کیا جائے، چیف ایگزیکٹو لیسکو اور جی ایم پی ٹی سی ایل مال روڈ سے لٹکتی تاروں کا خاتمہ کریں۔مال روڈ پر کوڑا اور تھوک پھینکنے پر ایک ہزار روپے جرمانہ کا حکم دیدیا ہے۔